პოლიტიკა
მცირე და საოჯახო სასტუმრო ინდუსტრიის ხელშეწყობისთვის თანადაფინანსების მექანიზმი ამოქმედდება
FaceBook

საქართველოს ეკონომიკისა და მდგრადი განვითარების სამინისტროს სააგენტო „აწარმოე საქართველოში“ 2019 წლის 1-ლი სექტემბრიდან ახალ პროგრამას „თანადაფინანსების მექანიზმი მცირე და საოჯახო სასტუმრო ინდუსტრიის ხელშეწყობისთვის“ განახორციელებს.


პროგრამის მიზანია ხელი შეუწყოს მცირე და საოჯახო ტიპის სასტუმროებს კომერციული ბანკების წინაშე ფინანსური ტვირთის შემსუბუქებას და მათ ბაზარზე ოპერირების გაგრძელებას.

"აღნიშნული მექანიზმის ფარგლებში, სააგენტო „აწარმოე საქართველოში“ განახორციელებს 2019 წლის 1-ლი აგვისტოდან მომდევნო 6 თვის განმავლობაში მეწარმე-სუბიექტებისთვის სესხზე დარიცხული ყოველთვიური საპროცენტო სარგებლის 80%-ის თანადაფინანსებას ეროვნულ ვალუტაში აღებული სესხების შემთხვევაში, ხოლო 70%-ის თანადაფინანსებას უცხოურ ვალუტაში გაცემული სესხების შემთხვევაში," - აღნიშნულია სააგენტოს მიერ გავრცელებულ განცხადებაში.

მათი ინფორმაციით, თანადაფინანსების მექანიზმით სარგებლობა შეეძლებათ იმ მეწარმეებს, რომლებსაც სასტუმროს მშენებლობის/გაფართოების/აღჭურვის/რემონტის/რეკონსტრუქციის მიზნით სესხი აქვთ აღებული 2019 წლის 30 ივნისის ჩათვლით პერიოდში და სასტუმრო მოიცავს 4-დან 20-მდე ნომრებს.

თანადაფინანსების მექანიზმის ფარგლებში სესხის მაქსიმალური მოცულობა შეადგენს: 300 000 (სამასი ათასი) ლარს ეროვნულ ვალუტაში გაცემული სესხის შემთხვევაში, 100 000 (ასი ათასი) აშშ დოლარს - აშშ დოლარში გაცემული სესხის შემთხვევაში და 80 000 (ოთხმოცი ათასი) ევროს - ევროში გაცემული სესხის შემთხვევაში.

სააგენტოს ინფორმაციით, აღნიშნული პროგრამა  ერთჯერადი ხასიათისაა და მთელი საქართველოს მასშტაბით ვრცელდება.

Print E-mail
FaceBook Twitter
მსგავსი სიახლეები
ქუთაისის მერიამ ადმინისტრაციულ ერთეულებში
დასაქმებულ 89 თანამშრომელს საჯარო მოხელის სტატუსი
ჩამოართვა.
12:32 / 20.05.2020
ქუთაისის მერიამ ადმინისტრაციულ ერთეულებში დასაქმებულ 89 თანამშრომელს საჯარო მოხელის სტატუსი ჩამოართვა.

ხომ გახსოვთ ილიკო და ილარიონი,
ნოდარ დუმბაძის ნაწარმოების ნამდვილი გმირები, მიწაზე წკეპლით რომ
ხაზავენ ომის სტრატეგიას?
07:35 / 05.04.2020

ხომ გახსოვთ ილიკო და ილარიონი, ნოდარ დუმბაძის ნაწარმოების ნამდვილი გმირები, მიწაზე წკეპლით რომ ხაზავენ ომის სტრატეგიას?

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.