ახალი ამბები
„ჟურნალისტებს საკრებულოს მუშაობისთვის ხელი არ შეუშლიათ“ - ნიკა ლატარია
FaceBook

ქუთაისის საკრებულოს თავმჯდომარე, ნიკა ლატარია, დღევანდელ სხდომაზე დეპუტატების, ალეკო ახალაძისა და ნიკოლოზ ჩეჩელაშვილის მიერ  ჟურნალისტებთან დაპირისპირებას ეხმაურება.


მისი თქმით, დეპუტატები ნანა კოსტავას წინააღმდეგ მოწყობილმა პერფორმანსმა გააღიზიანა, ჟურნალისტებს კი, რომლებიც ამ ფაქტს აშუქებდნენ, საკრებულოს მუშაობისთვის ხელი არ შეუშლიათ.


„პროტესტი გამოწვია იმან, რომ „ნანა წადი’ იყო მოწოდება. მე გავაკეთე განცხადება, რომ საკრებულოს მუშაობას ხელი არ  შეშლოდა,  რადგან  ეს რეგლამენტით მევალება როგორც საკრებულოს თავმჯდომარეს და როგორც სხდომის წამყვანს. საბედნიეროდ მალევე შეწყდა ეს ყველაფერი“, - განაცხადა ნიკა ლატარიამ.


ალეკო ახალაძე და ნიკოლოზ ჩეჩელაშვილი  ჟურნალისტებს, ნანა კოსტავას წინააღმდეგ მოწყობილი პერფორმანსის გაშუქების გამო  დაუპირისპირდნენ და განაცხადეს, რომ მედიის წარმომადგენლები მათ მუშაობაში ხელს უშლიდნენ.

დეპუტატები,  სამოქალქო აქტივისტების მიერ სხდომაზე პლაკატის, წაწერით "ნანა წადი" გაშლამ, შემდგომში კი ჟურნალისტების მიერ ამ ფაქტის ასახვამ გააღიზიანა.


"მუშაობაში ხელს გვიშლით. ჩვენ, საერთოდ შეგვიძლია მოვითხოვოთ სხდომის დახურვა და ვერ დაესწრებით სხდომას ", - მიმართა ჟურნალისტებს  ალეკო ახალაძემ.


იმის მიუხედავად, რომ ჟურნალისტებმა საკრებულოს წევრებს  შეახსენეს, რომ ისინი პროფესიულ მოვალეობას ასრულებდნენ, დეპუტატები მედიის წარმომადგენლებს მოუწოდებდნენ სხდომათა დარბაზში თავისუფალი გადააგილებისგან თავი შეეკავებინათ.


ნანა კოსტავა ერთთვიანი შესვენების შემდეგ,  დღეს, პირველად მივიდა საკრებულოს სხდომაზე.




საკრებულოს არჩეულმა წევრმა, ლაგოდეხის ნაკრძალში  ტრაგიკულად დაღუპული  16 წლის გოგონას დას, ბლოგერ სალომე ბარკერს სოციალურ ქსელში სიძულვილის ენით მიმართა.

გოგონას გარდაცვალების შემდეგ ნანა კოსტავამ პირად გვერდზე სალომე ბარკერის მიერ ერთი წლის წინ გადაღებული  ვიდეო გააზიარა, სადაც ბლოგერი თითზე გაკეთებლი პრეზერვატივით ჯვარს გამოსახავს. დეპუტატმა ვიდეოსთან ერთად დაწერა: „კაი დღეში ხარ ახლა, იცინე“.


დეპუტატის ამ ქმედებას საზოგადოების უმწვავესი რეაქცია მოჰყვა. სამოქალაქო აქტივისტები მისი წასვლის მოთხოვნით მერიის წინ  პერმამენტულ აქციებს მართავდნენ.


