ახალი ამბები
სამტრედიის სოფელში ჩინელების დაკარგვის და ცემის შესახებ გავრცელებული ინფორმაცია ტყუილია
FaceBook
სამტრედიის სოფელ მელაურში ოთხი ჩინელის დაკარგვის შესახებ ინფორმაცია არ შეესაბამება სიმართლეს - ამის შესახებ ქუთაისიპოსტს შინაგან საქმეთა სამინისტროში განუცხადეს.


"არ ვეძებთ არავის. გავრცელებული ინფორმაცია არ შეესაბამება სიმართლეს", - განმარტავენ უწყების პრესსამსახურში.

შინაგან საქმეთა სამინისტროში განმარტავენ, რომ შესაბამისად, ცემის შესახებაც გავრცელებული ინფორმაციაც არ შეესაბამება სიმართლეს.

"სამარცხვინო ამბავი გვჭირს. სამტრედიის სოფელ მელაურში ჩინეთის 4 მოქალაქე უცემიათ. ორი დღეა ეს ხალხი დაკარგულია, პოლიციაც ეძებს. როგორც მეუბნებიან, ინციდენტი ეთნიკური ნიშნით მომხდარა, ეს კორონა აუცილებლად წარსულს ჩაბარდება,მაგრამ რა ეშველება ვირუსს, რომელსაც ადამიანის სახის დაკარგვა ჰქვია? მეგობრებო, იქნებ მოვძებნოთ ეს ოთხი ჩინელი, დავეხმაროთ პოლიციას, სავარაუდოდ საერთაშორისო სკანდალში ვეხვევით", - წერენ სოციალურ ქსელში.

ადგილობრივები ამბობენ, სამტრედიის სოფლებში ჩინელები არ არიან, მათივე თქმით, მხოლოდ ქალაქ სამტრედიის ცენტრში რამდენიმე მაღაზია აქვთ.

"ეს ინფორმაცია მეც გავიგე, მაგრამ ტყულია. სამტრედიაში არ არიან ჩინელები, ავტობანზე არიან დასაქმებულები, რომლებიც აბაშაში ცხოვრობენ", - ამბობს სამტრედიის მკვიდრო მიხეილ ლეჟავა.

Print E-mail
FaceBook Twitter
მსგავსი სიახლეები
ქუთაისის ბაგა-ბაღებში აღსაზრდელთა რეგისტრაცია, დღეიდან, 1-ლი
სექტემბრიდან, დაიწყო და 10 სექტემბრის ჩათვლით გაგრძელდება.
10:00 / 01.09.2025
ქუთაისის ბაგა-ბაღებში აღსაზრდელთა რეგისტრაცია, დღეიდან, 1-ლი სექტემბრიდან, დაიწყო და 10 სექტემბრის ჩათვლით გაგრძელდება.
11:50 / 30.08.2025
"ევროკავშირი საქართველოს მთავრობას მოუწოდებს, დაუყოვნებლივ გააუქმოს დამოუკიდებელი სამოქალაქო საზოგადოების ორგანიზაციების საბანკო ანგარიშების დაყადაღების გადაწყვეტილება",-

ამის შესახებ განცხადებას საგარეო და უსაფრთხოების პოლიტიკის საკითხებში ევროკავშირის მთავარი პრესსპიკერი, ანიტა ჰიპერი ავრცელებს.

განცხადებაში ნათქვამია, რომ გადაწყვეტილება ფუნდამენტურ უფლებებზე მორიგი თავდასხმა და სასამართლო სისტემის, როგორც რეპრესიის ინსტრუმენტის, გამოყენებაა.

“ეს ფინანსური განზრახ გაგუდვის მეშვეობით პოლიტიკური დევნის აქტია, რომლის მიზანია, გააჩუმოს და დასაჯოს განსხვავებული აზრი.

სამოქალაქო საზოგადოების ორგანიზაციები არა სახელმწიფოს მტრები, არამედ დემოკრატიული პლურალიზმისა და ანგარიშვალდებულების ხერხემალია. წლების მანძილზე საქართველოს ენერგიული სამოქალაქო საზოგადოება ქვეყნის ევროპული ინტეგრაციის მამოძრავებელი ძალა იყო, რომელსაც ხელშესახები სარგებელი მოჰქონდა თავისი მოქალაქეებისთვის. ამ ორგანიზაციების მიზანში ამოღება ფუნდამენტურ დემოკრატიულ ღირებულებებს ეწინააღმდეგება და ძირს უთხრის საბაზისო პრინციპებს, რომლებსაც კანდიდატი ქვეყნისგან მოელიან.

ევროკავშირი მყარად უდგას გვერდში საქართველოს გამძლე და მამაც სამოქალაქო საზოგადოებას, რომელიც მთავრობის მხრიდან მზარდი რეპრესიების მიუხედავად აგრძელებს მოქალაქეებისთვის მსახურებას”, - განაცხადა ჰიპერმა.

თბილისის საქალაქო სასამართლომ დააკმაყოფილა პროკურატურის შუამდგომლობა და 7 არასამთავრობო ორგანიზაციის საბანკო ანგარიშებს ყადაღა დაედო.

სასამართლოს გადაწყვეტილებით, დაყადაღებულია: „სამოქალაქო საზოგადოების ფონდი“-ს , „სამართლიანი არჩევნებისა და დემოკრატიის საერთაშორისო საზოგადოებ“-ის , „ინფორმაციის თავისუფლების განვითარების ინსტიტუტი“-ს, „დემოკრატიის მცველები“-ს , „საქართველოს დემოკრატიული ინიციატივა“-ს , „საფარი“-ს და „სოციალური სამართლიანობის ცენტრი“-ს საბანკო ანგარიშები.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.