ხარაგაულის სოფელში უფროს კლასელ გოგონაზე შესაძლო ძალადობის ფაქტზე დაკავებული პედაგოგის მხრიდან გარყვნილ ქმედებას ბევრჯერ ჰქონდა ადგილი - ამის შესახებ ქუთაისიპოსტთან გოგონას ოჯახის წევრები საუბრობენ.
ბიძის თქმით, პედაგოგის მხრიდან მსგავსი ქმედება პირველი შემთხვევა არ არის.
"ბოლო შემთხვევა იყო საკლასო ოთახში ორი კვირის წინ მომხდარი ამბავი,
სადაც პედაგოგმა გოგონას ხელის ფათური დაუწყო, რის შემდეგადაც გოგონა
ოთახიდან აღელვებული გამოვიდა. ამ ფაქტს დაადასტურებენ
მისი თანაკლასელებიც'',- ამბობს გოგონას ბიძა.
სკოლის დირექტორი ჰყვება, რომ მომხდარის შესახებ მას წერილობით თავად
თოთხმეტი წლის გოგონამ მიმართა, სადაც აღნიშნავდა, რომ პედაგოგის
მხრიდან მასზე გარყვნილ ქმედებას ჰქონდა ადგილი. მოსწავლე დირექტორს
დახმარებას სთხოვდა, რომელმაც თავის მხრივ შინაგან საქმეთა
სამინისტროს მიმართა.
"ბავშვმა დაახლოებით ორი კვირის წინ შემომიტანა ეს განცხადება, ამის
შემდეგ მე ვალდებული ვიყავი წარმედგინა პედსაბჭოსთვის განცხადება
და მიმემართა შინაგან საქმეთა სამინისტროსთვის, შესაძლო გარყვნილების
ფაქტთან დაკავშირებით, თუმცა აქვე შემიძლია ვთქვა, რომ ეს პედაგოგი
არასოდეს ყოფილა მსგავს სიტუაციაში, ძალიან მოწესრიგებული ადამიანი
იყო. როგორც თავად პედაგოგმა მითხრა, საგაკვეთილო პროცესის დროს
მოსწავლეზე ხელი აეკრა წელს ზემოთ და ეს შეიძლება ჩათვალა ბავშვმა
გარყვნილ ქმედებად'', - ამბობს სკოლის დირექტორი.
დაზარალებული გოგონას ახლობლებს ფაქტის შესახებ საუბარი არ სურთ.
გოგონას ბიძა, რომლიც ამავე სკოლაში ასწავლის, ამბობს, რომ ბავშვი
არ მოიტყუებოდა.
შესაძლო გარყვნილ ქმედებაში ეჭვმიტანილი პედაგოგის ოჯახის წევრები კი
აცხადებენ, რომ ეს ამბავი ,,შეკერილი თემაა'', რადგან სურდათ მას
სკოლა დაეტოვებინა.
"განცხადებაში ისეთი რაღაცეები წერია, რაც ერთმანეთს არ
ემთხვევა, ეს არის შეკერილი ამბავი, რადგან სურდათ ჩემს მამამთილს
კოლა დაეტოვებინა. მე ამაზე მეტის თქმა არ შემიძლია, არ მინდა
გამოძიებას ხელი შევუშალო",- ამბობს პედაგოგის
რძალი.
ხარაგაულის ერთ-ერთ სკოლაში შესაძლო გარყვნილ ქმედებასთან
დაკავშირებით შინაგან საქმეთა სამინისტრომ მოკვლევა დაიწყო, რის
შედეგადაც 8 ნოემბერს ეჭვმიტანილი პედაგოგი საკუთარი სახლიდან
აიყვანეს.
შინაგან საქმეთა სამინისტროში ამბობენ, საქმეზე გამოძიება სისხლის
სამართლის კოდექსის 141-ე მუხლით არის აღძრული, რაც გარყვნილ ქმედებას
გულისხმობს. დანაშაული ისჯება თავისუფლების აღკვეთით ვადით ხუთიდან
შვიდ წლამდე.
შახტის ყოფილი თანამშრომელი ხვიჩა გაბუნია ფეისბუქპოსტში წერს, რომ საწარმოში გახშირებული ავარიები მოშლილი სისტემის შედეგია და არსებული მდგომარეობის გაგრძელებამ შესაძლოა შახტის დახურვა და ასობით ადამიანის უმუშევრად დარჩენა გამოიწვიოს.
მისი განცხადებით, მძიმე მდგომარეობაა ნახშირის მომპოვებელ უბნებზეც, სადაც დასაქმებულებს მუშაობა მაღალი რისკის პირობებში უწევთ. გაბუნიას თქმით, არ ხდება ტექნიკის განახლება და მოძველებული მექანიზმების ახლით ჩანაცვლება, ხოლო საწარმოს მართვაში გამოცდილი კადრების როლი შემცირებულია.
