პოლიტიკა
ვინ ვის მიაყენა შეურაცხყოფა ჭიათურაში
FaceBook
2 ოქტომბერს, ჭიათურაში ჯორჯიან მანგანეზის დაქვემდებარებაში არსებულ "ცდფ" ქარხანაში ინციდენტი მოხდა. 
მომხდარ შემთხვევას ადგილობრივები ორნაირად ყვებიან. ერთ-ერთი ვერსიით, საწარმოში დასაქმებული მთავარი ენერგეტიკოსი, ზაზა ჩინჩალაძე ჭიათურის პოლიციის მაღალჩინოსნებმა სცემეს.

მეორე ვერსიით კი,  თავად ზაზა ჩინჩალაძემ სიტყვიერი შეურაცხყოფა მიაყენა პოლიციელებს. საბოლოოდ, სწორედ ეს უკანასკნელი დააკავეს პოლიციის მიმართ სიტყვიერი შეურაცხყოფისა და დაუმორჩილებლობის მუხლით.

ქარხნის თანამშრომლების ნაწილის თქმით ინციდენტი დილით მოხდა. თანამშრომლები, რომლებიც იმ დროს ადგილზე იმყოფებოდნენ, ამბობენ  რომ პოლიციელებმა ჩინჩალაძეს სცემეს.

ადმინისტრაციულ სამართალდარღვევათა საქმეზე პროცესი საჩხერის რაიონულ სასამართლოში შედგა. პოლიციელი, რომლის შეურაცხყოფისთვის ჩინჩალაძემ შეურაცხყოფა მიაყენა, განაცხადა რომ საწარმოში პოლიციის მაღალჩინოსნები ძრავის დაკარგვის საქმესთან დაკავშირებით ქარხნის ტერიტორიის ეზოს დასათვალიერებლად იყვნენ მისულნი, რა დროსაც მათ ზაზა ჩინჩალაძემ სიტყვიერი შეურაცხყოფა მიაყენა. კერძოდ კი , დედის მისამართით სამჯერ შეაგინა.

"ხელს გვიშლიდა მუშაობაში, რაც იმაში გამოიხატებოდა, რომ აგრესიულად იყო ჩვენ მიმართ განწყობილი. შემდეგ კი დედის მისამართით სამჯერ შეგვაგინა. ამის შემდეგ მივიღე გადაწუვეტილება, რომ დაგვეკავებინა ზაზა ჩინჩალაძე",- განაცხადა სასამართლო პროცესზე პოლიციელმა.

სიტყვიერი შეურაცხყოფა ვერ გაიხსენს ზაზა ჩინჩალაძემ, თუმცა განმარტა, რომ შესაძლებელია რაღაცაზე აღელვებულიყო და შეურაცხმყოფელი სიტყვები ეთქვა, თუმცა არა პოლიციელების მისამართით. მოსამართლის ივანე ყიფიანის მთავარ კითხვაზე, ადგილი ჰქონდა თუ არა პოლიციელების მხრიდან არასათანადო მოპყრობას მის მიმართ, უპასუხა რომ არანაირი პრეტენზია არ აქვს და განაცხადა რომ პოლიციელებს მისთვის ფიზიკური შეურაცხყოფა არ მიუყენებიათ.

მხარეებს შორის ნახევარსაათიანი სასამართლო პროცესი იმით დასრულდა რომ მოსამართლემ მოწმეების სახით დამატებით ორი ადამიანის ვლადიმერ პაპიძე და ლევან ჯაფარიშე გამომითხვა მოითხოვა. თუმცა მოსამართლეებს არ მოუთხოვია იმ ადამიანების დაკითხვა, რომლებიც ამბობენ, რომ ზაზა ჩინჩალაძე თავად პოლიციელებმა სცემეს.

სასამართლო დარბაზიდა გაათავისუფლა ზაზა ჩინჩალაძე და მომდევნო სასამართლო პროცესი სამ ოქტომბერს 16:00 საათზე დანიშნა.

დაკავებულს ბრალი ადმინისტრაციული სამართალდარღვევათა კოდექსის 173-ე მუხლით აქვს შეფარდებული, რომლის დამტკიცების შემთხვევაში გამოიწვევს 1 000 ლარამდე დაჯარიმებას ან გამასწორებელ სამუშაოებს ვადით ერთიდან ექვს თვემდე.
Print E-mail
FaceBook Twitter
მსგავსი სიახლეები
ქუთაისიპოსტის ინფორმაციით,
14:34 / 04.06.2020
ქუთაისიპოსტის ინფორმაციით, "ქართული ოცნების" ქუთაისის ორგანიზაციის ხელმძღვანელად  მერის მოადგილე იუზა უგულავა დაინიშნა. ინფორმაციას  პარტიის ცენტრალურ ოფისში არც უარყოფენ და არც ადასტურებენ.
ქუთაისის მერიამ ადმინისტრაციულ ერთეულებში
დასაქმებულ 89 თანამშრომელს საჯარო მოხელის სტატუსი
ჩამოართვა.
12:32 / 20.05.2020
ქუთაისის მერიამ ადმინისტრაციულ ერთეულებში დასაქმებულ 89 თანამშრომელს საჯარო მოხელის სტატუსი ჩამოართვა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.