ახალი ამბები
ამავე თემაზე:
ტყიბულში მეშახტეები გაიფიცნენ
ტყიბულის შახტის მფლობელის პირველი კომენტარი გაფიცვაზე
"შახტი გადის ტექნიკურ რემონტზე, რასაც სამი თვე დასჭირდება"- ძიძიგურის შახტის დირექტორი
14:15 / 24.02.2020
ტყიბულის ძიძიგურისა და მინდელის
სახელობის შახტების მმართველი კომპანიის დირექტორი მიხეილ
სოცკი, ცოტა ხნის წინ გაფიცულ მეშახტეებს შეხვდა.
სოცკი უარყოფს შახტის შესაძლო დახურვას და
აცხადებს, რომ მუშების მინდელის შახტში გადაყვანა ტექნიკურ სამუშაოებს
უკავშირდება.
კომპანიის დირექტორმა ჟურნალისტებთან საუბრისას
განაცხადა, რომ ამისთვის დაახლოებით სამთვიანი ვადაა
საჭირო.
"დღეს დილით ჩვენ ვისაუბრეთ ყველა
საკითხზე. ეს არის დროებითი შეჩერება ტექნიკური რემონტისთვის. არც
მუშების და არც ხელფასის შემცირება არ იგეგმება. ტექნიკურ
სამუშაოებს, დაახლოებით, სამი თვე დასჭირდება"-განაცხადა
კომპანიის დირექტორმა.
კომპანიის მიერ დასახელებული ვადები გაფიცული
მეშახტეებისთვის მიუღებელია. ისინი აცხადებენ, რომ არანაირი პირობის
სანაცვლოდ მინდელის შახტში არ გადავლენ. გარდა ამისა, მეშახტეები
ითხოვენ ბაგირის შემოწმების პროცესში ძიძიგურის შახტის ტექნიკური
ჯგუფიც ჩაერთოს.
"ვფიქრობთ, ეს ბაგირი ჯერ კიდევ
ვარგისია და შესაძლებელია მისი გამოყენება, მაგრამ რადგან გადაწყდა,
რომ უნდა შემოწმდეს, მოვითხოვთ ჩვენი ტექნიკური ჯგუფის თანდასწრებით
მოხდეს ეს პროცესი"- განაცხადა მეშახტეთა პროფკავშირების
თავმჯდომარემ, გაგა ისაკაძემ.
ტყიბულში
200-მდე
მეშახტე დღეს გაიფიცა.
მეშახტეები
ახალი ინვესტორის გადაწყვეტილებას, მათი მინდელის სახელობის შახტში
გადაყვანის შესახებ აპროტესტებენ და სამუშაო ადგილის შეცვლაზე უარს
აცხადებენ.
2019 წლის ნოემბრიდან ტყიბულის შახტებში ახალი კომპანია
Coal of
Georgia ოპერირებს. ქვანახშირის მომპოვებელი
საწარმოები ყოფილმა ინვესტორმა "ჯი აი ჯი" ჯგუფმა
მას შემდეგ დატოვა, რაც
1000-მდე მეშახტის წინაშე მილიონიანი ვალი დაუგროვდა.
შახტებიდან
კომპანიის გასვლას წინ
მასშტაბური საპროტესტო აქციები უძღოდა. საბოლოოდ, მეშახტეების
ხელფასი ახალმა კომპანიამ გაისტუმრა და შახტები
გადაიბარა.
ამავე თემაზე:
ტყიბულში მეშახტეები გაიფიცნენ
ტყიბულის შახტის მფლობელის პირველი კომენტარი გაფიცვაზე
მსგავსი სიახლეები
14:13 / 26.04.2024
რიკოთის ახალი მაგისტრალური გზის მშენებლობის პროექტის ფარგლებში,
შორაპანი-არგვეთას მონაკვეთზე, ზესტაფონის შემოვლითი 9 კმ-იანი
მაგისტრალური გზა ავტოტრანსპორტისთვის დღეიდან გაიხსნა.
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები