პოლიტიკა
რა დაპირებები შესრულება მოუწევთ ზესტაფონსა და ჭიათურაში გამარჯვებულ "ოცნების" კანდიდატებს
FaceBook
ზესტაფონსა და ჭიათურაში 19 მაისს გამართულ  მერების რიგგარშე არჩევნებზე ხმების უმრავლესობა მმართველი გუნდის მიერ  წარდგენილმა კანდიდატებმა -  გიორგი გოგლიჩიძემ  და გივი მოდებაძემ მიიღეს

ახეთ რისი გაკეთება მოუწევთ გამარჯვებულ კანდიდატებს წინასაარჩევნო დაპირებების მიხედვით:

ზესტაფონი – გიორგი გოგლიჩიძე:


გიორგი გოგლიჩიძე  წინა საარჩევნო პერიოდში ამომრჩევლებს დაჰპირდა, რომ ზესტაფონში დასრულდება დაწყებული ინფრასტრუქტურული პროექტები,  მოეწყობა ქუჩები, გალამაზდება სკვერი, ბაღი თუ საფეხბურთო მოედანი. 

ასევე, მან ამომრჩევლებთან პირობა დადო, რომ  ზესტაფონის მუნიციპალიტეტში მოეწყობა წყალმომარაგების სისტემა, მოხდება დაბა შორაპნის რეაბილტაცია და ზესტაფონის სოფლების გაზიფიცირება. 

გიორგი გოგლიჩიძის დაპირებებშია გუნდურ მუშაობა და პრობლემების ერთობლივად დაძლევა. 


ჭიათურა –  გივი მოდებაძე:

"მაქვს ზუსტად გაწერილი ის გეგმა, რაც ჩვენს ქალაქს განვითარების სწორ გზაზე დააყენებს. ზუსტად ვიცი, რა გაწუხებთ, რა არის პირველი რიგის პრობლემები. დამერწმუნეთ, მე ვიდგები ყველა თქვენგანის გვერდით და თქვენი ჩართულობით ვიზრუნებ ჭიათურის განვითარებაზე. დაგეგმილი მაქვს ჭიათურა ვმართო მოსახლეობის ინტერესებიდან და საჭიროებებიდან გამომდინარე. ასევე, დაგეგმილი მაქვს კოსტავას ქუჩაზე ავაშენოთ ახალი, თანამედროვე სტანდარტების შესაბამისი საბავშვო ბაღი, სადაც ჭიათურის მომავალი თაობა, ჩვენი შვილები უსაფრთხო გარემოში მიიღებენ სკოლამდელ განათლებას".



საბავშვო ბაღების, გზების, სკვერების, ბავშვთა გასართობებისა და  სხვა სახის ინფრასტრუქტურის მოწყობა, ქალაქის ეკონომიკურად გაძლიერება, მღვიმევის მიმართულებით საავტომობილო გზის მოწყობა – ეს იმ დაპაირებების არასრული ჩამონათვალია, რომელთა მოგვარების პირობას გივი მოდებაძე საარჩევნო პერიოდში ამომრჩევლებთან შეხვედრის დროს დებდა.  

დაპირების თანახმად, ახლადარჩეულმა მერმა სოფელ ქვედა ბერეთისის, ისევე, როგორც ზედა ბერეთისის მიმართულებით უნდა მოაწესრიგოს გზის საფარი, ასევე, შენობების ფასადი და გარეგანათების სისტემა.

გივი მოდებაძემ მუნიციპალიტეტში ტურიზმის ხელშეწყობის და განვითარების პირობაც დადო. 

„ჩვენ ახალგაზრდებისთვის სტაჟირების პროგრამას შევიმუშავებთ, რაც საშუალებას მოგცემთ უნივერსიტეტში სწავლის პარალელურად, ჭიათურის მერიაში, ან მუნიციპალურ ორგანიზაციებში სტაჟირებები გაიაროთ. ამავდროულად, ჩემს გუნდთან ერთად ვიმუშავებ ახალგაზრდების დასაქმებაზე სხვადასხვა სფეროში ვაპირებ, აქტიურად განვავითარო ტურიზმი ჭიათურაში. მოხარული ვიქნები, თუ ამ საქმეში ახალგაზრდების ჩართულობა იქნება"


FaceBook Twitter
მსგავსი სიახლეები
პარტია
12:11 / 21.09.2019
პარტია "თავისუფალი საქართველოს" თავმჯდომარის მოადგილე, გოგი წულაია იუსტიციის მინისტრ, თეა წულუკიანს მოუწოდეს, ქუთაისის ცენტრში მდებარე ყოფილი ციხის შენობას ფუნქცია მოუძებნოს.
ფონდი
15:47 / 19.09.2019

ფონდი "ქართუს" ხელმძღვანელებმა, განათლების მინისტრთან და ქუთაისის ადგილობრივი ხელისუფლების წარმომადგენლებთან ერთად ქუთაისის საერთაშორისო უნივერსიტეტის სამშენებლო ტერიტორია დაათვალიერეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში 161 საპენსიო ასაკს მიღწეულ პრაქტიკოს მასწავლებელს პედაგოგის სტატუსი ოქტომბრის შუა რიცხვებში შეუწყდება.
ქუთაისში მასშტაბური მსვლელობა "მარში კლიმატისთვის" მოეწყო.
თერჯოლის მუნიციპალიტეტში მოზარდი გარდაცვლილი იპოვეს.
ფონდი "ქართუს" ხელმძღვანელებმა, განათლების მინისტრთან და ქუთაისის ადგილობრივი ხელისუფლების წარმომადგენლებთან ერთად  ქუთაისის საერთაშორისო უნივერსიტეტის სამშენებლო ტერიტორია დაათვალიერეს.
"ჩათვალეთ, რომ ეს არის პრეზენტაცია ქუთაისში" -ასე პასუხობს ფონდი "ქართუს" პროექტების დირექტორი, ვახტანგ ცაგარელი შეკითხვას: რატომ არ გაიმართა  ტექნოლოგიური უნივერსიტეტის პრეზენტაცია ქუთაისში.
ანტისანიტარია და მოუწესრიგებელი გზა - ასეთი სურათი ხვდებათ გელათის მონასტერთან მისულ ვიზიტორებს.
ქუთაისის ცენტრალურ ბაღში მიმდინარე სამეცნიერო პიკნიკზე სკოლის მოსწავლეები  დაშავდნენ.
დღეს იმერეთში სახელმწიფო რწმუნებულმა ზვიად შალამბერიძემ, სამხარეო ადმინისტრაციის თანამშრომლებს, პირველი მოადგილის თანამდებობაზე იოსებ ხახალეიშვილი წარუდგინა.