ახალი ამბები
მერია „ტორპედოს“ მეპატრონეს ვალდებულებების შესასრულებლად კიდევ ერთ შანსს აძლევს
FaceBook

ქუთაისის მერია „ტორპედოს“ მფლობელთან, ზაალ ჩაჩავასთან ხელშეკრულების გაწყვეტას არ აპირებს და დარღვევების მიუხედავად კიდევ ერთ შანსს აძლევს.


იმის მიუხედავად, რომ კლუბის შეძენიდან ორი წლის შემდეგაც ჩაჩავას საპრივატიზაციო თანხა გადახდილი არ აქვს,  ქუთაისის მერი ამბობს, რომ კიდევ ერთხელ გეგემავს კლუბის მეპატრონესთან შეხვედრას და იმის გარკვევას, აპირებს თუ არა ჩაჩავა ვალდებულებების შესრულებას.


„აგვისტოში დაგეგმილი გვაქვს მასთან შეხვედრა, სადაც გამოიკვეთება რა მიმართულებით მივდივართ და იღებს თუ არა (ზაალ ჩაჩავა) პასუხისმგებლობას გუნდზე“, - განაცხადა გიორგი ჭიღვარიამ.


მისივე თქმით, კლუბის მეპატრონემ ბიუჯეტში თანხის ნაწილი, 50 000 ლარი ჩარიცხა, ხელშეკრულების პირობების დარღვევის გამო კი ჯარიმდება.


ზაალ ჩაჩავამ ქუთაისის „ტორპედო“ 2017 წელს, 300 000 ლარად შეიძინა. მას ამ დრომდე მხოლოდ 140 000 ლარი ჰქონდა გადახდილი.


ხელშეკრულების დარღვევის პარალელურად, ჩაჩავამ, კლუბს ფინანსური პრობლემები შეუქმნა. ოთხი თვის განმავლობაში ფეხბურთელები სახელფასო ანაზღაურებას ვერ იღებდნენ, რის გამოც გუნდი 12-მა ფეხბურთელმა ევროპა ლიგის თამაშების  წინ დატოვა.


ზაალ ჩაჩავას გუნდის მოტყუებასა და ვალდებულებების შეუსრულებლობაში ადანაშაულებს ფანკლუბი. „ტორპედოს“ გულშემატკივრები რამდენიმე დღის განმავლობაში მერიის შენობასთან საპროტესტო აქციებს მართავდნენ და მეპატრონის კლუბიდან წასვლას ითხოვდნენ. მაშინ, ქუთაისის მერი ფანკლუბის წევრებს დაპირდა, რომ თუ პრობლემა რამდენიმე დღეში არ მოგვარდებოდა, ზაალ ჩაჩავას ხელშეკრულებას გაუწვიტავდნენ.


საპროტესტო აქციების შემდეგ, ჩაჩავამ მხოლოდ ორი თვის დავალიანება გაისტუმრა, თუმცა, ხელფასი არ აუღია გუნდიდან წასულ ფეხბურთელებს.


კლუბში შექმნილი პრობლემების ფონზე „ტორპედომ“ წარუმატებლად იასპარეზა ევროპა ლიგაზე და მას  პირველივე საკვალიფიკაციო ეტაპზე გამოეთიშა.

FaceBook Twitter
მსგავსი სიახლეები
ქუთაისის ეთნოგრაფიული მუზეუმის შენობაზე განთავსებული საათი,
მცდელობის მიუხედავად, ვერ გაასწორეს.
12:17 / 19.08.2019
ქუთაისის ეთნოგრაფიული მუზეუმის შენობაზე განთავსებული საათი, მცდელობის მიუხედავად, ვერ გაასწორეს.
ქუთაისში 19 აგვისტოს დილის 09:00 საათიდან 22 აგვისტოს 21:00
საათამდე მოსწავლე ახალგაზრდობის პარკიდან, სულხან-საბას ქუჩის
კვეთამდე ავტომობილების გადაადგილება შეწყდება.
10:40 / 19.08.2019
ქუთაისში 19 აგვისტოს დილის 09:00 საათიდან 22 აგვისტოს 21:00 საათამდე მოსწავლე ახალგაზრდობის პარკიდან, სულხან-საბას ქუჩის კვეთამდე ავტომობილების გადაადგილება შეწყდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისის ეთნოგრაფიული მუზეუმის შენობაზე განთავსებული საათი, მცდელობის მიუხედავად, ვერ გაასწორეს.
თბილისში მომხდარ ავტოავარიას ტყიბულის სოფელ მუხურას ყოფილი გამგებელი, 41 წლის, გიორგი კირკიტაძე ემსხვერპლა.
ქუთაისის საერთაშორისო აეროპორტიდან ევროპის მიმართულებით 6 ახალი ფრენა შესრულდება.
ქართველმა მთასვლელებმა ქვეყნის უმაღლლესი მწვერვალი, შხარა დალაშქრეს.
ქუთაისში, დავით  აღმაშენებლის #11-ში ორი სარდაფი გატეხეს.
სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ქრთამის აღების ფაქტზე, თერჯოლის მერიის ზედამხედველობის სამსახურის უფროსი სპეციალისტი გელა ქ., ხოლო  ქრთამის მიცემის ფაქტზე მოქალაქეები - კახი კ. და გია მ. დააკავეს.
ქუთაისში, ბოტანიკური ბაღის ტერიტორიაზე ახალგაზრდული თეატრი აშენდება.
ქუთაისში, რუსთაველის ქუჩაზე, სადაც  მიწის ჩავარდნის შედეგად ორმო წარმოიქმნა,  მანქანებს გადააგილება უჭირთ.