ახალი ამბები
ქუთაისის დაავადებათა ცენტრის ეპილოგები ხარაგაულში ჩინელების დასახლებას მოინახულებენ
FaceBook
დაავადებათა კონტროლის ეროვნული  ცენტრის ინფორმაციით, საქართველოს რეგიონებში დაიწყება კამპანია, რომლის მიზანი იმ რეგიონების მონახულება და შემოწმება იქნება, სადაც ჩინეთის მოქალაქეები ცხოვრობენ.

ამირან გამყრელიძის თქმით, დღეს ქუთაისის დაავადებათა ცენტრის ეპიდემიოლოგები გადიან ხარაგაულის რაიონში ერთ-ერთ ასეთი დასახლების ადგილას. იქ მათ დაურიგდებათ საინფორმაციო ბუკლეტები, ჩაუტარდებათ გასაუბრება.


დღეიდან იწყება საზოგადოებრივი ჯანდაცვის სპეციალისტების ვიზიტები. უკვე აღრიცხული გვაქვს დიდი ჩასახლების ადგილები, სადაც ინტენსიურია ჩინეთის მოსახლეობის დასახლებები. ისინი მუშაობენ აღმოსავლეთ-დასავლეთის ავტობანზე, რამდენიმე ჰესზე და დღეს უკვე 15:00 საათზე ვიწყებთ გასვლებს. სწორედ ამ მშენებლობებზე ჩავლენ ჩვენი სპეციალისტები და იქ დასაქმებულებს დაურიგდებათ შესაბამისი საინფორმაციო ბუკლეტები, ჩაუტარდებათ გასაუბრება, რას უნდა უფრთხილდნენ და რა სიმპტომები არ უნდა ჰქონდეთ, ასევე, განემარტებათ, რომ ჩინეთში ყოფნიდან ორი კვირის განმავობაში თუ გამოჩნდა ისეთი სიმპტომები, როგორიც არის მაღალი ტემპერატურა, ხველა ან სუნთქვის უკმარისობა, აუცილებელია გადაუდებლად ექიმის კონსულტაცია და მისი რეფერარი ინფექციურ საავადმყოფოში, სადაც მოხდება შესაბამისად დადგენა არის თუ არა დაავადება და მიღებული იქნება გადაწყვეტილება შემდგომი ქმედებებისთვის“, - განაცხადა ამირან გამყრელიძემ.

გამყრელიძემ განცხადებაში ასევე აღნიშნა, რომ დაავადების  სამკურნალოდ მედიკამენტები არ არსებობს, მკურნალობა ხდება ისე, როგორც ვირუსის შემთხვევაში.

მისივე თქმით, ჩინეთთან ფრენები შეჩერებულია, რეისები, ჯერჯერობით, გადადებულია, ხოლო ჯანდაცვის მსოფლიო ორგანიზაციის მიერ არ არის რეკომენდირებული რაიმე სხვა სახის შეზღუდვის დაწესება.

საქართველოში, არსებული ინფორმაციით, კორონავირუსი ჯერჯერობით არ დაფიქსირებულა, თუმცა აეროპორტებში ექიმები ვისუსთან დაკავშირებით მგზავრებს ამოწმებენ.





Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.