ახალი ამბები
„მასწავლებლებს შორის ინტრიგებს ხლართავდა“ – წყალტუბოს სკოლის დირექტორი ყოფილ მოადგილეზე
FaceBook

წყალტუბოს #2 საჯარო სკოლის დირექტორი,  მისი ყოფილი მოადგილის ბრალდებებზე, პოლიტიკური ნიშნით ზეწოლის შესახებ, ვრცელ განმარტებას ქუთაისიპოსტთან აკეთებს.


გიორგი ბენიძე  ყველა ბრალდებას უარყოფს და მის ყოფილ მოადგილეს ცილისმწამებელს უწოდებს.



მისი თქმით, ყოფილი მოადგილე აკაკი ტყეშელაშვილი სკოლაში პედაგოგებს შორის შუღლის ჩამოგდებას ცდილობდა, ხელოვნურად ქმნიდა დაძაბულობას, კონკრეტულ პედაგოგებს აშინებდა კიდეც, რაც  საბოლოოდ მისი  თანამდებობიდან გათავისუფლების მიზეზი  გახდა, თუმცა, ის ამ დრომდე რჩება სკოლაში პედაგოგად.



„აკაკი ტყეშელაშვილის გათავისუფლებას საფუძვლად უდევს სკოლის პედაგოგთა წერილობითი მოთხოვნა. უარვყოფ იმას,  რომ ის გათავისუფლებული არის პოლიტიკური ნიშით, ან რესურსცენტრის უფროსის, მამუკა ჩხეტიანის დავალებით. ეს არ არის მხოლოდ ტყუილი, ეს არის ცილისწამება. ბატონმა აკაკიმ დაარღვია სკოლის შინაგანაწესის ის მუხლები, რომლებზეც ახლა დავა მიდის სასამართლოში. მე პირადად შესწრებული ვარ პედაგოგებს შორის ნეგატიურ დამოკიდებულებას, გარჩევებს, ბუნდოვანებას, რაღაცეების ერთმანეთზე დაბრალებას და როგორც ამიხსნეს, ეს  ყველაფერი მოდიოდა ბატონი აკაკისგან, რომელიც იყენებდა თავის თანამდებობას როგორც პრივილეგიას“, - აცხადებს გიორგი ბენიძე.


სკოლის დირექტორი მის ყოფილ მოადგილეს სკოლის რეპუტაციის შელახვასა  და  მოსწავლეთა კონტიგენტის შემცირებაშიც ადანაშაულებს.



„ხდებოდა კოლეგებზე მორალური ზეწოლა, ინტრიგების ქსელის ხლართვა, მათი დაშინება, რომ თუ არ გააკეთებდნენ  კონკრეტულ საქმეს, პრობლემები შეექმნებოდათ სკოლაში, ამ  დაძაბული ატმოსფეროს შემსწრე  იყვნენ  მოსწავლეები. ეს ამბავი შემდეგ ცდებოდა სკოლის კედლებს და უარყოფითად მოქმედებდა სკოლის ავტორიტეტზე.  თუ 2015 წელს მზარდი იყო პირველკლასელთა რაოდენობა, 2019 წელს ყველაზე დაბალია“, - ამბობს გიორგი ბენიძე.


ამავდროულად, სკოლის დირექტორი მის ყოფილ მოაგდილეს, პროფესიულად დადებითად ახასიათებს და ამბობს, რომ აკაკი ტყეშელაშვილს  წლების განმავლობაში მადლობაც  და ფულადი ჯილდოც აქვს მიღებული.



„ვაღიარებ,  რომ ამ ოთხი წლის მანძილზე კომპეტენტურად მუშაობდა, მას არაერთი მადლობა და ფულადი ჯილდოც აქვს აღებული, მაგრამ ეს არ არის იმუნიტეტი სხვისი უფლებების შელახვის დროს“, - აცხადებს გიორგი ბენიძე.



წყალტუბოს #2 საჯარო სკოლის დირექტორის მოადგილემ, აკაკი ტყეშელაშვილმა რვა ოქტომბერს პრესკლუბ „მედიარუმში“ განაცხადა, რომ სკოლის დირექტორი, გიორგი ბენიძე  და წყალტუბოს განათლების რესურსცენტრის ხელმძღვანელი მამუკა ჩხეტიანი, მის მიმართ პოლიტიკური ნიშნით ზეწოლას ახორციელებენ და სწორედ ამ საფუძვლით დაატოვებინეს დირექტორის მოადგილის პოსტი.



მათ შორის დაძაბულობა კი სკოლაში უხარისხოდ  გაკეთებული გათბობის სისტემის გამო დაიწყო, რასაც ტყეშელაშვილი აპროტესტებდა.  ბრიფინგზე ტყეშელაშვილმა, ასევე, განაცხადა, რომ  მის მიმართ უკმაყოფილება განსაკუთრებით მას შემდეგ  გაიზარდა,  რაც 2018 წლის საპრეზიდენტო არჩვენების შემდეგ იმ უბანზე, სადაც თავად ცხოვრობს,  ოპოზიციამ გაიმარჯვა.


აკაკი ტყეშელაშვილმა პოსტიდან გათავისუფლების შესახებ  ბრძანება უკვე გაასაჩივრა ქუთაისის საქალაქო სასამართლოში.


მხარეები ახლა მორიგ სხდომას ელოდებიან.

Print E-mail
FaceBook Twitter
მსგავსი სიახლეები
ქუთაისში, პარლამენტის
შენობასთან სამოქალაქო მოძრაობა
17:55 / 21.02.2020

ქუთაისში, პარლამენტის შენობასთან სამოქალაქო მოძრაობა "დატოვე პარლამენტი ქუთაისში" აქციას აანონსებს.

საჩხერის მუნიციპალიტეტში, სოფელ
ჭალაში არასრულწლოვანმა მამა მოკლა.
17:04 / 21.02.2020

საჩხერის მუნიციპალიტეტში, სოფელ ჭალაში არასრულწლოვანმა მამა მოკლა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.