პოლიტიკა
„დიდი შანსია პროცესები ქუჩაში გადავიდეს“ - ქუთაისის მაჟორიტარების შეფასებები
FaceBook

2020 წლის საპარლამენტო არჩევნების პროპორციული  სისტემით ჩატარებას ქუთაისის სამი მაჟორიტარიდან მხარი მხოლოდ კობა ნარჩემაშვილმა და გენადი მარგველაშვილმა დაუჭირა.


სხდომას ესწრებოდა დიმიტრი მხეიძე, თუმცა, მან კენჭისყრაში მონაწილეობა არ მიიღო.


მხეიძე ამბობს, რომ თუ 2020 წელს პარლამენტი პროპორციული სისტემით დაკომპლექტდება, არსებობს რიგგარეშე არჩევნების ჩატარების რისკი.


"ბატონი ბიძინას და ჩემი გუნდის მიმართ პატივისცემის  გამო დავთანხმდი 2024 წელში ამ სისტემის ამოქმედებას, თუმცა, შინაგანად შერეულ სისტემას ვემხრობოდი. მაშინ მე გუნდურობიდან გამომდინარე მივიღე ეს გადაწყვეტილება. ახლა კი, არ ვაპირებ  იოტისოდენა შანსი დავტოვოთ იმისა, რომ საქართველოში რიგგარეშე  არჩევნები ჩატარდეს. ამიტომ არ მივიღე მონაწილეობა კენჭისყრაში“,-განაცხადა დიმიტრი მხეიძემ.


რიგგარეშე არჩევნების ჩატარების საფრთხეს უკვე ხედავს კობა ნარჩემაშვილი. ქუთაისის კიდევ ერთი მაჟორიტარი არ გამორიცხავს, რომ პოლიტიკურმა  პროცესებმა ქუჩაში გადაინაცვლოს.


„ძალიან მძიმე ფაზაში შევიდა პროცესები. დიდი შანსია ეს ყველაფერი ქუჩაში გადავიდეს. ხელისუფლება დაპირდა ხალხს პროპორციულ არჩევნებს და საზოგადოება კარგად ხედავს რაც ხდება.  ძალიან დიდი პოლიტიკური ფასი ექნება ხელისუფლებისთვის ამას“,-ამბობს კობა ნარჩემაშვილი.

დიმიტრი მხეიძის შიშებს  არ იზიარებს   გენადი მარგველაშვილი და ამბობს, რომ იგი პროპორციულ სისტემაზე გადასვლას ჯერ კიდევ 2017 წელს ემხრობოდა.


„მე ჯერ კიდევ 2017 წელს მივიჩნევდი, რომ საჭირო იყო პროპორციული სისტემა. რაღაცის რისკი ყოველთვის არსებობს. მე არ ვიცი რა იქნება 2 და 3 წლის შემდეგ. ყველაფერი იმაზეა დამოკიდებული, რა იდეოლოგია გვექნება და როგორ ვმართავთ  ქვეყანას“,-განაცხადა გენადი მარგველაშვილმა.


პარლამენტში, 2020 წლიდან  პროპორციულ სისტემაზე გადასვლის შესახებ კანონპროექტს უმრავლესობის სამმა დეპუტატმა მხარი არ დაუჭირა, რის გამოც კანონპროექტი  ჩავარდა.


FaceBook Twitter
მსგავსი სიახლეები
ქუთაისის N2  სასჯელაღსრულების
ციხეში პატიმარი, რომელიც ორი თვის განმავლობაში შიმშილობდა, 4 დღეა
პირი ამოკერილი აქვს.
11:25 / 09.12.2019
ქუთაისის N2  სასჯელაღსრულების ციხეში პატიმარი, რომელიც ორი თვის განმავლობაში შიმშილობდა, 4 დღეა პირი ამოკერილი აქვს.
გარემოს ეროვნული სააგენტოს
ინფორმაციით, კვირის განმვლობაში დასავლეთ საქართველოში და მათ შორის,
ქუთაისში უნალექო ამინდია მოსალოდნელი.
10:33 / 09.12.2019
გარემოს ეროვნული სააგენტოს ინფორმაციით, კვირის განმვლობაში დასავლეთ საქართველოში და მათ შორის, ქუთაისში უნალექო ამინდია მოსალოდნელი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისის საკრებულოს თავმჯდომარის მოვალეობის შემსრულებლად, თავმჯდომარის მოადგილე, ირაკლი შენგელია  დეპუტატებმა ბიუროს სხდომაზე დაასახელეს.
ქუთაისში მთავარი ნაძვის ხის მონტაჟის სამუშაოები სრულდება.
7 დეკემბერს, მესხიშვილის თეატრში მსახიობ ევა ხუტუნაშვილის 70 წლის საიუბილეო საღამო გაიმართება.
ქუთაისელმა ჟურნალისტებმა საზოგადოებრივი მაუწყებლის აჭარის ტელევიზიასა და რადიოს სოლიდარობა გამოუცხადეს.
10 დეკემბერს, ბრიტანეთის საელჩოს წარმომადგენლები ქუთაისის ცენტრალურ ბაღში მოსახლეობას შეხვდებიან.
სამტრედიის სოფელ საჯავახოში დაკარგულ მამაკაცის სამძებრო სამუშაოები დილიდან კვლავ განახლდა.
„გაერთიანებული ოპოზიციის“ აქციაზე დღეს მომხდარ ჩხუბში მონაწილე პირებთან კავშირს უარყოფენ „ქართულ ოცნებაში“ და აცხადებენ, რომ ფიზიკურ დაპირისპირებაში ჩართულ პირებს არ იცნობენ.
ქუთაისში გაერთიანებული ოპოზიციის აქციას სტუდენტთა ნაწილიც შეუერთდა.