ახალი ამბები
ქუთაისის ციხეში მოშიმშილე პატიმრის მდგომარეობა კრიტიკულია
FaceBook

ქუთაისის ციხეში მყოფი პატიმრის მდგომარეობა, მისი ადვოკატის ილია ჯანელიძის ინფორმაციით,  უკიდერესად  მძიმეა.


ადვოკატის თქმით, პატიმარი 35-ე დღეა მშრალ შიმშილობაზეა და სამედიცინო დახმარების მიღებაზე უარს აცხადებს.


„უმძიმესი მდგომრეობაა, უკვე კრიტიკულია. წონაშია ძალიან დაკლებული და დაბალი წნევა აქვს. შესაძლოა, ფატალური შედეგით დასრულდეს ეს ყველაფერი“,- ამბობს ადვოკატი.

ილია ჯანელიძის თქმით, ბრალდებული თავს უდანაშაულოდ მიიჩნევს და აცხადებს, რომ შიმშილობას მანამდე არ შეწყვეტს, ვიდრე მისი საქმით მაღალჩინოსნები არ  დაინტერესდებიან.

ადვოკატს არ აქვს ზუსტი ინფორმაცია მოინახულა თუ არა პატიმარი სახალხო დამცველის აპარატის წარმომადგენელმა.

"ვიცი, რომ  შეატყობინეს, მაგრამ ნახა თუ არა ზუსტად არ ვიცი. დღეს უნდა შევხვდე ბრლდებულს და გავიგებ ზუსტ ინფორმაციას".


ქუთაისიპოსტი სახალხო დამცველის აპარატთან დაკავშირებას ცდილობს, თუმცა, ომბუდსმენის ადგილობრივ წარმომადგენლობაში სატელეფონო ზარებს არ პასუხობენ.

პენიტენციურ სამსხურში კი აცხადებენ, რომ დაწესებულებაში ყოფნის პირობებში პატიმარს გაეწია ექიმის,  ფსიქიატრისა და  თერაპევტის კონსულტაცია.


“პატიმარს ამ ეტაპზე დადგენილი აქვს დიაგნოზი: ოპიოიდების მიღებით გამოწვეული ფსიქიკური და ქცევითი აშლილობა, დამოკიდებულების სინდრომი. პენიტენციური დაწესებულების მედპერსონალი ბრალდებულს ყოველდღიურად აწვდის ინფორმაციას ჯანმრთელობაზე შიმშილობის უარყოფითი ზეგავლენის შესახებ და მოუწოდებს შიმშილობის შეწყვეტისკენ, რაზეც ის უარს აცხადებს. კ.ო. იმყოფება დაწესებულების საექიმო-სამედიცინო პუნქტის მედპერსონალის მეთვალყურეობის ქვეშ და საჭიროების შემთხვევაში უზრუნველყოფილი იქნება შესაბამისი სამედიცინო მომსახურებით“,- აცხადებენ პენიტენციურ დაწესებულებში.

პატიმარი ქუთაისის ციხეში 5 ოქტომბერს გადაიყვნეს. მას ბრალი 260-ე მუხლის პირველი და მესამე ნაწილით აქვს წაყენებული, რაც ნარკოტიკების უკანონოდ შეძენა-შენახვას გულისხმობს.

Print E-mail
FaceBook Twitter
მსგავსი სიახლეები
ქუთაისში, პარლამენტის
შენობასთან სამოქალაქო მოძრაობა
17:55 / 21.02.2020

ქუთაისში, პარლამენტის შენობასთან სამოქალაქო მოძრაობა "დატოვე პარლამენტი ქუთაისში" აქციას აანონსებს.

საჩხერის მუნიციპალიტეტში, სოფელ
ჭალაში არასრულწლოვანმა მამა მოკლა.
17:04 / 21.02.2020

საჩხერის მუნიციპალიტეტში, სოფელ ჭალაში არასრულწლოვანმა მამა მოკლა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.