„ტორპედოს“ ქუთაისის მერია იბრუნებს. კლუბის ინვესტორმა და პრეზიდენტმა, ზაალ ჩაჩავამ "ტორპედოზე" საბოლოოდ თქვა უარი.
მერიასა და ჩაჩავას შორის დავის საგანს ახლა ჩაჩავას მიერ კლუბისა და
ქუთაისის მერიის წინაშე არსებული დავალიანება წარმოადგენს. ჩაჩავამ
უნდა დაფაროს არამხოლოდ მისი შესყიდვის ღირებულება, რომლის
ნაწილიც, 170 000 ლარი, ამ დრომდე არ გადაუხდია, ასევე,
უნდა გაისტუმროს ყველა საბანკო თუ სახელფასო დავალიანება. ამასთანავე,
მას მოუწევს ხელშეკრულების შეუსრულებლობის გამო
დაკისრებული ჯარიმის გადახდაც, რომელიც მერიის ინფორმაციით, უკვე ცხრა
თვეა ყოველდღიურად ერიცხება, დღეში 300 ლარი
ოდენობით.
ადგილობრივ თვითმმართველობაში ამბობენ, რომ კლუბს ვალის პირობებში არ
დაიბრუნებენ.
„ზაალ ჩაჩავამ ითხოვა რამდენიმე დღე, რის შემდეგაც გადავწყვეტთ რა გზით წავალთ, იქნება ეს ვალის აღიარება თუ სასამართლოს გზა. ქუთაისის მერია „ტორპედოს“ ვალით არ დაიბრუნებს, ჩაჩავას მოუწევს მისი აღიარება“, - განაცხადა მერის მოადგილემ, იუზა უგულავამ ქუთაისიპოსტთან საუბარში.
უკვე ცნობილია, რომ მას შემდეგ, რაც „ტორპედოს“ 100%-იან წილს ქუთაისის მერია დაიბრუნებს, კლუბის პრეზიდენტად თემურ ჩეჩელაშვილი დაინიშნება, რომელიც ერთხელ უკვე იყო ამ პოსტზე. მან კლუბი მას შემდეგ დატოვა, რაც ზაალ ჩაჩავამ „ტორპედო“ აუქციონზე შეისყიდა.
ზაალ ჩაჩავას კლუბში პრობლემები მას შემდეგ შეექმნა, რაც
მან ფეხბურთელებისთვის რამდენიმე თვის განმავლობაში სახელფასო
დავალიანების გადახდა ვერ შეძლო. ფინანსური კრიზისის გამო
„ტორპედო“ მიმდინარე წლის ზაფხულში 12-მა წამყვანმა ფეხბურთელმა,
მნიშვნელოვანი მატჩების წინ დატოვა.
ჩაჩავას კლუბიდან წასვლას ითხოვდნენ ფანკლუბის წევრები, რადგან მიიჩნევდნენ, რომ მან გუნდი დაშლის პირას მიიყვანა.
ზაალ ჩაჩავამ პრობლემების მოგვარების პირობა რამდენჯერმე დადო. იგი იმედს ჩინელ ინვესტორთა ჯგუფზე ამყარებდა, თუმცა, საბოლოოდ თანამშრომლობა არ შედგა.
ორი წლის შემდეგ „ტორპედო“ კვლავ ინვესტორის გარეშე დარჩა.
ქუთაისის მერია კლუბს ვეღარ დააფინანსებს, რადგან მასზე ზრუნვა
„ფეხბურთის განვითარების ფონდს“ ევალება, რომელიც კლუბს
წელიწადში 800 000 ლარით აფინანსებს, რაც რეალურად მხოლოდ მისი
შენახვის ხარჯებია. რაც შეეხება ახალ ინვესტორს, ქუთაისის
მერიაში არ საუბრობენ იმაზე, არის თუ არა ვინმე დაინტერესებული
„ტორპედოში“ ინვესტიციის ჩადებით.
ზაალ ჩაჩავას შეუსრულებელი დაპირება - რა დაემართა „ტორპედოს“ ერთ
წელიწადში
შახტის ყოფილი თანამშრომელი ხვიჩა გაბუნია ფეისბუქპოსტში წერს, რომ საწარმოში გახშირებული ავარიები მოშლილი სისტემის შედეგია და არსებული მდგომარეობის გაგრძელებამ შესაძლოა შახტის დახურვა და ასობით ადამიანის უმუშევრად დარჩენა გამოიწვიოს.
მისი განცხადებით, მძიმე მდგომარეობაა ნახშირის მომპოვებელ უბნებზეც, სადაც დასაქმებულებს მუშაობა მაღალი რისკის პირობებში უწევთ. გაბუნიას თქმით, არ ხდება ტექნიკის განახლება და მოძველებული მექანიზმების ახლით ჩანაცვლება, ხოლო საწარმოს მართვაში გამოცდილი კადრების როლი შემცირებულია.
