ახალი ამბები
"გახარია წადი" - მოთხოვნის შეუსრულებლობის შემთხვევაში ქუთაისში შიმშლობის დაწყებას აანონსებენ
FaceBook
ქუთაისში პროკურატურის შენობის წინ "ერთიანი ნაციონალური მოძრაობის" ახალგაზრდულმა ფრთამ შინაგანა საქმთა მინისტრი გიორგი გახარიას გადადგომა კიდევ ერთხელ მოითხოვა.

"დაისაჯოს გახარია კანონის შესაბამისად. ჩვენ ისევ ვაპროტესტებთ 20 ივნისის სისხლიან ღამეს და აქციები არ შეწყდება მანამ, სანამ შინაგან საქმეთა მინისტრი არ დატოვებს თანამდებობას", - ამბობს აქციის ერთ-ერთი ორგანიზატორი, თედო მესხი.

ენმ-ს ახალგაზრდული ლიდერის, ნინო თვალავაძის თქმით, მათი მოთხოვნების არ შესრულების შემთხვევაში შიმშილობის დაწყებასაც აანონსებენ.


მოქალაქეების პროტესტის მიზეზი საქართველოს პარლამენტში რუსეთის დუმის დეპუტატის, სერგეი გავრილოვის მიერ მართლმადიდებლური ასამბლეის ფარგლებში პარლამენტის თავმჯდომარის სავარძლის დაკავება და სესიის რუსულ ენაზე წაყვანა გახდა.

პროტესტის ტალღამ თითქმის ყველა ქალაქი მოიცვა. 20 ივნისს რუსთაველის გამზირზე აქციის მონაწილეებმა პარლამენტში შეჭრა სცადეს, თუმცა, სამართალდამცველებმა ამის შესაძლებლობა არ მისცეს. აქციის მონაწილეების მიმართ გამოყენებული იქნა რეზინის ტყვიები და ცრემლსადენი გაზი.

რუსთაველზე განვითარებული მოვლენების შედეგად 240 ადამიანი დაშავდა. სხვადასხვა სახის დაზიანება მიიღო მედიის 31-მა წარმომადგენელმა. თანამდებობა უკვე დატოვა პარლამენტის თავმჯდომარემ, ირაკლი კობახიძემ და საპარლამენტო უმრავლესობის წევრმა, ზაქარია ქუცნაშვილმა, თუმცა, აქციის მონაწილეები მიიჩნევენ, რომ ეს საკმარისი არ არის და პოსტიდან უნდა გადადგეს შინაგან საქმეთა მინისტრი, გიორგი გახარიაც.
Print E-mail
FaceBook Twitter
მსგავსი სიახლეები
ქუთაისის მაჟორიტარობისთვის კიდევ ერთი
კანდიდატი იბრძოლებს.
11:06 / 27.09.2020
ქუთაისის მაჟორიტარობისთვის კიდევ ერთი კანდიდატი იბრძოლებს.
ქართულ-აფხაზური

კონფლქტის დაწყებიდან
28 წელი, სოხუმის დაცემიდან კი 27 წელი გავიდა.
10:40 / 27.09.2020
ქართულ-აფხაზური კონფლქტის დაწყებიდან 28 წელი, სოხუმის დაცემიდან კი 27 წელი გავიდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.