ზესტაფონის მერობის დამოუკიდებელი კანდიდატი, ვახტანგ რობაქიძე მმართველი პარტიის მიერ მისი მოსყიდვის შესახებ აცხადებს.
მისი თქმით, ერთ-ერთ შეხვედრაზე, რომელსაც ზესატფონის მაჟორიტარი დეპუტატი, შალვა კიკნაველიძეც ესწრებოდა, მას კანდიდატურის მოხსნა შესთავაზეს.
„მე მთავაზობდნენ მომეხსნა კანდიდატურა, სანაცვლოდ ჩემი
და ჩემი მხარდამჭერების კეთილდღეობის უზრუნველყოფას მპირდებოდნენ. ამ
საუბარს ესწრებოდა შალვა კიკნაველიძე და ეს ჩანაწერი არსებობს.
ჩვენ მივმართავთ შესაბამის ორგანოებს დაინტერესდნენ ამ ფაქტით და თუ
ასე არ მოხდება, ჩანაწერს გავასაჯაროებთ“, - განაცხადა პრესკლუბ
"მედიარუმში" ვახტანგ რობაქიძე.
ვახტანგ რობაქიძე საარჩევნო კამპანიაში ხელისშეშლის ფაქტებზეც
საუბრობს. მისი თქმით, ზესტაფონში მმართველი პარტია მოსახლეობაზე
ზეწოლას ახორციელებს და მათ დამოუკიდებელი კანდიდატის შეხვედრებზე
მისვლის უფლებას არ აძლევს.
„საარჩევნო კამპანიას ვერ ვატარებთ. პირადად შალვა კიკნაველიძე
ემუქრება ხალხს დაჭერით, სოციალური დახმარების მოხსნით თუ
ჩვენს შეხვედრებზე მოვლენ. ბაბუა გარადამეცვლა და პანაშვიდზე არ
მოვიდა ხალხი ისე არიან დაშინებულები. მივმართავ შესაბამის ორგანოებს,
სახალხო დამცელს, პრემეირ-მინისტრს, დაინტერესდნენ ამ
ფაქტებით“, - განაცხადა ვახტანგ რობაქიძემ.
მისი თქმით, ზეწოლის და ხელისშეშლის მიუხედავად, იგი კანდიდატურის
მოხსნას არ აპირებს.
ქუთაისიპოსტი შალვა კიკნაველიძესთან დაკავშირებას შეეცადა, თუმცა, ის
სატელეფონო ზარს არ პასუხობს.
ქუთაისში, შენობა, სადაც წლების განმავლობაში სხვადასხვა სახელმწიფო უწყებები ფუნქციონირებდა, ახლა უყურადღებობით ნადგურდება.
ჭიათურის თეატრის რეაბილიტაციაზე 13 660 231 ლარი იხარჯება, თუმცა პროექტი უკვე ორი წელია გრძელდება და სამუშაოები ჯერ კიდევ არ დასრულებულა. მიზეზად პროექტში შეტანილი დამატებითი ცვლილებები სახელდება.
მასალის გამოყენების პირობები