ახალი ამბები
„პირველ სემესტრში მივიღებთ 1000 სტუდენტს“ - ცაგარელი ქუთაისის ტექნოლოგიურ უნივერსიტეტზე
FaceBook

ფონდი "ქართუს" ხელმძღვანელებმა, განათლების მინისტრთან და ქუთაისის ადგილობრივი ხელისუფლების წარმომადგენლებთან ერთად  ქუთაისის საერთაშორისო უნივერსიტეტის სამშენებლო ტერიტორია დაათვალიერეს.


ფონდის პროექტების დირექტორმა, ვახტანგ ცაგარელმა განაცხადა, რომ 2020 წლის პირველ სემესტრში უნივერსიტეტი მხოლოდ 1000 სტუდენტის მიღებას შეძლებს. რაც შეეხება დაპირებულ 60 000 სტუდენტს, ვახტანგ ცაგარელი ამბობს, რომ რაღაც ეტაპზე უნივერსიტეტის ინფრასტრუქტურა ამ რაოდენობის სტუდენტზეც იქნება გათვლილი, თუმცა, რა იგულისხმება რაღაც ეტაპში, ცაგარელს ამაზე პასუხი არ გაუცია.


"ეს არ ნიშნავს იმას, რომ აქ 60 000 სტუდენტი იქნება ერთდროულად ოდესმე. 2020 წლის პირველ სემესტრში მივიღებთ 1000 სტუდენტს, რომლებიც გადანაწილდებიან სამ სპეციალობაზე. ეს არ ნიშნავს იმას, რომ ჩვენ ინფრასტრუქტურის მასშტაბების თვალსაზრისით ვიქნებით შეზღუდული“,- განაცხადა მიხეილ ცაგარელმა.

მან დღესვე მოკლე კომენტარი გააკეთა იმაზე, თუ რატომ შედგა ქუთაისში მშენებარე უნივერსიტეტის პრეზენტაცია თბილისში.

"ქუთაისში უნდა შედგეს? ჩათვალეთ, რომ ეს არის პრეზენტაცია ქუთაისში" - განაცხადა  ცაგარელმა.

იგივე შეკითხვას პასუხი არ გასცა ქუთაისის მერმა,გიორგი ჭიღვარიამ.






ქუთაისის საერთაშორისო უნივერსიტეტის პრეზენტაცია თბილისში 18 სექტემბერს გაიმართა. ღონისძიებაზე პროექტის ხელმძღვანელებმა თქვეს, რომ მშენებლობის პროცესი  170 ათასი კვადრატულ  მეტრ ფართობზე მიმდინარეობს. შენდება სამი  სასწავლო კორპუსი და სამი სტუდენტური საერთო საცხოვრებელი, პროფესორ-მასწავლებელთა საცხოვრებელი,  ბიბლიოთეკა და სასადილო. განვითარების შემდეგ სტადიებზე კი უნივერსიტეტის  ინფორმაციით, კიდევ  2 სასწავლო კორპუსი აიგება, ასევე, აშენდება ადრონული თერაპიის ცენტრი, საუნივერსიტეტო კლინიკა, ლაბორატორიები და კვლევით-სამეცნიერო დანიშნულების სხვა ობიექტები.

იგივე დღეს, ქუთაისში უნივერსიტეტის ტერიტორიის დათვალიერებისას გაიმეორეს. 

უნივერსიტეტის მომავალი რექტორის, ალექსანდრე თევზაძის თქმით, უნივერსიტეტი   პირველ ნაკადს   2020 წლის შემოდგომაზე მიიღებს.  თავდაპირველად სტუდენტებს სამი საგნის არჩევა შეეძლებათ. ესენია:  მათემატიკა, კომპიუტერული მეცნიერება  და საგანმანათლებლო პროგრამები.   სამივე მიმართულებით სწავლა  ინგლისურ  ენაზე იწარმოებს.  მომდევნო წლებში  კი  მოხდება როგორც სამაგისტრო და სადოქტორო პროგრამების დამატება, ასევე, სპეციალობების სპექტრის გაფართოება.

უნივერსიტეტისთვის 1 მილიარდი ევროს დახარჯვაა დაანონსებული. მშენებლობას სრულად აფინანსებს ფონდი "ქართუ".

 

FaceBook Twitter
მსგავსი სიახლეები
ლენტეხის ცენტრში,
შადრევანი,  რომელზეც ჯიხვებთან ერთად ნადირობის ქალღმერთი
დალი  უნდა გამოესახათ, მის გარეშე გაიხსნა.
17:53 / 21.10.2019

ლენტეხის ცენტრში, შადრევანი,  რომელზეც ჯიხვებთან ერთად ნადირობის ქალღმერთი დალი  უნდა გამოესახათ, მის გარეშე გაიხსნა.

ცაგერის მუნიციპალიტეტის სოფელ
ტვიშში ადგილობრივებმა აქცია გამართეს.
16:16 / 21.10.2019
ცაგერის მუნიციპალიტეტის სოფელ ტვიშში ადგილობრივებმა აქცია გამართეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ლენტეხის ცენტრში, შადრევანი,  რომელზეც ჯიხვებთან ერთად ნადირობის ქალღმერთი დალი  უნდა გამოესახათ, მის გარეშე გაიხსნა.
ვეძებთ ძიძას ქუთაისში.
ქუთაისის მერიამ ბოლო სამი წლის განმავლობაში ტენდერის გზით გამარჯვებულ  13 კომპანიას ხელშეკრულება შეუწყვიტა.
ცაგერის მუნიციპალიტეტის სოფელ ტვიშში ადგილობრივებმა აქცია გამართეს.
ეროვნულ ლიგაში  გუნდის გარეშე დარჩენილი საფეხბურთო კლუბი  „ტორპედო“ უმძიმეს ვითარებაში იმყოფება. კლუბი ყველა წამყვანმა ფეხბურთელმა დროებით დატოვა და ფინანსური კრიზისის პირობებში მოედანზე გასვლას არ აპირებს.
წერეთლის უნივერსიტეტის სტუდენტები,  ატოცში მიმდინარე პროცესებს ქუთაისში, ლადო მესხიშვილის სახელობის თეატრთან გააპროტესტებენ.
ხონის ისტორიულ მუზეუმში თანამედროვე ხელოვნების გამოფენა გაიმართა.
გარემოს ეროვნული სააგენტოს ინფორმაციით, კვირის განმავლობაში თბილი და უნალექო ამინდია მოსალოდნელი.