27 დეკემბერს ქუთაისის ოპერის
თეატრში საიუბილეო საღამო გაიმართება. ქუთაისი ოპერის თეატრი
დაარსებიდან 50 წლის იუბილეს აღნიშნავს.
წარმოდგენილი იქნება ზაქარია ფალიაშვილის „დაისი“.
სპექტაკლის განახლებული ვერსიის
დადგმას რეჟისორი თორნიკე მარჯანიშვილი განახორციელებს.
„დრამატულსა და საოპერო სპექტაკლს შორის სპეციფიკური განსხვავება ძალიან დიდია. ოპერაში წამყვანი არის კლავირი, ანუ მუსიკალური ნაწილი. თუკი დრამატულ სპექტაკლში რიგი სცენების გადაადგილება შეგიძლია აქ ამას მოკლებული ხარ და უნდა მიყვე იმ მუსიკალურ ნაწილს რაც არის გაკეთებული. მაგრამ ასეთ სიტუაციაში რომ მოძებნი საჭირო ენას, სიმბოლიკას, ქმედებას ესაა საინტერესო“, - მიაჩნია თორნიკე მარჯანიშვილს.
სპექტაკლის დირიჟორია რევაზ ჯავახიშვილი.
„დაისის“ განახლებული ვერსიის დადგმისთვის განათლებისა და კულტურის სამინისტრომ 30 ათასი ლარი გამოყო.
საქართველოში სულ 3,617 სოფელია, აქედან 3,417 დასახლებულია, ხოლო 200 — დაუსახლებელი (ანუ სოფელი, სადაც მუდმივი მოსახლეობა არ ფიქსირდება) ამის შესახებ აღნიშნულია საქსტატის მოსახლეობისა და სასოფლო-სამეურნეო აღწერის (2024) დაზუსტებულ მონაცემებში.
საქართველოს 2024 წლის აღწერის შედეგების მიხედვით, კლების ტენდენცია გამოვლინდა. მოსახლეობის რიცხოვნობის მიხედვით, ყველაზე კლებად მუნიციპალიტეტებს წარმოადგენენ მაღალმთიანი აჭარა, ასევე ცაგერის, წყალტუბოს, ტყიბულისა და ლანჩხუთის მუნიციპალიტეტები.
მასალის გამოყენების პირობები