მორბენალი სტრიქონი
სასულიერო პირები, ყოფილი დეპუტატი - ვინ მივიდა ქუთაისში კონტრაქციაზე
FaceBook
ქუთაისის ცენტრალური ბაღში "თბილის პრაიდის" კონტრაცია გაიმართა.  აქციაზე სასულიერო პირები და რიგითი მოქალაქეები მივიდნენ.

აქციას, ასევე, შეურთდა ქუთაისის საკრებულოს წინა მოწვევის დეპუტატი უმრავლესობიდან გელა გაბადაძე.

"ლევან ვასაძე ვაჟკაცი ქართველია, რომელიც ზნეობისთგის იბრძვის. მე ვარ მრავალშვილიანი მამა, შემთხვევით გავიგეთ ეს აქცია და მივედი. ეს არის ქრისტეს და ანტიქრისტეს ბრძოლა. რაც შეეხება ვასაძის განცადებას, ის იძულებული გახადეს ასე მოქცეულყო" - განაცხადა კონტრაქციაზე მამა ილიამ.

აქციის ერთ–ერთი ორგანიზატორი ამბობს, რომ ისინი ბიზნესმენ ლევან ვასაძეს უჭერენ მხარს, რომელის მიერ ორგანიზებული კონტრაქცია ლგბტ პრაიდის კვირეულის წინააღმდეგაა მიმართული. მისი თქმით, ნებისმიერ დროს მზად არიან თბილისში ფართომასშტაბიან აქციას შეურთდნენ. 

"ხაზგასმით აღვნიშნავთ, რომ ვებრძვით სოდომ გომორს ანუ ცოდვას და არა კონკრეტულ ადამიანებს" -  ამბობს ქუთაისში კონტრაქციის ერთ-ერთი ორგანიზატორი ოთარ ხმელიძე, რომელიც "თავისუფალი საქართველოს" აქტივისტი გახლავთ, თუმცა მისი თქმით, დღევანდელ აქციას პარტიასთან კავშირი არ აქვს.

კონტრაქციის კიდევ ერთ ორგანიზატორი მალხაზ მურუსიძეა, რომელიც გელათის სასულიერო სემინარიის ლექტორია.

18-23 ივნისს თბილისში ლგბტ პრაიდის კვირეული იგეგმება. მას ორგანიზებას ორგანიზაცია "თბილისი პრაიდი" უწევს. ივნისი მთელ მსოფლიოში ლგბტ სიამაყის თვეა.

არასამთავრობო ორგანიზაციები “თბილისი პრაიდის“ ირგვლივ მომხდარ მოვლენებს ღია წერილით ეხმიანებიან და ლგბტ+ აქტივისტებს სოლიდარობას უცხადებენ. განხადებაში ორგანიზაციები მოუწოდებენ სამართალდამცავ ორგანოებს გაატარონ ყველა საჭირო ზომა, ერთი მხრივ მოძალადეთა სამართლებრივ პასუხისგებაში მიცემისათვის, მეორე მხრივ კი „თბილისი პრაიდის” კვირეულის მშვიდობიან გარემოში ჩატარების უზრუნველსაყოფად.

ამასთანავე, აშშ მოუწოდებს საქართველოს ხელისუფლებას, დაიცვას ყველა მოქალაქე სექსუალური ორიენტაციის და გენდერული იდენტობის მიუხედავად. "თბილისი პრაიდის" გამო საქართველოში განვითარებული მოვლენების შესახებ „ამერიკის ხმის“ შეკითხვას სახელმწიფო დეპარტამენტის წარმომადგენელმა უპასუხა, რომ ღრმადაა შეშფოთებული ლგბტქ თემის წინააღმდეგ გამოთქმული მუქარებით “თბილისი პრაიდის” მარშის წინ და კატეგორიულად გმობს ადამიანების დევნას რაიმე, კერძოდ, სექსუალური ორიენტაციის ან გენდერული იდენტობის მიზეზით.
Print E-mail
FaceBook Twitter
მსგავსი სიახლეები
ქუთაისის მერი, გიორგი ჭიღვარია საკრებულოს წევრის ნანა კოსტავას
მიერ  ბლოგერი, სალომე ბარკერთან დაკავშირებით გაკეთებულ ფეისბუქ
პოსტთან დაკავშირებით განცხადებას ავრცელებს:
22:00 / 30.05.2019
ქუთაისის მერი, გიორგი ჭიღვარია საკრებულოს წევრის ნანა კოსტავას მიერ  ბლოგერი, სალომე ბარკერთან დაკავშირებით გაკეთებულ ფეისბუქ პოსტთან დაკავშირებით განცხადებას ავრცელებს:
ზესტაფონში, რკინიგზის საწყობში დაშავებული ორი თანამშრომლიდან
ერთი–ერთის, 66 წლის მერაბ ნებიერიძის ჯანმრთელობის მდგომარეობა
სტაბილურია. მას მარჯვენა წვივზე კლინიკა ,, ფერომედში
19:18 / 27.05.2019
ზესტაფონში, რკინიგზის საწყობში დაშავებული ორი თანამშრომლიდან ერთი–ერთის, 66 წლის მერაბ ნებიერიძის ჯანმრთელობის მდგომარეობა სტაბილურია. მას მარჯვენა წვივზე კლინიკა ,, ფერომედში" ოპერაცია უკვე ჩაუტარდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.