ახალი ამბები
პროტესტის მეხუთე დღე – ქუთაისში ქარხნის მუშების გაფიცვა გრძელდება
FaceBook

ქუთაისში, ავანგარდის მეტალურგიული ქარხნის გაფიცულმა მუშებმა დილიდან საპროტესტო აქცია ისევ გაანახლეს.


გაფიცვის გამო ქარხანა მეხუთე დღეა გაჩერებულია. გაფიცულების მოთხოვნა უცვლელია, ისინი ხელფასების მომატებასა და სამუშაო პირობების გაუმჯობესებას ითხოვენ.

გაფიცულ მუშებს შეუერთდნენ "ქუთაისის, ჭიათურის, ზესტაფონის და ტყიბულის პროფესიული კავშირების" ლიდერები და აქტივისტები.

"ჩვენ სოლიდარობას ვუცხადებთ გაფიცულ მუშებს.  ეს ადამიანები მუშაობენ 30 დღე თვეში, მათ არ უნაზღაურდებათ ზეგანაკვეთური მუშაობა, არ აქვთ  ელემენტარული პირობები,  არ ეძლევათ არც ხელთათმანი და არც სპეციალური ფეხსაცმელი, არ არის მოწესრიგებული კოლექტიური დაცვის საშუალებები, ირღვევა შრომის კოდექსი", - განმარტა აქციაზე მისულმა პროფკავშირის წარმომადგნელმა,  ირაკლი მხეიძემ.

მისი თქმით, შესაძლოა დღეს ქარხნის ადმინისტრაციის წარმომადგენლები გაფიცულებს შეხვდნენ.

"დღეს უნდა შევხვდეთ,  პროფესიული კავშირების გაერთიანებასთან ერთად, ქარხნის წარმომადგენლებს, დავილაპარაკებთ, თუ წამოვლენ მოლაპარაკებაზე,  აქციას შევწყვეტთ. თუ არაფერი შეიცვალა ჩვენი აქცია გაგრძელდება.  8 საათის ნაცვალდ ვმუშაობთ 12 საათი და ანაზღაურება გვაქვს 8 საათის"- ამბობს აქციის მონაწილე რამინ მარგველაშვილი

ქუთაისში, შპს "ამბიკონ სტილსის" 200 –მდე მუშა მეხუთე დღეა გაფიცულია. მეტალურგიულ ქარხანაში  ამჟამად საქართველოს 200-მდე და  ინდოეთის 60-მდე მოქალაქე მუშაობს.
Print E-mail
FaceBook Twitter
მსგავსი სიახლეები
ქუთაისში, ტანსაცმლის მაღაზია
18:10 / 02.06.2020
ქუთაისში, ტანსაცმლის მაღაზია "კოტონში" 11 თვის მცირეწლოვნისთვის დედას პირბადის გაკეთება მოსთხოვეს.
ქუთაისში, მიწისქვეშა გადასასვლელში
არსებული სავაჭრო ცენტრი
16:06 / 02.06.2020
ქუთაისში, მიწისქვეშა გადასასვლელში არსებული სავაჭრო ცენტრი "გვირაბი 95" ორ დღეში, 4 ივნისს უნდა გაიხსნას.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.