ახალი ამბები
საქართველოს პრეზიდენტმა დეკანოზი გიორგი მამალაძე არ შეიწყალა
FaceBook
საქართველოს პრეზიდენტმა, სალომე ზურაბიშვილმა წმინდა სინოდის მიმართვა, დეკანოზ გიორგი მამალაძის შეწყალებასთან დაკავშირებით არ დააკმაყოფილა.
პრეზიდენტმა უარის მიზეზები დღეს სპეციალურ ბრიფინგზე განმარტა. მან რამდენიმე არგუმენტი დაასახელა თუ რატომ არ შეიწყალა დეკანოზი და განაცხადა, რომ მისი ეს გადაწყვეტილება საზოგადოებაში სიმშვიდის შენარჩუნებას ემსახურება და რომ  მსგავსი დანაშაულისთვის შეწყალებას მოქალაქეები ვერ გაიგებენ.


"მე ბოლომდე მოვისმინე ადვოკატების არგუმენტები, დეტალურად გავეცანი წმინდა სინოდის შუამდგომლობას და მივიღე გადაწყეტილება, რომელზეც მთლიანად ვიღებ პასუხისმგებლობას. ვერ მოვნახე არგუმენტი, მითუმეტეს შეწყალების კრიტერიუმების გამკაცრების პირობებში, როცა ბევრი მსჯავრდებულის საქმე განხილული ვერ იქნებოდა, რატომ უნდა დაშვებულიყო გამონაკლისი დეკანოზ გიორგი მამალაძის საქმეზე. ეს გადაწყვეტილება ეფუძნება საზოგადოების სიმშვიდის უზრუნველყოფას, რამეთუ საქართველოს მოსახლეობის ყველაზე დიდი ნაწილი, ასეთი დანაშაულისთვის შეწყალებას ვერ გაიგებს და ვერ გაიზიარებს. შემდეგი არგუმენტი ქართული სახელმწიფოს ისტორიულ სპეციფიკას ეფუძნება–ქართული სახელმწიფო განუყოფელია ეკლესიისგან, რომელიც მუდამ იყო მისი დამოუკიდებლობის გზის გამჭრელი. ეკლესიაზე შეტევა, მისი დისკრედიტაცია, ავტორიტეტის შელახვა უდრის საქართველოს სახელმწიფოებრიობის შესუსტებას. და ბოლოს, ჩემთვის ცხადზე ცხადია, რომ როცა საქართველოს სახელმწიფო მრავალი გამოწვევის წინაშე დგას, პატრიარქის ავტორიტეტისა და მისი სიცოცხლის ხელყოფა ნიშნავს საქართველოს ხელყოფას", – განაცხადა პრეზიდენტმა.


დეკანოზი გიორგი მამალაძე, ე.წ. ციანიდის საქმეზე, 2017 წელს დააკავეს. მას მაღალი იერარქიის სასულიერო პირის მკვლელობის მომზადებისთვის  9 წლით თავისუფლების აღკვეთა აქვს მისჯილი.

Print E-mail
FaceBook Twitter
მსგავსი სიახლეები
თეთრ ხიდზე, რომელიც მისი რეაბილიტაციის დღიდან
არაერთხელ დაზიანდა, ზამთარში კი მასზე გადაადგილება სიცოცხლისთვის
საშიშია, შესაძლოა, საფარი შეიცვალოს.
12:00 / 27.01.2022
თეთრ ხიდზე, რომელიც მისი რეაბილიტაციის დღიდან არაერთხელ დაზიანდა, ზამთარში კი მასზე გადაადგილება სიცოცხლისთვის საშიშია, შესაძლოა, საფარი შეიცვალოს.
ბოლო 24 საათის განმავლობაში, საქართველოში
კორონავირუსის კიდევ 17 484  ახალი შემთხვევა გამოვლინდა, 3
699  კოვიდინფიცირებული გამოჯანმრთელდა, გარდაიცვალა კიდევ 27
პაციენტი.
10:58 / 27.01.2022
ბოლო 24 საათის განმავლობაში, საქართველოში კორონავირუსის კიდევ 17 484  ახალი შემთხვევა გამოვლინდა, 3 699  კოვიდინფიცირებული გამოჯანმრთელდა, გარდაიცვალა კიდევ 27 პაციენტი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.