ახალი ამბები
ქუთაისში ქალმა თვითმკვლელობა სცადა
FaceBook

ქუთაისში შუახნის  ქალმა თვითმკვლელობა სცადა.



ლია ჯოჯუამ ფოტო ატელიეში, თავის სამუშაო ადგილზე,  საკანცელარიო დანით ხელზე დაზიანებები მიიყენა.  ადგილზე მობილიზებულია სასწრაფო დახმარებისა და საპატრულო პოლიციის ეკიპაჟები.


ლია ჯოჯუა  აცხადებს,  რომ 13 წელია ამ ადგილზე მუშაობს, რომელიც ერთ -ერთი კორპუსის სადარბაზოშია გახსნილი.


სამეწარმეო საქმიანობის სანაცვლოდ იგი წმინდა ნინოს #6-ში მდებარე კორპუსის  მცხოვრებლებს იჯარის თანხას უხდიდა. გასულ წელს  კი თანხის ნაწილის გადახდა ვერ შეძლო და  ახლა  ფართის დაცლას სთხოვენ.  თუმცა,  ჯოჯუა ამბობს, რომ  რეალური მიზეზი ეს არ არის და სინამდვილეში კორპუსის ერთ-ერთი მცხოვრები,  გელა ბუნტური  ჯოჯუების საკუთრებაში არსებული  შენობის (წმინდა ნინოს #6-ის მოპირდაპირე მხარეს) შეძენით დაინტერესებულ პირებს გაურიგდა. ორსართულიანი შენობა, რომელიც ლია ჯოჯუას თქმით,  მისმა მეუღლემ 80-იან წლებში ააშენა, იმ კომერციული ფართის წინ მდებარეობს, სადაც თავად მუშაობს.


ვინ არის დაინტერესებული, როგორც თავად ჯოჯუა საუბრობს, მისი მეუღლის მიერ აშენებული შენობის შეძენით და ვის გაურიგდა ბუნტური, ამაზე პასუხი არ აქვს. თუმცა, ამბობს, რომ ბუნტურის მოთხოვნა ფართის დაცლის შესახებ და აღნიშნულ შენობასთან უცნობი პირების გამოჩენა ერთმანეთს საეჭვოდ დაემთხვა.


„გელა ბუნტურს აქვს დავალებული, რომ მე აქედან გამაგდოს. 30 მარტს  რამდენიმე პირი იყო მოსული და შენობის დანგრევა დაიწყეს. მე გავაპროტესტე, მოვიდა პოლიცია და შეწყვიტეს ნგრევა. ამის კადრებიც არსებობს. კაზინოა აქვე და იმის კამერების ჩანაწერები აქვს პოლიციას. 13 წლის წინ მე აქ კონკრეტული პირობით შემოვედი, რომ მეზობლებისთვის სადარბაზო უნდა გამერემონტებია.   გავარემონტე და 50 დოლარასაც ვიხდიდი თვეში. გასულ წელს რამდენიმე თვის დავალიანება დამიგროვდა. წელს ვიხდიდი, ერთი თვე არ ჩამიგდია. რამდენიმე დღის წინ მოვიდა ბუნტური და მითხრა, აქედან უნდა წახვიდეო. ზუსტად ვიცი, იმათ გაურიგდა, ვისაც ჩემი მეუღლის აშენებული შენობის წართმევა უნდა. მე კი იმიტომ მაგდებენ, რომ აქ პროცესს ვერ ვადევნო თვალი“,- ამბობს ლია ჯოჯუა.


ჯოჯუას თქმით, მისი მეუღლის მიერ აშენებულ შენობაზე დავა 15 წლის წინ დაიწყო. მეუღლის  გარდაცვალების შემდეგ  თანხა შესთავაზეს, მაგრამ შენობის დათმობაზე უარი განაცხადა. ახლა კი მისი თქმით, ისევ ცდილობენ ქონების  წართმევას.


ჯოჯუასა და ბუნტურს შორის დაპირისპირება რამდენიმე დღეა გრძელდება. ლია ჯოჯუამ იგივე მიზეზით თვითმკვლელობა ორი დღის წინაც სცადა. მან დიდი რაოდენობით მედიკამენტები დალია. სასწრაფო დახმარებამ იგი საავადმყოფოში გადაიყვანა. პოლიციაში გამოკითხვაზე იმყოფებოდა გელა ბუნტური.


