ქუთაისის მერმა, გიორგი ჭიღვარიამ „ტორპედოს“ ფანკლუბის წევრებთან შეხვედრაზე, ერთ-ერთი გულშემატკივარი, ლევან ფილიპაშვლი, კლუბის დირექტორის მოადგილედ დაასახელა.
მას შემდეგ, რაც ლევან ფილიპაშვილმა კლუბში შექმნილ პრობლემებზე ისაუბრა, ქალქის მერმა განაცხადა, რომ იგი თემურ ჩეჩელაშვილის მოადგილედ დაინიშნებოდა, თუმცა, ლევან ფილიპაშვილმა მოგვიანებით განაცხადა, რომ მან ამის შესახებ წინასწარ იცოდა.
კლუბის დროებითი მმართველი ამბობს, რომ ლევან ფილიპაშვილი
ამ პოსტზე იმუშავებს, თუმცა, დანიშვნა ოფიციალურად ყოფილმა
ინვესტორმა, ზაალ ჩაჩავამ უნდა განახორციელოს, რადგნ კლუბი ჯერ კიდევ
მას ეკუთვნის.
„ტორპედოს“ ფანკლუბის წევრები ქუთაისის მერსა და დროებით მმართველს
მას შემდეგ შეხვდნენ, რაც მერიის შენობის წინ გამართულ აქციაზე კლუბის
გულშემატკივრების მოთხოვნის მიუხედავად, გიორგი ჭიღვარია არ ჩავიდა.
აქციის მონაწილეები კი მერის შეთავაზებას, მოლაპარაკებაზე
მხოლოდ ორი მათგანის შესვლის შესახებ, არ დათანხმდნენ. ამის
შემდეგ ქალაქის მერმა აქციის ყველა მონაწილე სხდომათა დარბაზში
მიიღო.
„ტორპედოს“ გულშემატკივრებმა შეხვედრაზე კლუბში ფინანსური კრიზისის
ფონზე შექმნილ უმძიმეს ვითარებაზე ისაუბრეს და ქალაქის მერისგან
დროული რეაგირება მოითხოვეს. მათი თქმით, თუ ადგილობრივი
ხელისუფლება დროულად არ იშუამდგომლებს ფეხბურთის ფედერაციასა და
ფეხბურთის განვითარების ფონდთან, კლუბი დაიშლება.
ამავე თემაზე:
"ტორპედოს"
ახალი დირექტორი გუნდის წევრებს შეხვდა
"ქუთაისის
მერია „ტორპედოს“ ვალით არ დაიბრუნებს"
ზაალ ჩაჩავას შეუსრულებელი დაპირება - რა დაემართა „ტორპედოს“ ერთ
წელიწადში
შახტის ყოფილი თანამშრომელი ხვიჩა გაბუნია ფეისბუქპოსტში წერს, რომ საწარმოში გახშირებული ავარიები მოშლილი სისტემის შედეგია და არსებული მდგომარეობის გაგრძელებამ შესაძლოა შახტის დახურვა და ასობით ადამიანის უმუშევრად დარჩენა გამოიწვიოს.
მისი განცხადებით, მძიმე მდგომარეობაა ნახშირის მომპოვებელ უბნებზეც, სადაც დასაქმებულებს მუშაობა მაღალი რისკის პირობებში უწევთ. გაბუნიას თქმით, არ ხდება ტექნიკის განახლება და მოძველებული მექანიზმების ახლით ჩანაცვლება, ხოლო საწარმოს მართვაში გამოცდილი კადრების როლი შემცირებულია.
შახტის ყოფილი თანამშრომელი არსებულ ვითარებას 2018 წლის პერიოდს ადარებს, როდესაც, მისი თქმით, საწარმოში ავარიები და ფატალური შემთხვევები გახშირებული იყო. ის იხსენებს მეშახტეების მაშინდელ პროტესტსაც, რომელშიც თავად მონაწილეობდა და რომლის მიზანი საწარმოში მდგომარეობის გაუმჯობესება იყო.
