ბრალდებულის ადვოკატი, პავლე კაკაბაძე ქუთაისიპოსტთან საუბარში განმარტავს, მისი დაცვის ქვეშ მყოფს შემაკავებელი ორდერი ოთხი თებერვლიდან ოთხ მარტამდე ჰქონდა გამოწერილი.
ადვოკატი გვიყვება, რომ დაახლოებით ერთი თვის წინ, მამასთან მყოფი ბავშვების წამოსაყვანად მისულ ყოფილს ცოლს პოლიციის გამოძახება დასჭირდა.
"მათ კამათი, ძირითადად, ბავშვების გამო ჰქონდათ. იმ დღეს არ ატანდა შვილებს. ამას მოჰყვა კამათი და შემაკავებელი ორდერის გამოწერაც. ჩემი დაცვის ქვეშ მყოფი დანაშაულს აღიარებს. არის ძალიან ცუდ მდგომარეობაში და ამბობს რომ დროის უკან შემობრუნება რომ შეეძლოს ამ ფაქტს არ ჩაიდენდა", - ამბობს ადვოკატი, პავლე კაკაბაძე.
გიგა აბრალავამ სამტრედიაში, სამოქალაქო რეესტრის შენობაში ცოლს ყელი, მიმდინარე წლის 18 თებერვალს, გამოჭრა. დამნაშავე, 1992 წელს დაბადებული გიგა აბრალავა სამტრედიაში, ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით, ცხელ კვალზე, მოქალაქეთა მომსახურების დარბაზშივე დააკავეს. მას წინასწარი პატიმრობა 20 თებერვალს შეეფარდა. მირიგი სასამართლო პროცესი აპრილშია ჩანიშნული.
მკვლელობაში ბრალდებულის საქმეს
ქუთაისის საქალაქო სასამართლოს მოსამართლე, ნიკოლოზ მარგველაშვილი
განიხილავს. მოსამართლის თქმით, ბრალდებულის მხრიდან მოწმეებზე
ზეგავლენის, მტკიცებულებების განადგურების და ქვეყნის დატოვების
რისკები არსებობს.
პროკურატურის მონაცემებით,
2014-2018 წლებში 135 ქალის მკვლელობის ფაქტი დაფიქსირდა (აქედან 3
თვითმკვლელობამდე მიყვანა), საიდანაც 64 შემთხვევაში გამოიკვეთა
ოჯახური დანაშაული (აქედან 2 თვითმკვლელობამდე მიყვანა), ხოლო 71
შემთხვევაში სხვა მოტივი (აქედან 1 თვითმკვლელობამდე მიყვანა). ასევე,
ამავე წლებში 69 მკვლელობის მცდელობის ფაქტი დაფიქსირდა (აქედან 5
თვითმკვლელობის მცდელობამდე მიყვანა), საიდანაც 46 შემთხვევაში ადგილი
ჰქონდა ოჯახური ნიშნით დანაშაულის ჩადენას (აქედან 5 თვითმკვლელობის
მცდელობამდე მიყვანა), ხოლო 23 საქმეში გამოიკვეთა სხვა მოტივი.
2019 წლის 10 თვის მონაცემებით (იანვარი-ოქტომბერი) სულ 16 ქალის
მკვლელობის ფაქტი დაფიქსირდა (აქედან 1 თვითმკვლელობამდე მიყვანა),
საიდანაც 9 შემთხვევაში გამოიკვეთა ოჯახური დანაშაულის ნიშანი (აქედან
1 ქმრის მიერ ცოლის თვითმკვლელობამდე მიყვანა), 7 შემთხვევაში სხვა
მოტივი. 2019 წლის 10 თვის მონაცემებით, 16 ქალის მკვლელობის
მცდელობის ფაქტი დაფიქსირდა, საიდანაც ოჯახური ნიშანი გამოიკვეთა 12
შემთხვევაში, სხვა მოტივი - 4 შემთხვევაში.
სახალხო დამცველის აპარატის შეფასებით, კვლევის შედეგების მიხედვით,
იკვეთება, რომ სტატისტიკის ერთიანი მეთოდოლოგიის არ არსებობის გამო,
უწყებების მიერ ქალთა გენდერულ მკვლელობებთან დაკავშირებული
სტატისტიკა ხშირად ეწინააღმდეგება ან არ ემთხვევა ერთმანეთს, რაც
თავის მხრივ ართულებს უწყებებს შორის კოორდინაციას. აღნიშნულის
გათვალისწინებით, ანგარიში არ ასახავს რაოდენობრივი კვლევის შედეგებს
და მასში მოყვანილი სტატისტიკური ინფორმაცია მიღებულია
სასამართლოებიდან გამოთხოვილი ინფორმაციის შედეგად.
შახტის ყოფილი თანამშრომელი ხვიჩა გაბუნია ფეისბუქპოსტში წერს, რომ საწარმოში გახშირებული ავარიები მოშლილი სისტემის შედეგია და არსებული მდგომარეობის გაგრძელებამ შესაძლოა შახტის დახურვა და ასობით ადამიანის უმუშევრად დარჩენა გამოიწვიოს.
