ბაღდათში წელს პირველად ჩატარდა ღვინის საერთაშორისო ფესტივალი. ფესტივალს ვლადიმერ მაიაკოვსკის სახლმუზეუმში უმასპინძლეს, სადაც ქართული ღვინო ადგილობრივებთან ერთად უცხოელმა სტუმრებმაც დააგემოვნეს.
ფესტივალში 50 მეღვინე მონაწილეობდა, რომელთა უმეტესობა ღვინოს ბაღდათში ამზადებს.
ღვინის გაყიდვა-დეგუსტაციასთან ერთად, ადგილობრივი წარმოების ნატურალური პროდუქტი წარმოადგინეს მეწარმეებმაც, ფესტივალზე მოეწყო ხელნაკეთი ნივთების გამოფენა-გაყიდვაც.
ღვინის ფესტივალი ბაღდათში წელს დაფუძნდა, რომლის მიზანიც არის ადგილობრივი წარმოების პროდუქციის პოპულარიზაცია.
მრავალფეროვანი ღონისძიებებით დატვირთული ფესტივალი საღამოს ელექტრონული მუსიკის კონცერტით დასრულდა.
ქუთაისში, ყოფილი სასტუმრო „თბილისის“ შენობის მიმდებარე ტერიტორიაზე სამშენებლო სამუშაოები მიმდინარეობს.
საქართველოს პროკურატურამ სამტრედიაში, 2024 წლის 11 აგვისტოს წინასაარჩევნო ღონისძიებაზე მომხდარი ძალადობის ფაქტზე სამ პირს ბრალი წაუყენა.
მასალის გამოყენების პირობები