გაბუნია მეშახტეებს მოუწოდებს, სამუშაო პირობებთან დაკავშირებულ რისკებზე ხმა აიმაღლონ. მისი შეფასებით, პრობლემების მოუგვარებლობამ შესაძლოა შახტის დახურვა და ტყიბულში ასობით ადამიანის უმუშევრად დარჩენა გამოიწვიოს.
"ბოლო დროს, შახტში ხშირია მარცხი, რომელიც სავალალო შედეგებით მთავრდება, ნახშირმომპოვებელი უბნები, ერთმანეთის მოყოლებით ფეთქდება და იწვის. რისი თქმა მინდა მეგობრებო, ამ წარმოებაში, მოშლილა სისტემა.
ორმა არაპროფესიონალმა ადამიანმა, ერთპიროვნულად ჩაიგდო ხელთ, მართვის სტრუქტურა. გამოცდილ კადრებს, რომლებიც თითზე ჩამოსათვლელი დარჩა ამ წარმოებაში, ( ჩემი პატივისცემა მათ) აღარაფერს ეკითხებიან. წარმოების სადავეები რამოდენიმე ნარკომანს და სოცკისთან დაახლოებული, არაპროფესიონალ კადრებს უჭირავს, რაც იწვევს შახტში, მოხშირებულ მარცხებს. ყველა, მექანიზმი და სატრანსპორტო საშვალება, რომელიც ემსახურება, მშრომელების გადაადგილებას და ნახშირის ტრანსპორტირებას, შახტიდან ზედაპირამდე , თითქმის 100% -ით გამოსულია მწყობრიდან, რაც საფრთხეს უქმნის მეშახტეთა სიცოცხლეს.
ნახშირ მომპოვებელი უბნები, კატასტროფულ მდგომარეობაშია, იქ ადგილზე მომუშავე პერსონალი, ძალიან დიდი რისკის ქვეშაა. არანაირი გადაიარაღება და ახლით ჩანაცვლება არ ხდება, რაც წარმოებას საბოლოოდ მიიყვანს დაკეტვის პირას და 100 ობით ადამიანის უმუშევრად დარჩენას. რისი თქმა მინდა მეგობრებო? ეს წარმოება უბრუნდება, 2018 წლის ნიშნულს, მარცხისა და სიკვდილიანობის მხრივ, როდესაც მოცემულ წლებში, ყოველ სამ თვეში, ათობით ადამიანი, მარცხდებოდა და იღუპებოდა. მაშინ, პირადად მე, ყველა მეშახტემ, ვისთვისაც ღირებილი იყო ადმიანის სიცოცხლე, გული შესტკიოდა წარმოების მომავალზე ხმა ამოვიღეთ და მიზანსაც მივაღწიეთ.
უპირველეს ყოვლისა, წლების განმავლობაში, აღარ ხდებოდა შახტში მარცხი, წარმოებაც შევინახეთ და გადავარჩინეთ. მეამაყება, მაშინდელ წლებში პროტასტის, რომელსაც პირადად მე,100 ობით მეშახტესთან ერთად ვხემძღვანელობდით და შედეგიც დავდეთ, ეს ყველა მეშახტეს კარგად ახსოვს. ამიტომ იყო, რომ წლების შემდგომ, არ მაპატიეს, მეშახტეების გვერჩიდგომა, ყველა მათ არასწორ გადაწყვეტილებაზე ხმის ხმამაღლა ამოღება და სისტემამ, მომიშორა თავიდან. მინდა მივმართო ყველა მეშახტეს! ხმა ამოიღეთ მეგობრებო, ყველა იმ რისკებზე, რაც თქვენ ჯამთელობას და სიცოცხლეს უქმნის საფრთხეს, თორემ შემდგომ, ჯვარი დაგწეროთ ღმერთმა გვიანი იქნება", - წერს შახტის ყოფილი თანამშრომელი.
„ქუთაისიპოსტი“ შახტში არსებულ მდგომარეობასთან დაკავშირებით საწარმოს ადმინისტრაციის პოზიციის გარკვევას შეეცდება.
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
მასალის გამოყენების პირობები