ქუთაისის მე-9 სკოლის დირექტორი სოფიო ქუთათელაძე უარყოფს ინფორმაციას იმის შესახებ, რომ მეათე კლასის მოსწავლე, რომელმაც მეორე სართულის ფანჯრიდან გადმოხტომის შედეგად ფეხი მოიტეხა, გაკვეთილიდან გაპარვას ცდილობდა.
მისი თქმით, ამ დროს გაკვეთილი დასრულებული იყო.
განსხვავებული ინფორმაცია აქვთ მოზარდებს და სკოლის მანდატურს.
მანდატურის თქმით, მოსწავლე ფანჯრიდან გაკვეთილიდან გაპარვის მიზნით
გადმოხტა. იგივეს ადასტურებენ სკოლის სხვა მოსწავლეები.
მოზარდები ასევე ამბობენ, რომ ფანჯრიდან სულ სამი მოსწავლე გადმოხტა,
თუმცა, დაზიანება მხოლოდ ერთმა მიიღო.
იგივეს აცხადებენ შინაგან საქმეთა სამინისტროში.
„გაკვეთილის გაცდენა უნდოდა, გადმოხტა და ამ დროს ფეხი დაუზიანდა. მომხდარზე გამოძიება სსკ 124-ე მუხლით დაიწყო, რაც ჯანმრთელობის განზრახ დაზიანებას გულისხმობს“,- აცხადებენ შსს-ში.
ამავე თემაზე:
ქუთაისის საჯარო სკოლის შენობის მეორე სართულიდან
მოზარდები გადმოხტნენ
18 წელი გავიდა 2008 წლის აგვისტოს ომიდან — ომიდან, რომელმაც არაერთი სიცოცხლე შეიწირა, ოჯახები დაანგრია და ათასობით ადამიანს საკუთარი სახლიდან წასვლა აიძულა.
„ქუთაისიპოსტი“ კიდევ ერთ მიტოვებულ საბავშვო ბაღს გიჩვენებთ, სადაც სარეაბილიტაციო სამუშაოები ერთი წელია მიტოვებულია.
მასალის გამოყენების პირობები