შახტის ყოფილი თანამშრომელი არსებულ ვითარებას 2018 წლის პერიოდს ადარებს, როდესაც, მისი თქმით, საწარმოში ავარიები და ფატალური შემთხვევები გახშირებული იყო. ის იხსენებს მეშახტეების მაშინდელ პროტესტსაც, რომელშიც თავად მონაწილეობდა და რომლის მიზანი საწარმოში მდგომარეობის გაუმჯობესება იყო.
გაბუნია მეშახტეებს მოუწოდებს, სამუშაო პირობებთან დაკავშირებულ რისკებზე ხმა აიმაღლონ. მისი შეფასებით, პრობლემების მოუგვარებლობამ შესაძლოა შახტის დახურვა და ტყიბულში ასობით ადამიანის უმუშევრად დარჩენა გამოიწვიოს.
"ბოლო დროს, შახტში ხშირია მარცხი, რომელიც სავალალო შედეგებით მთავრდება, ნახშირმომპოვებელი უბნები, ერთმანეთის მოყოლებით ფეთქდება და იწვის. რისი თქმა მინდა მეგობრებო, ამ წარმოებაში, მოშლილა სისტემა.
ორმა არაპროფესიონალმა ადამიანმა, ერთპიროვნულად ჩაიგდო ხელთ, მართვის სტრუქტურა. გამოცდილ კადრებს, რომლებიც თითზე ჩამოსათვლელი დარჩა ამ წარმოებაში, ( ჩემი პატივისცემა მათ) აღარაფერს ეკითხებიან. წარმოების სადავეები რამოდენიმე ნარკომანს და სოცკისთან დაახლოებული, არაპროფესიონალ კადრებს უჭირავს, რაც იწვევს შახტში, მოხშირებულ მარცხებს. ყველა, მექანიზმი და სატრანსპორტო საშვალება, რომელიც ემსახურება, მშრომელების გადაადგილებას და ნახშირის ტრანსპორტირებას, შახტიდან ზედაპირამდე , თითქმის 100% -ით გამოსულია მწყობრიდან, რაც საფრთხეს უქმნის მეშახტეთა სიცოცხლეს.
ნახშირ მომპოვებელი უბნები, კატასტროფულ მდგომარეობაშია, იქ ადგილზე მომუშავე პერსონალი, ძალიან დიდი რისკის ქვეშაა. არანაირი გადაიარაღება და ახლით ჩანაცვლება არ ხდება, რაც წარმოებას საბოლოოდ მიიყვანს დაკეტვის პირას და 100 ობით ადამიანის უმუშევრად დარჩენას. რისი თქმა მინდა მეგობრებო? ეს წარმოება უბრუნდება, 2018 წლის ნიშნულს, მარცხისა და სიკვდილიანობის მხრივ, როდესაც მოცემულ წლებში, ყოველ სამ თვეში, ათობით ადამიანი, მარცხდებოდა და იღუპებოდა. მაშინ, პირადად მე, ყველა მეშახტემ, ვისთვისაც ღირებილი იყო ადმიანის სიცოცხლე, გული შესტკიოდა წარმოების მომავალზე ხმა ამოვიღეთ და მიზანსაც მივაღწიეთ.
უპირველეს ყოვლისა, წლების განმავლობაში, აღარ ხდებოდა შახტში მარცხი, წარმოებაც შევინახეთ და გადავარჩინეთ. მეამაყება, მაშინდელ წლებში პროტასტის, რომელსაც პირადად მე,100 ობით მეშახტესთან ერთად ვხემძღვანელობდით და შედეგიც დავდეთ, ეს ყველა მეშახტეს კარგად ახსოვს. ამიტომ იყო, რომ წლების შემდგომ, არ მაპატიეს, მეშახტეების გვერჩიდგომა, ყველა მათ არასწორ გადაწყვეტილებაზე ხმის ხმამაღლა ამოღება და სისტემამ, მომიშორა თავიდან. მინდა მივმართო ყველა მეშახტეს! ხმა ამოიღეთ მეგობრებო, ყველა იმ რისკებზე, რაც თქვენ ჯამთელობას და სიცოცხლეს უქმნის საფრთხეს, თორემ შემდგომ, ჯვარი დაგწეროთ ღმერთმა გვიანი იქნება", - წერს შახტის ყოფილი თანამშრომელი.
„ქუთაისიპოსტი“ შახტში არსებულ მდგომარეობასთან დაკავშირებით საწარმოს ადმინისტრაციის პოზიციის გარკვევას შეეცდება.
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
მასალის გამოყენების პირობები