31 წლის ქალს, რომელსაც კორონავირუსი დაუდგინდა, იტალიაში იმყოფებოდა.
იგი ქუთაისი-მილანის რეისით ქუთაისის საერთაშორისო აეროპორტში ჩამოვიდა. არსებული ინფორმაციით, მან თბილისის მიმართულებით ავტობუსით იმგზავრა. ახალგაზრდა ქალს ვირუსის ნიშნები აეროპორტში არ დაუდგინდა, მას სიმპტომები მომდევნო დღეს გამოავლინდა. პაციენტმა ინფექციურ საავადმყოფოს 26 თებერვალს მიაკითხა.
საქართველოში კორონავირუსის პირველი შემთხვევა 26 თებერვალს დაფიქსირდა. ახალი, აქამდე უცნობი ვირუსი 50 წლამდე საქართველოს მოქალაქეს დაუდგინდა, რომელიც აზერბაიჯანის გავლით ირანიდან გუშინ ჩამოვიდა. იგი სამედიცინო დაწესებულებაში საბაჟოდან გადაიყვანეს. ჯანდაცვის მინისტრის, ეკატერინე ტიკარაძის თქმით, მას სხვა მოქალაქეებთან შეხება არ ჰქონია. დაავადებათა კონტროლის ეროვნული ცენტრის ინფორმაციით, საქართველოში ამ ეტაპზე კორონავირუსის ეპიდემიის საფრთხე არ არსებობს.
დაავადებათა კონტროლის ეროვნული ცენტრი კორონავირუსისგან თავდაცვის
მიზნით მოქალაქეებს ურჩევს აუცილებელი შემთხვევის გარდა, არ
გაემგზავრონ იმ ქვეყნებში, სადაც ვირუსის ეპიდემიის საფრთხე
მომატებულია, თავი შეიკავონ ხალხმრავალ ადგილებში ყოფნისგან, ხშირად
დაიბანონ ხელები, საჭიროების შემთხვევაში ატარონ სამედიცინო ნიღაბი,
დაიცვან პირადი ჰიგიენა და სიმპტომების გამოვლენის შემთხვევაში
დაუყოვნებლივ მიმართონ სამედიცინო დაწესებულებას.
ზესტაფონი-ქუთაისის გზაზე ავტოსაგზაო შემთხვევა მოხდა — დაშავდა 13 ადამიანი
რა დარღვევები გამოავლინა შრომის ინსპექციამ ქუთაისში, შარტავას ქუჩაზე მომხდარი უბედური შემთხვევის შემდეგ და მიეცემა თუ არა კომპანიას სამუშაოების გაგრძელების უფლება, უწყება სატელეფონო კომენტარში არ აკონკრეტებს.
მასალის გამოყენების პირობები