ნანა კოსტავამ ვიდეო წარწერით  ფეისბუქის პირად გვერდზე 28 მაისს გამოაქვეყნა, თუმცა, ამ შემთხვევაშიც  მომხდარზე რეაგირება მას შემდეგ მოხდა, რაც პოსტი მედიამ გაასაჯაროვა. კოსტავას პოსტის გამოქვეყნებიდან მხოლოდ სამი დღის შემდეგ დაატოვებინეს  ფრაქცია „ქართული ოცნება–კონსერვატორების“ თავმჯდომარის თანამდებობა  და გენდერული საბჭო.  ამის შემდეგ საკრებულოს თავმჯდომარემ, ნიკა ლატარიამ  განაცხადა, რომ კოლეგის წინააღმდეგ ყველა ბერკეტი გამოყენებული იყო და ნანა კოსტავა თავად გადაწყვეტდა დატოვებდა თუ არა დეპუტატის მანდატს.



კოსტავამ კი გადაწყვიტა, რომ საკრებულოს წევრის სტატუსზე უარი არ თქვას.  მას ამ დრომდე არ ესმის საზოგადოების ხმა და მანდატზე პრინციპულად არ ამბობს უარს.  მისი  ბოლო კომენტარი ამ საკითხზე იმის ახსნას შეეხებოდა, რომ მას  ამომრჩევლებმა ურჩიეს არ წასულიყო.

ვინ არიან ნანა კოსტავას ამომრჩევლები, რომლებიც მის მიერ დეპუტატის სტატუსით სიძულვილის ენის ტირაჟირებას ამართლებენ, უცნობია. სამაგიეროდ, მისი წასვლის მოთხოვნით დაწყებული აქციების დღეებში გაირკვა, რომ მან  „ქართულ ოცნებას“  ბევრი ხმა მოუტანა, რის გამოც მისი ბოლომდე „გაწირვა“ არ შეიძლებოდა.

FaceBook Twitter
მსგავსი სიახლეები
11:11 / 06.12.2019
"ქართული ოცნების" ოფისში დილიდან სიმშვიდეა, თუმცა, შტაბში უკვე არიან მობილიზებული პარტიის წევრები, მათ შორის ოფისში იმყოფება მერიის ადმინისტრაციული სამსახურის უფროსის მოადგილე შემსრულებელი, გიორგი სვანიძე.
ქუთაისის მესამე საჯარო სკოლის
მოსწავლის მშობელი პედაგოგს ბავშვის ცემაში ადანაშაულებს.
13:11 / 05.12.2019
ქუთაისის მესამე საჯარო სკოლის მოსწავლის მშობელი პედაგოგს ბავშვის ცემაში ადანაშაულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
„გაერთიანებული ოპოზიციის“ აქციაზე დღეს მომხდარ ჩხუბში მონაწილე პირებთან კავშირს უარყოფენ „ქართულ ოცნებაში“ და აცხადებენ, რომ ფიზიკურ დაპირისპირებაში ჩართულ პირებს არ იცნობენ.
ქუთაისში გაერთიანებული ოპოზიციის აქციას სტუდენტთა ნაწილიც შეუერთდა. 
რამდენიმე წუთის ქუთაისის მერიის წინ, სადაც გაერთიანებული ოპოზიციის აქციის მონაწილეები არიან შეკრებილნი ინცინდენტი მოხდა. 
ქუთაისი, რომელიც ქართული ცივილიზაციის აკვანია და რომელმაც სისხლი გადაუსხა ქვეყანას, ახლა არის მიტოვებული - გრიგოლ ვაშაძემ ქუთაისში გაერთიანებული ოპოზიციის აქციაზე. 
გაერთიანებული ოპოზიციის აქცია-მსვლელობა, რუსთაველის გამზირზე მდებარე "ქართული ოცნების" ოფისს" უახლოვდება.
რამდენიმე წუთში, გაერთიანებული ოპოზიციის აქცია-მსვლელობა, რუსთაველის გამზირზე მდებარე ქართული ოცნების" ოფისს მიუახლოვდება. 
გაერთიანებული ოპოზიციის აქცია-მსვლელობა, რუსთაველის გამზირზე მდებარე "ქართული ოცნების" ოფისს" უახლოვდება.
ქუთაისში, კიკვიძის სკვერთან მდებარე ერთ-ერრთი საცხოვრებელი კორპუსიდან გაერთიანებული ოპოზიციის მისამართით კვერცები და ცოცხალი ქათამი ისროლეს.