ახალი ამბები
მამაკაცი, რომელმაც, სავარაუდოდ, ცეცხლი განზრახ გააჩინა, უგონო მდგომარეობაშია
FaceBook
მამაკაცი, რომელმაც ბინაში, სადაც მისი ოჯახის წევრებს ეძინათ, სავარაუდოდ, ცეცხლი განზრახ გააჩინა, უგონო მდგომარეობაშია. იგი ქუთაისიდან ძლიერი დამწვრობით თბილისში გადაიყვანეს.

მძიმეა კიდევ ორი  დაშავებულის  მდგომარეობა. მათ შორის ერთი მცირეწლოვანი გოგონაა.

მომხდარზე გამოძიება სსკ-ს მე- 11 პრიმა 19-109-ე მუხლით დაიწყო, რაც ოჯახში ძალადობის ნიადაგზე ჩადენილ განზრახ მკვლელობის მცდელობას გულისხმობს. 

18 ივნისის დილას, ქუთაისში, ავტომშენებლის ქუჩაზე ძლიერი აფეთქება მოხდა, რასაც ხანძარი მოყვა.

მომხდარის შედეგად მთლიანადაა განადგურებული ოთხსართულიანი კორპუსი.


ადგილობრივები იხსენებენ, რომ დაახლოებით დილის 5 საათზე ძლიერი აფეთქების ხმა გაიგონეს, გარეთ გამოსულებს  კი კორპუსის მეორე სართულზე ცეცხლი დახვდათ.

მათი  თქმით, აფეთქებასა და ხანძარს წინ ხმაური უძღოდა, რომელიც   მეორე სართულის ბინიდან გამოდიოდა.

ერთ-ერთი ვერსიით, ბინაში, სადაც მამიდას და ძმისშვილს ეძინათ,  ოჯახის ერთ-ერთმა წევრმა, ბენზინი შეიტანა და ცეცხლი განზრახ გააჩინა.

ადგილობრივთა თქმით, ახალგაზრდა მამაკაცი  გამთენიისას ბათუმიდან  სამარშუტო ტაქსით დაბრუნდა, ბინიდან ხმაური კი სწორედ მისი მისვლის შემდეგ ისმოდა.

ოჯახის წევრებს, სავარაუდოდ, ქონებრივი დავა აქვთ. 


ავტომშენებლის #14-ში მომხდარი აფეთქებისა და ხანძრის შედეგად 7 ადამიანი დაშავდა.   ოჯახებს, რომლებიც ხანძრის შედეგად დაზარალდნენ, ქუთაისის მერია დროებითი საცხოვრებლით უზრუნველყოფს. 







Print E-mail
FaceBook Twitter
მსგავსი სიახლეები
ქუთაისის მერია ბალახვნის ასსაფეხურიანი კიბის
პროექტის საჯარო განხილვას საზოგადოებას  მას შემდეგ სთავაზობს,
რაც სამუშაოების შესრულებაზე ტენდერიც გამოაცხადა და გამარჯვებულიც
გამოავლინა.
16:03 / 03.06.2020
ქუთაისის მერია ბალახვნის ასსაფეხურიანი კიბის პროექტის საჯარო განხილვას საზოგადოებას  მას შემდეგ სთავაზობს, რაც სამუშაოების შესრულებაზე ტენდერიც გამოაცხადა და გამარჯვებულიც გამოავლინა.
პოლიტიკური პარტია
12:36 / 03.06.2020
პოლიტიკური პარტია "ლელო" ქუთაისის #94 სპორტულ სკოლაში არსებულ მძიმე ინფრასტრუქტურულ მდგომარეობას აპროტესტებს და ხელისუფლებას ახალგაზრდული საკითხების მიმართ გულრგილობაში ადანაშაულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.