ქუთაისში, 19 იანვარს ერთ-ერთ კომპანიაში მომხდარი ყაჩაღობის ფაქტი გახსნილია.
პოლიციამ წარსულში ნასამართლევი სამი პირი ცხელ კვალზე დააკავა.
გამოძიების ინფორმაციით, ბრალდებულები, ილია ჭავჭავაძის გამზირზე მდებარე ერთ-ერთი კომპანიის ოფისში შეიჭრნენ და თანამშრომელ ქალს ბლაგვი საგნის გამოყენებით თავის არეში დაზიანება მიაყენეს. მძარცველებმა პირის კუთვნილი ოქროს სამკაულები და კომპანიის ფული - 1 500 ევრო გაიტაცეს, რის შემდეგაც შემთხვევის ადგილიდან მიიმალნენ.
დაშავებული ქალი სასწრაფო სამედიცინო დახმარების ბრიგადამ საავადმყოფოში გადაიყვანა. მის სიცოცხლეს საფრთხე არ ემუქრება.
სამართალდამცველებმა გატაცებული თანხის ნაწილი და ოქროს სამკაულები ნივთმტკიცებად ამოიღეს.
ქუთაისში, შენობა, სადაც წლების განმავლობაში სხვადასხვა სახელმწიფო უწყებები ფუნქციონირებდა, ახლა უყურადღებობით ნადგურდება.
ჭიათურის თეატრის რეაბილიტაციაზე 13 660 231 ლარი იხარჯება, თუმცა პროექტი უკვე ორი წელია გრძელდება და სამუშაოები ჯერ კიდევ არ დასრულებულა. მიზეზად პროექტში შეტანილი დამატებითი ცვლილებები სახელდება.
მასალის გამოყენების პირობები