ახალი ამბები
სასწავლო პროცესი, კორონავირუსის გამო, წერეთლის უნივერსიტეტშიც შეჩერდა
FaceBook
საბავშვო ბაღებისა და სკოლების შემდეგ, კორონავირუსის გამო, სასწავლო პროცესი აკაკი წერეთლის სახელმწიფო უნივერსიტეტშიც შეწყდა.
უმაღლესი სასწავლებლის ადმინისტრაციაში განმარტავენ, რომ  სწავლება უნივერსიტეტში  დღეიდან 9 მარტამდე შეჩერდება. 

"ამ დროის განმავლობაში უნივერსიტეტში სადეზინფეცქიო სამუშაოები ჩატარდება, შეძენილი გვაქვს სპეციალური საშუალებები, რითაც მოხდება დამუშავება", -  განმარტავენ აკაკი წერეთლის სახელმწიფო უნივერსიტეტის პრესსამსახურში.


განათლების სამინისტრომ, კორონავირუსისგან თავის დასაცავად რეკომენდაციები 27 თებერვალს გასცა.

სასწავლო პროცესი  ბაღებსა და სკოლებში 2 მარტიდან 16 მარტის ჩათვლით შეწყდა.


უწყებათაშორისი საკოორდინაციო საბჭოს სხდომაზე მიღებული გადაწყვეტილებით, გაძლიერდება სადეზინფექციო სამუშაოები საზოგადოებრივ ტრანსპორტში და საბავშვო ბაღებში.

საქართველოში კორონავირუსის პირველი შემთხვევა 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა. კორონავირუსის მეორე შემთხვევა საქართველოში 2020 წლის 28 თებერვალს, მესამე კი 29 თებერვალს დადასტურდა.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთში საქართველოს საელჩოში კი ცხელი ხაზი მოქმედებს. საქართველოში ვირუსის გავრცელების შანსი მინიმალურია.



Print E-mail
FaceBook Twitter
მსგავსი სიახლეები
„მინისტრს აქვს კანონით მინიჭებული დისკრეცია,  თავად დანიშნოს
შეხედულებისამებრ სამხატვრო ხელმძღვანელი
15:30 / 03.12.2021
„მინისტრს აქვს კანონით მინიჭებული დისკრეცია,  თავად დანიშნოს შეხედულებისამებრ სამხატვრო ხელმძღვანელი ", – განაცხადა წულუკიანმა დღეს, 3 დეკემბერს, პარლამენტში მოსმენისას.
ქუთაისის მეშვიდე მოწვევის საკრებულოს საკრებულოს
თავმჯდომარედ ირაკლი შენგელია აირჩიეს.
15:20 / 03.12.2021
ქუთაისის მეშვიდე მოწვევის საკრებულოს საკრებულოს თავმჯდომარედ ირაკლი შენგელია აირჩიეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.