დღეს იმერეთში სახელმწიფო რწმუნებულმა ზვიად შალამბერიძემ, სამხარეო ადმინისტრაციის თანამშრომლებს, პირველი მოადგილის თანამდებობაზე იოსებ ხახალეიშვილი წარუდგინა.

 

ხახალეიშვილი იმერეთში სახელმწიფო რწმუნებულის ადმინისტრაციაში ხუთი წლის განმავლობაში მუშაობდა, ამ პერიოდიდან ოთხი წელი - რწმუნებულის მოადგილის პოზიციაზე.

ხახალეიშვილის პირველ მოადგილედ წარდგენის შემდეგ გამოთავისუფლებული ადგილი - მოადგილის თანამდებობა  ლევან კიკნაველიძემ დაიკავა. 

ლევან კიკნაველიძე დღემდე „ჭიათურ-მანგანუმჯორჯია”-ს მონიტორინგის სამსახურის უფროსი იყო. გასულ წლებში ის მუშაობდა: საქართველოს კონტროლის პალატაში, აჭარის ავტონომიური რესპუბლიკის მთავრობაში,
საქართველოს ფინანსთა სამინისტროში, საქართველოს იუსტიციის სამინისტროსა და ქუთაისის სასამართლოში, სადაც სხვადასხვა ხელმძღვანელ პოზიციებს იკავებდა.