ბუნტური ამბობს, რომ ლია ჯოჯუა არაკეთილსინდისიერი გადამხდელია და მან ფართი უნდა  დატოვოს.


„ორჯერ მიმიყვანა პოლიციაში. მოიგონა თითქოს ბოთლი ვესროლე. არაფერი მსგავსი არ ყოფილა. მივედი და ვუთხარი აქედან უნდა წახვიდეთქვა. ვიდეოც გადავიღე მერე რომ რამე არ მოეგონა.  არის არაკეთილსინდისიერი გადამხდელი და უნდა დატოვოს ფართი“,-ამბობს გელა ბუნტური.


წმინდა ნინოს #6-ში სულ 6 ოჯახი ცხოვრობს.  ქუთაისიპოსტმა ოთხ მათგანთან შეძლო გასაუბრება. სამსართულიანი კორპუსის ბოლო სართულზე მცხოვრები ცანავებისა და სიგუების ოჯახი ამბობს, რომ  ლია ჯოჯუას წავსლას კატეგორიულად არ მოითხოვენ, თუმცა, ამბობენ, რომ  თანხის გადახდას ხშირად აგვიანებს და უმჯობესი იქნება  თუ წავა.


ბუნტურებისა და გიორგაძეების ოჯახი კი  ჯოჯუას მიერ ფართის დაცლას დაუყოვნებლივ მოითხოვს.


ფოტო-ატელიეს  დაცლას არ აპირებს თავად ლია ჯოჯუა. იგი ამბობს, რომ თუ სამეზობლო გადაწყვეტილებას არ შეცვლის,  თავის მოკვლას ისევ შეეცდება.

FaceBook Twitter
მსგავსი სიახლეები

სამართალდამცველებმა ხარაგაულში  ნარკოტიკული საშუალების
შემცველი მცენარის უკანონო დათესვა, მოყვანის და კულტივირების
ბრალდებით 1 პირი დააკავეს.
17:16 / 23.07.2019

სამართალდამცველებმა ხარაგაულში  ნარკოტიკული საშუალების შემცველი მცენარის უკანონო დათესვა, მოყვანის და კულტივირების ბრალდებით 1 პირი დააკავეს.

ქუთაისს ტაილანდელი რეჟისორი და მსახიობები
სტუმრობენ. ქალაქის ცენტრალურ მოედანზე ფილმის გადაღება
მიმდინარეობს.
15:04 / 23.07.2019

ქუთაისს ტაილანდელი რეჟისორი და მსახიობები სტუმრობენ. ქალაქის ცენტრალურ მოედანზე ფილმის გადაღება მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
სამართალდამცველებმა ხარაგაულში  ნარკოტიკული საშუალების შემცველი მცენარის უკანონო დათესვა, მოყვანის და კულტივირების ბრალდებით 1 პირი დააკავეს.
ქუთაისს ტაილანდელი რეჟისორი და მსახიობები სტუმრობენ. ქალაქის ცენტრალურ მოედანზე ფილმის გადაღება მიმდინარეობს.
დღეს აბიტურიენტებისთვის საგამოცდო პერიოდი მთავრდება.
მას შეუძლია იყოს ყველაფერი.
„ვიმედოვნებთ, 2019 წლის ბოლოს ქუთაისს ექნება 24 საათიანი წყალი“, - ეს განცხადება რეგიონული განვითარებისა და  ინფრასტრუქტურის მინისტრმა, მაია ცქიტიშვილმა ქუთაისში გააკეთა.
იმერეთის სამხარეო ადმინისტრაციაში ზვიად შალამბერიძე გუბერნატორის პოსტზე წარადგინეს.
ქუთაისის მერია სტუდენტებს "ლიდერთა საზაფხულო სკოლას" წელსაც სთავაზობს, რომელიც აგვისტოს ბოლოდან დაიწყება.
ქუთაისში კუპრაძის, ბაგრატიონისა და ლაღიძის ქუჩაზე მცხოვრებლებს ქუჩიდან საყოფაცხოვრებო ნაგავი ვერ გააქვთ.