ახალი ამბები
სოციალურ მუშაკებს სამსახურიდან ათავისუფლებენ
FaceBook

დევნილთა, შრომის, ჯანმრთელობისა და სოციალური დაცვის სამინისტროში მიმდინარე რეორგანიზაციის ფარგლებში, სოციალურ  მუშაკებს სამსახურიდან ათავისუფლებენ.


თანამშრომლების ნაწილს წერილობითი შეტყობინება უკვე მიუვიდათ და ორთვიანი კომპენსაციაც ჩაერიცხათ. არსებული ინფორმაციით, იმერეთის მასშტაბით შვიდი სოციალური მუშაკია გათავისუფლებული.

 

დევნილთა, შრომის, ჯანმრთელობისა და სოციალური დაცვის მინისტრის მოადგილის გიორგი წოწკოლაურის თქმით, სააგენტოს თანამშროლები ამის შესახებ ინფორმირებული იყვნენ.

„ყველა ეტაპზე, თანამშრომლებისთვის იყო სრულყოფილი ინფორმაცია მიწოდებული, არაერთხელ ყოფილან ისინი პირადად ჩემთანაც მსგავსი ტიპის კითხვებით, რაზეც პასუხი მიუღიათ. წერილებშიც, რომელიც მათ დაეგზავნათ ახსნილია მათი გათავისუფლების მიზეზი“,- განაცხადა გიორგი წოწკოლაურმა.


რაც შეეხება ცვლილებას, როგორც ცნობილია 2020 წლის 1 თებერვლიდან სოციალური მომსახურების  სააგენტოს  მეურვეობა-მზრუნველობის, ბავშვთა და ოჯახში ძალადობის ადმინისტრირების ფუნქცია გამოეყოფა და ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდში გაერთიანდება. ამ ფუნქციას კი ახალი უწყება შეასრულებს, რომელსაც  სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტო ერქმევა.


მინისტრის მოადგილის თქმით, უკვე გათავისუფლებულ თანამშრომლებს რეორგანიზაციის პროცესში გამოცხადებული ვაკანტური თანამდებობების დაკავება კონკურსის წესით შეეძლებათ. მინისტრის მოადგილე ასევე განმარტავს, რომ რეორგანიზაციის შედეგად სოციალური მუშაკების როდენობა არ შემცირდება.  მისივე განმარტებით,  რეორგანიზაციის დასრულების პირველივე თვეს თანამშრომლებს ხელფასი მოემატათ, სოციალური მუშაკის ხელფასი  1200 ლარი, ხოლო უფროსი სოციალური მუშაკის  1400 ლარი იქნება.

Print E-mail
FaceBook Twitter
მსგავსი სიახლეები
22 თებერვალს საქართველოს ეროვნული
ნაკრები რაგბში,  ბელგიის გუნდს შეხვდება.
14:33 / 22.02.2020
22 თებერვალს საქართველოს ეროვნული ნაკრები რაგბში,  ბელგიის გუნდს შეხვდება.
ჩინეთიდან ჩამოყვანილი 34 მოქალაქე
საკარანტინო პერიოდს საჩხერის საავადმყოფოსთან არსებულ სასტუმროში
გაივლის.
11:43 / 22.02.2020

ჩინეთიდან ჩამოყვანილი 34 მოქალაქე საკარანტინო პერიოდს საჩხერის საავადმყოფოსთან არსებულ სასტუმროში გაივლის.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.