ახალი ამბები
"მოძღვარმაც დაარტყა ჩემს მეუღლეს" – სამტრედიაში ერაყის მოქალაქეს სცემეს
FaceBook
სამტრედიაში  არაფხიზელ მდგომარეობაში მყოფმა პირებმა, მათ შორის  სასულიერო პირმა,  ერაყის მოქალაქეს და მის  მეუღლეს სცემეს.

შემთხვევა დღეს დილით მოხდა. 


"მე და ჩემი მეუღლე  გადასასვლელზე გადავდიოდით,  რა დროსაც სახელმწიფო მარკის მანქანაც მოდიოდა და  აგრესიული სიჩქარით გამოირჩეოდა.  გადასვლის დროს  მტვერი შემომეყარა, რის გამოც,  ჩემთვის ჩავილაპარაკე ეს რა არისთქო, არ ვიცი ეს გაიგონეს თუ რა მოხდა,   ავტომანქანა  უკუსვლით გაჩერდა, ლამის ფეხზე გადამიარეს და გადმოვიდა სამი პირი, მათ შორის იყო მოძღვარი, რომელმაც გააკავა ჩემი მეუღლე, რომ დანარჩენ ორს ეცემა. ეტყობოდათ, რომ ნასვამები იყვნენ, ჩემს მეუღლეს საშინელი სიტყვებით მიმართავდნენ, წაეთრიე შენს ერაყშიო, მოძღვარმაც  დაარტყა" , – ჰყვება ქუთაისიპოსტთან საუბარში დაზარალებული ქეთი კამკამიძე. 

ის ამბობს, რომ  მათ არავინ  მიშველებია, მხოლოდ მოგვიანებით თვითონ მოახერხა პატრულისთვის და სასწრაფოსთვის  დარეკვა. 

დაზარალებულები სამტრედიის პოლიციის განყოფილებაში  გამოკითხვაზე დაიბარეს, თუმცა,  ქეთი კამკამიძე ამბობს, რომ მათ გარდა არ დაუკითხავთ ის პირები, რომლებიც ფიზიკურად გაუსწორდნენ. 

ერაყის მოქალაქე,  ბარაქათ ჯასიმ მოჰამმედ და მისი მეუღლე ერთი წელია სამტრედიაში ცხოვრობენ. ისინი მცირე ბიზნესით არიან დაკავებული.

"ჩვენც უნდა დავიძინოთ ამ საღამოს სახლში და იმათმაც? ისედაც არეულ პერიოდში და ქვეყანაში ვინ დამიცავს,  სამი მცირეწლოვანი შვილი მყავს, რა გარანტია მაქვს,  რომ  ან სახლში არ მომივარდებიან და ან ქუჩაში", – ამბობს დაზარალებული ქეთი კამკამიძე.

მომხდარზე გამოძიება 126-ე მუხლით დაიწყო, რაც ძალადობას გულისხმობს.



Print E-mail
FaceBook Twitter
მსგავსი სიახლეები
პრემიერ-მინისტრი გიორგი გახარია, 
ქუთაისში იმერეთის ტურიზმის სფეროს წარმომადგენლებს
ხვდება.
16:12 / 05.06.2020
პრემიერ-მინისტრი გიორგი გახარია,  ქუთაისში იმერეთის ტურიზმის სფეროს წარმომადგენლებს ხვდება.
14:30 / 05.06.2020
"საქართველოს აეროპორტების გაერთიანების" დირექტორის, თამარ არჩუაძის განცხადებით, საქართველოს ცა პირველი ივლისიდან გაიხსნება, თუმცა, მგზავრებს გარკვეული წესების დაცვა მოუწევთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.