მისი განცხადებით, მძიმე მდგომარეობაა ნახშირის მომპოვებელ უბნებზეც, სადაც დასაქმებულებს მუშაობა მაღალი რისკის პირობებში უწევთ. გაბუნიას თქმით, არ ხდება ტექნიკის განახლება და მოძველებული მექანიზმების ახლით ჩანაცვლება, ხოლო საწარმოს მართვაში გამოცდილი კადრების როლი შემცირებულია.
შახტის ყოფილი თანამშრომელი არსებულ ვითარებას 2018 წლის პერიოდს ადარებს, როდესაც, მისი თქმით, საწარმოში ავარიები და ფატალური შემთხვევები გახშირებული იყო. ის იხსენებს მეშახტეების მაშინდელ პროტესტსაც, რომელშიც თავად მონაწილეობდა და რომლის მიზანი საწარმოში მდგომარეობის გაუმჯობესება იყო.
გაბუნია მეშახტეებს მოუწოდებს, სამუშაო პირობებთან დაკავშირებულ რისკებზე ხმა აიმაღლონ. მისი შეფასებით, პრობლემების მოუგვარებლობამ შესაძლოა შახტის დახურვა და ტყიბულში ასობით ადამიანის უმუშევრად დარჩენა გამოიწვიოს.
"ბოლო დროს, შახტში ხშირია მარცხი, რომელიც სავალალო შედეგებით მთავრდება, ნახშირმომპოვებელი უბნები, ერთმანეთის მოყოლებით ფეთქდება და იწვის. რისი თქმა მინდა მეგობრებო, ამ წარმოებაში, მოშლილა სისტემა.
ორმა არაპროფესიონალმა ადამიანმა, ერთპიროვნულად ჩაიგდო ხელთ, მართვის სტრუქტურა. გამოცდილ კადრებს, რომლებიც თითზე ჩამოსათვლელი დარჩა ამ წარმოებაში, ( ჩემი პატივისცემა მათ) აღარაფერს ეკითხებიან. წარმოების სადავეები რამოდენიმე ნარკომანს და სოცკისთან დაახლოებული, არაპროფესიონალ კადრებს უჭირავს, რაც იწვევს შახტში, მოხშირებულ მარცხებს. ყველა, მექანიზმი და სატრანსპორტო საშვალება, რომელიც ემსახურება, მშრომელების გადაადგილებას და ნახშირის ტრანსპორტირებას, შახტიდან ზედაპირამდე , თითქმის 100% -ით გამოსულია მწყობრიდან, რაც საფრთხეს უქმნის მეშახტეთა სიცოცხლეს.
ნახშირ მომპოვებელი უბნები, კატასტროფულ მდგომარეობაშია, იქ ადგილზე მომუშავე პერსონალი, ძალიან დიდი რისკის ქვეშაა. არანაირი გადაიარაღება და ახლით ჩანაცვლება არ ხდება, რაც წარმოებას საბოლოოდ მიიყვანს დაკეტვის პირას და 100 ობით ადამიანის უმუშევრად დარჩენას. რისი თქმა მინდა მეგობრებო? ეს წარმოება უბრუნდება, 2018 წლის ნიშნულს, მარცხისა და სიკვდილიანობის მხრივ, როდესაც მოცემულ წლებში, ყოველ სამ თვეში, ათობით ადამიანი, მარცხდებოდა და იღუპებოდა. მაშინ, პირადად მე, ყველა მეშახტემ, ვისთვისაც ღირებილი იყო ადმიანის სიცოცხლე, გული შესტკიოდა წარმოების მომავალზე ხმა ამოვიღეთ და მიზანსაც მივაღწიეთ.
უპირველეს ყოვლისა, წლების განმავლობაში, აღარ ხდებოდა შახტში მარცხი, წარმოებაც შევინახეთ და გადავარჩინეთ. მეამაყება, მაშინდელ წლებში პროტასტის, რომელსაც პირადად მე,100 ობით მეშახტესთან ერთად ვხემძღვანელობდით და შედეგიც დავდეთ, ეს ყველა მეშახტეს კარგად ახსოვს. ამიტომ იყო, რომ წლების შემდგომ, არ მაპატიეს, მეშახტეების გვერჩიდგომა, ყველა მათ არასწორ გადაწყვეტილებაზე ხმის ხმამაღლა ამოღება და სისტემამ, მომიშორა თავიდან. მინდა მივმართო ყველა მეშახტეს! ხმა ამოიღეთ მეგობრებო, ყველა იმ რისკებზე, რაც თქვენ ჯამთელობას და სიცოცხლეს უქმნის საფრთხეს, თორემ შემდგომ, ჯვარი დაგწეროთ ღმერთმა გვიანი იქნება", - წერს შახტის ყოფილი თანამშრომელი.
„ქუთაისიპოსტი“ შახტში არსებულ მდგომარეობასთან დაკავშირებით საწარმოს ადმინისტრაციის პოზიციის გარკვევას შეეცდება.
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
მასალის გამოყენების პირობები