ახალი ამბები
ეკონომიკის მინისტრი ვერ აკონკრეტებს რა ფასად შეიძენს ბიძინა ივანიშვილი სანატორიუმებს
FaceBook

ბიძინა ივანიშვილის მიერ წყალტუბოს სანატორიუმებისა და აბანოების გამოსყიდვის გეგმაზე  ეკონომიკის მინისტრმა, ნათია თურნავამ წყალტუბოში ისაუბრა.


მისი თქმით, პარტიის თავმჯდომარე ყველა ასეთი ობიექტის აღდგენაზე იღებს პასუხისმგებლობას, თუმცა, რა ფასად და რა პირობებით გადასცემს  მას სახელმწიფო აღნიშნულ შენობებს, უცნობია.


„ბატონმა ბიძინამ ბრძანა, რომ ის იღებს თავის თავზე ყველა აუცილებელ ხარჯს  და ეს არის არაერთი ასეულობით მილიონი ლარი. ამავდროულად,  ის არის მზად  ნებისმიერ დროს  გადასცეს ეს ობიექტები ყოველგვარი მოგების მიღების გარეშე კერძო ბიზნესს, ვინც იტვირთავს ამ პასუხისმგებლობას. ეს პრაქტიკულად არის ქველმოქმედება. რაც შეეხება ვადებს, პირობებს, ღირებულებას, ეს არის ის დეტალები, რომლებიც შემდგომში დაზუსტდება. ყველაფერი გაკეთდება კანონის შესაბამისად, რომ სახელმწიფოს ინტერესი არ დაზარალდეს“,  - განაცხადა ნათია თურნავამ.


მისივე თქმით, წყალტუბოში ამის საჭიროება დადგა იმიტომ, რომ ამ მიმართულებით ცალკეული ბიზნესის განვითარება  ქალაქისთვის საკმარისი არ აღმოჩნდა. მინისტრი აღიარებს, რომ სახელმწიფომ მცდელობის მიუხედავად, მიტოვებული სანატორიუმების ფუნქციური დატვირთვა ვერ შეძლო.


„ეს არის ძალიან დიდი გამოწვევა, რომელსაც,  სამწუხაროდ,  მთავრობები  ვერ გაუმკლავდნენ, რადგან ძალიან  დიდ ხარჯებზეა საუბარი. ჩვენ ვცდილობთ, გარკვეული ინფრასტრუქტურაც აშენდა, მაგრამ ამ წლების  მანძილზე ოთხ სანატორიუმზე მეტის პრივატიზება ვერ მოვახერხეთ,  მხოლოდ წერტილოვანი ინიციატივებით მისი აღორძინება არის შეუძლებელი. ცალკეული ბიზნესები ცდილობენ განვითარებას, მაგრამ ეს არ არის ის, რასაც იმსახურებს წყალტუბო“,-განაცხადა მინისტრმა.


მინისტრის განცხადებით,  პირველ ეტაპზე ქალაქში 8000-მდე სამუშაო ადგილი შეიქმნება,  ჯამში კი 20 000 ადამიანი დასაქმდება. რეაბილიტაციის შემდეგ, წყალტუბოს ერთი მილიონი ტურისტი უნდა ეწვიოს.

ნათია თურნავა წყალტუბოში ერთ-ერთ მიტოვებულ სანატორიუმში მას შემდეგ მივიდა, რაც ცნობილი გახდა ბიძინა ივანიშვილის გეგმა წყალტუბოს, როგორც საკურორტო ზონის განვითარებასთან დაკავშირებით.

Print E-mail
FaceBook Twitter
მსგავსი სიახლეები
დაავადებათა კონტროლის ცენტრის
ხელმძღვანელი, ამირან გამყრელიძე სკოლებსა და საბავშვო ბაღების
ფუნქციონერების დროებით შეწყვეტის რეკომენდაციას არ
იძლევა.
16:11 / 28.02.2020

დაავადებათა კონტროლის ცენტრის ხელმძღვანელი, ამირან გამყრელიძე სკოლებსა და საბავშვო ბაღების ფუნქციონერების დროებით შეწყვეტის რეკომენდაციას არ იძლევა.

31
წლის ქალს, რომელსაც კორონავირუსი დაუდგინდა, იტალიაში
იმყოფებოდა.
16:04 / 28.02.2020

31 წლის ქალს, რომელსაც კორონავირუსი დაუდგინდა, იტალიაში იმყოფებოდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.