კლუბის პრეზიდენტის წასვლის მოთხოვნით, გულშემატკივრებმა ქუთაისის მერიის წინ საპროტესტო აქცია გამართეს.
ზაალ ჩაჩავამ ქუთაისიპოსტთან საუბარში განაცხადა, რომ ფეხბურთელებისთვის ხელფასის შემცირებას გეგმავს, რადგან მათ არ დააფასეს ის პირობები, რაც მან კლუბში შექმნა.
„თვენახევარი ხელფასი არ აუღიათ და რა მოხდა ასეთი? მსგავსი პრობლემები მსოფლიო დონის კლუბებში არსებობს. რა თქმა უნდა, პირადი წყენა მექნება იმ ფეხბურთელზეც და იმ მწვთრნელზეც, ვინც ამას ვერ ხედავს. 10, 12, 15 ათასი ლარი აქვთ ხელფასი. ყველაზე მინიმალური ანაზღაურება 5000 ლარია, როცა ზოგ გუნდში ეს ყველაზე მაღალ ხელფასად ითვლება. გუნდში რომ მოვედით, საჭმელი არ ჰქონდათ, სასმელი, ჩასაცმელი, მწვრთნელი გაქცეული იყო. ეს ჩემი პირადი გაბრაზებაც არის. ეს არის დაუნახაობა. მე არ ვაპირებ გუნდის დაშლას, მაგრამ ისეთი ფუფუნება აღარ იქნება, როგორიც იყო“, - განაცხადა ზაალ ჩაჩავამ ქუთაისიპოსტთან საუბარში.
ზაალ ჩაჩავამ, რომელმაც „ტორპედო“ 2017 წელს აუქციონზე შეისყიდა, რამდენიმე დღის წინ განაცხადა,რომ გუნდში ფინანსური პრობლემებია, რის გამოც, შესაძლოა, უარი თქვას კლუბის ინვესტირებაზე.
მან კლუბში შექმნილი პრობლემები ჩინური კომპანიის მიერ
კლუბთან გაფორმებული ხელშეკრულების გაწყვეტით ახსნა. მისი
თქმით, „ჰუალინგ ჯგუფმა“ დაფინანსებაზე უარი
განაცხადა.
ჩაჩავამ
ქუთაისის „ტორპედო“ ერთხელ უკვე დატოვა.
2016 წელს ჩაჩავა, რომელიც "ტორპედოს" პრეზიდენტად შვიდი
თვის დანიშნული
იყო, კლუბიდან წავიდა. მაშინ გუნდი ჯერ კიდევ მერიის საკუთრებაში
იყო, ჩაჩავა კი კლუბში სწორედ ინვესტიციის ჩადების პირობით მოვიდა,
თუმცა, ქუთაისის მაშინდელ ხელისუფლებასთან შეთანხმება ვერ
მოახერხა.
ქუთაისის მერიამ მალევე "ტორპედო" აუქციონზე
გაიტანა და მისი მფლობელი ჩაჩავა უკვე ოფიციალურად გახდა.
სამი წლის შემდეგ ქუთაისური კლუბი, შესაძლოა, კვლავ
ინვესტორის გარეშე დარჩეს.
ქუთაისიდან თბილისში საქართველოს პარლამენტის, კონტროლის პალატის, სემეკის, საგზაო დეპარტამენტისა და მთავრობის სახლის გადატანის შემდეგ, ახლა ჟვანიას სახელობის სკოლაც გადავიდა.
მასალის გამოყენების პირობები