ახალი ამბები
"ის, რაც ტყიბულში ხდება, არის მიუღებელი"– გიორგი გახარია
FaceBook

პრემიერმა მთავრობის სხდომა ტყიბულში განვითარებულ მოვლენებზე საუბრით დაიწყო.


 

გიორგი გახარიამ მიუღებლად შეაფასა ადგილზე არსებული ვითარება და განაცხადა, რომ მსგავსი შემთხვევები ქვეყანაში არ უნდა ხდებოდეს.

პრემიერმა დღესვე ეკონომიკის მინისტრს, ნათია თურნავას ტყიბულში ჩასვლა დაავალა და უთხრა, რომ ის უნდა იყოს მაქსიმალურად მკაცრი, რათა პრობლემა მოგვარდეს.


„ხაზგასმით მინდა აღვნიშნო, რომ ის, რაც ტყიბულში ხდება არის მიუღებელი. მიუხედავად იმისა, რომ ეს პრობლემები წლების განმავლობაში გროვდებოდა, მსგავს შემთხვევებს ჩვენს ქვეყანაში ადგილი არ უნდა ჰქონდეს. ყველა ინვესტორმა და დამსაქმებელმა უნდა გაითვალისწინოს, რომ ის ვალდებულია სრულფასოვნად შეასრულოს  როგორც თავისი საფინანსო–სახელფასო ვალდებულებები, ასევე, შეუქმნას თითოეულ დასაქმებულს შესაბამისი შრომითი პირობები. მთავრობის სხდომის დასრულების შემდეგ,  ეკონომიკის მინისტრი გაემგზავრება ადგილზე.  ის გაემგზავრება არა გარემოებებისა და საქმის  გასაცნობად, არამედ, პრობლემის მოსაგვარებლად. მინდა ვთხოვო ქალბატონ ნათიას, რომ  იყოს მაქსიმალურად მომთხოვნი და მკაცრი, რომ ჩვენ დავიცვათ თითოეული ჩვენი მოქალაქის უფლებები“,–განაცხადა პრემიერმა.


მან ასევე, აღნიშნა, რომ სახელმწიფო გვერდით უდგას ბიზნესს, თუმცა, დამსაქმებელმა  უნდა გაითვალისწინოს დასაქმებულების  სოციალური ინტერესები  და პასუხისმგებლობით შეასრულოს თავისი ვალდებულებები.


ტყიბულში დღეს დილიდან მეშახტეების პროტესტი  განახლდა.  30–მდემეშახტე, რომლებიც პროტესტის ნიშნად შახტიდან არ ამოდიან, შიმშილობას აგრძელებს, ხოლო, მათი ნაწილი საპროტესტო აქციას ტყიბულის მერიის შენობის წინ მართავს.   მეშახტეები აგვისტოს თვის ხელფასს და შახტის შემდგომი მუშაობის საკითხის გარკვევას ითხოვენ. მათი თქმით, ვიდრე ეს ორი საკითხი არ გადაწყდება, პროტესტს არ შეწყვეტენ.


მეშახტეებმა
უკვე გაუგზავნეს სამპუნქტიანი მიმართვა პრემიერ–მინისტრს, სადაც მეშახტეების პრობლემების მოუგვარებლობის შემთხვევაში პროტესტის რადიკალური ფორმების გამოყენების შესახებ აფრთხილებენ.


გაფიცულ მეშახტეებს სოლიდარობას უცხადებს ადგილობრივი მოსახლეობა. მათმა ნაწილმა პროტესტის ნიშნად 25 სექტემბერს შვილები სკოლაში არ გაუშვა.


მეშახტეების
მხარდასაჭერად აქციაზე ჩამოვიდნენ ჭიათურის მაღაროს თანამშრომლებიც.

Print E-mail
FaceBook Twitter
მსგავსი სიახლეები
ქუთაისის მაჟორიტარობისთვის კიდევ ერთი
კანდიდატი იბრძოლებს.
11:06 / 27.09.2020
ქუთაისის მაჟორიტარობისთვის კიდევ ერთი კანდიდატი იბრძოლებს.
ქართულ-აფხაზური

კონფლქტის დაწყებიდან
28 წელი, სოხუმის დაცემიდან კი 27 წელი გავიდა.
10:40 / 27.09.2020
ქართულ-აფხაზური კონფლქტის დაწყებიდან 28 წელი, სოხუმის დაცემიდან კი 27 წელი გავიდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.