შახტის ყოფილი თანამშრომელი არსებულ ვითარებას 2018 წლის პერიოდს ადარებს, როდესაც, მისი თქმით, საწარმოში ავარიები და ფატალური შემთხვევები გახშირებული იყო. ის იხსენებს მეშახტეების მაშინდელ პროტესტსაც, რომელშიც თავად მონაწილეობდა და რომლის მიზანი საწარმოში მდგომარეობის გაუმჯობესება იყო.
გაბუნია მეშახტეებს მოუწოდებს, სამუშაო პირობებთან დაკავშირებულ რისკებზე ხმა აიმაღლონ. მისი შეფასებით, პრობლემების მოუგვარებლობამ შესაძლოა შახტის დახურვა და ტყიბულში ასობით ადამიანის უმუშევრად დარჩენა გამოიწვიოს.
"ბოლო დროს, შახტში ხშირია მარცხი, რომელიც სავალალო შედეგებით მთავრდება, ნახშირმომპოვებელი უბნები, ერთმანეთის მოყოლებით ფეთქდება და იწვის. რისი თქმა მინდა მეგობრებო, ამ წარმოებაში, მოშლილა სისტემა.
ორმა არაპროფესიონალმა ადამიანმა, ერთპიროვნულად ჩაიგდო ხელთ, მართვის სტრუქტურა. გამოცდილ კადრებს, რომლებიც თითზე ჩამოსათვლელი დარჩა ამ წარმოებაში, ( ჩემი პატივისცემა მათ) აღარაფერს ეკითხებიან. წარმოების სადავეები რამოდენიმე ნარკომანს და სოცკისთან დაახლოებული, არაპროფესიონალ კადრებს უჭირავს, რაც იწვევს შახტში, მოხშირებულ მარცხებს. ყველა, მექანიზმი და სატრანსპორტო საშვალება, რომელიც ემსახურება, მშრომელების გადაადგილებას და ნახშირის ტრანსპორტირებას, შახტიდან ზედაპირამდე , თითქმის 100% -ით გამოსულია მწყობრიდან, რაც საფრთხეს უქმნის მეშახტეთა სიცოცხლეს.
ნახშირ მომპოვებელი უბნები, კატასტროფულ მდგომარეობაშია, იქ ადგილზე მომუშავე პერსონალი, ძალიან დიდი რისკის ქვეშაა. არანაირი გადაიარაღება და ახლით ჩანაცვლება არ ხდება, რაც წარმოებას საბოლოოდ მიიყვანს დაკეტვის პირას და 100 ობით ადამიანის უმუშევრად დარჩენას. რისი თქმა მინდა მეგობრებო? ეს წარმოება უბრუნდება, 2018 წლის ნიშნულს, მარცხისა და სიკვდილიანობის მხრივ, როდესაც მოცემულ წლებში, ყოველ სამ თვეში, ათობით ადამიანი, მარცხდებოდა და იღუპებოდა. მაშინ, პირადად მე, ყველა მეშახტემ, ვისთვისაც ღირებილი იყო ადმიანის სიცოცხლე, გული შესტკიოდა წარმოების მომავალზე ხმა ამოვიღეთ და მიზანსაც მივაღწიეთ.
უპირველეს ყოვლისა, წლების განმავლობაში, აღარ ხდებოდა შახტში მარცხი, წარმოებაც შევინახეთ და გადავარჩინეთ. მეამაყება, მაშინდელ წლებში პროტასტის, რომელსაც პირადად მე,100 ობით მეშახტესთან ერთად ვხემძღვანელობდით და შედეგიც დავდეთ, ეს ყველა მეშახტეს კარგად ახსოვს. ამიტომ იყო, რომ წლების შემდგომ, არ მაპატიეს, მეშახტეების გვერჩიდგომა, ყველა მათ არასწორ გადაწყვეტილებაზე ხმის ხმამაღლა ამოღება და სისტემამ, მომიშორა თავიდან. მინდა მივმართო ყველა მეშახტეს! ხმა ამოიღეთ მეგობრებო, ყველა იმ რისკებზე, რაც თქვენ ჯამთელობას და სიცოცხლეს უქმნის საფრთხეს, თორემ შემდგომ, ჯვარი დაგწეროთ ღმერთმა გვიანი იქნება", - წერს შახტის ყოფილი თანამშრომელი.
„ქუთაისიპოსტი“ შახტში არსებულ მდგომარეობასთან დაკავშირებით საწარმოს ადმინისტრაციის პოზიციის გარკვევას შეეცდება.
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
მასალის გამოყენების პირობები