ახალი ამბები
ჭიათურის მაღაროში არსებულ პრობლემებზე მთავრობის ადმინისტრაციაში შეხვედრა გაიმართა
FaceBook

ჭიათურის მაღაროში დასაქმებულების სამუშაო და კვების პირობებთან დაკავშირებით, მთავრობის ადმინისტრაციაში საკოორდინაციო შეხვედრა გაიმართა.


შეხვედრას რეგიონული განვითარების სამსახურის უფროსი სოზარ სუბარი, იმერეთის გუბერნატორის  მოადგილე ზვიად შალამბერიძე, „საქნახშირისა“  და საჩხერის საავადმყოფოს წარმომადგენლები ესწრებოდნენ.

როგორც ცნობილია, გადაწყდა, რომ ჭიათურის მაღაროს თანამშრომლებს სამედიცინო მომსახურებას სწორედ საჩხერის საავადმყოფო გაუწევს.


საჩხერის სამედიცინო ცენტრის ფინანსური დირექტორის,  მიხეილ ქამუშაძის თქმით, კლინიკაში შეისწავლიან მაღაროელების  საჭიროებებს და უზრუნველყოფენ მათთვის შესაბამისი სამედიცინო სერვისის მიწოდებას.


გარდა ამისა, კომპანია საქნახშირს  მაღაროელების სამუშაო ადგილზე პირველადი ჯანდაცვის პუნქტის გახსნა დაევალა.


შეხვედრაზე საუბარი, ასევე,  შეეხო მაღაროელების კვებით მომსახურებას. „საქნახშირის“ წარმომადგენლის თქმით, ადგილზე დასაქმებულთა უშუალო ჩართულობით გამოცხადდა ტენდერი და მათივე ზედამხედველობით  შეირჩა კომპანია, რომელიც მაღაროელებს კვებით მომსახურებას გაუწევს.

სამთავრობო დონეზე მაღაროს თანამშრომლების  პრობლემები მას შემდეგ დადგა, რაც მაღაროელებმა პროტესტის უკიდურეს ფორმას -შიმშილობას და პირის ამოკერვას მიმართეს.


ივნისის დასაწყისში, მთელი ჭიათურა საპროტესტო ტალღამ მოიცვა.

ხელფასის 50%-ით გაზრდის მოთხოვნით ჭიათურის მერიის შენობის წინ  ათობით მაღაროელი 11 დღის განმავლობაში შიმშილობდა.

საბოლოოდ, „საქნახშირი“  ანაზღაურების 35%-ით მომატებას  დათანხმდა, რაც  გაფიცულებისთვის მისაღები აღმოჩნდა და კომპანიასთან 8 პუნქტიანი შეთანხმება გააფორმეს. შეთანხმებით "საქნახშირმა" მაღაროელების კიდევ რამდენიმე მოთხოვნის დაკმაყოფილების ვალდებულება აიღო.


ამავე თემაზე:


ჭიათურის შავი ოქროს საბადოს ღარიბი გენერლები (ფოტო/ვიდეო)

მაღაროელები სამუშაო ადგილს დაუბრუნდნენ - როგორია ჭიათურა დღეს (ვიდეო)

8 პუნქტი, რაზეც “ჯორჯიან მანგანეზი” და მაღაროელები შეთანხმდნენ

ჭიათურა პარალიზებულია - მაღაროელების გაფიცვას მთელი ქალაქი შეუერთდა
Print E-mail
FaceBook Twitter
მსგავსი სიახლეები
ქუთისის ვიცე-მერი ნინო თვალთავძე დაკავებულ პოსტს ტოვებს. ამის
შესახებ მან საკუთარ ფეისბუქ გვერდზე დაწერა.
21:29 / 14.07.2020
ქუთისის ვიცე-მერი ნინო თვალთავძე დაკავებულ პოსტს ტოვებს. ამის შესახებ მან საკუთარ ფეისბუქ გვერდზე დაწერა.
პარლამენტმა
18:14 / 14.07.2020
პარლამენტმა "შრომის კოდექსში" შესატანი ცვლილებების პროექტი პირველი მოსმენით დაამტკიცა, რომლის თანახმად, დამსაქმებელი ვალდებული ხდება,

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.