ახალი ამბები
ABBA -ს დაპირებული კონცერტი ქუთაისის ნაცვლად თბილისში ჩატარდება
FaceBook

ქუთაისში  ორმაისობის დღესასწაულზე ABBA mania-ს  დაპირებული კონცერტი აღარ ჩატარდება.

შვეიცარულ ჯგუფს ქუთაისის ნაცვლად თბილისელი მსმენელი მოუსმენს.


კონცერტი 31 მაისს ფილარმონიის  დიდ საკონცერტო დარბაზში  უკვე დანიშნულია.


საქართველოს კულტურის პალატის თავმჯდომარე, დავით ოქიტაშვილი ამბობს, რომ  "ქუთაისი არენაზე" ღონისძიებებს მანამდე არ გამართავს, ვიდრე მიმდებარე ტერიტორიაზე  ინფრასტრუქტურა არ მოწესრიგდება.


„31 მაისს იქნება თბილისში,  იმიტომ,  რომ მანდ ვერ მოვასწარით ინფრასტრუქტურის მოწესრიგება.  წინა  კონცერტზე ჩვენ  შენიშვნა მოგვცეს წყალში და ტალახში ჩაატარეთ კონცერტიო. ამხელა საქმეს ვაკეთებ და ლანძღვის მეტი არაფერი მიმიღია, ამიტომ აღარ ვაპირებ თავი გავილანძღო. როცა ქუთაისი იქნება მზად იმისთვის, რომ მიიღოს ამ  დონის სტუმრები,  ჩვენ ისევ  ჩავატარებთ კონცერტებს. ვერ მივხვდი  რატომ  გამოიწვია ასეთი რეაქცია ჩვენმა  გამოჩენამ?! თუ ასეთი პრობლემაა,  მზად ვარ დავთმო ეს ქარხანა და უკან გადმოვაბარო. ღმერთმა მშვიდობაში მოახმაროთ. არ ვაპირებ პოლიტიკური განცხადებების და უაზრობების გამო თავი გავილანძღო“, - განაცხადა ქუთაისიპოსტთან სატელეფონო საუბარში დავით ოქიტაშვილმა.


მისი თქმით, შენობის მიმდებარე ტერიტორიაზე  ინფრასტრუქტურა ქუთაისის მერიამ უნდა მოაწესრიგოს, რადგან  კულტურის პალატას  შენობის გარეთ სამუშაოების ჩატარება არ ევალება.


„ინფრასტრუქტურა  ჩვენ არ გვეხება. ჩვენი მოვალეობაა შიგნით ჩავატაროთ ღონისძიებები. ქალაქის მერი შეგვპირდა, რომ მოაწესრიგებდა ინფრასტრუქტურას, თუმცა, იქ არის პროცედურები, რომ ეს მოხდეს კანონიერად. გზაზე უნდა გამოცხადდეს ტენდერი და ასე უცებ ვერ მოხდებაო გვითხრეს“, -  განმარტავს ჩვენთან საუბარში დავით ოქიტაშვილი.


რა დაპირება მისცა ქუთაისის მერიმ  კულტურის პალატას, ამაზე პასუხს ქუთაისიპოსტი მერიისგან ამ დრომდე ელოდება.


საქართველოს კულტურის პალატამ ქუთაისში ABBA mania -ს ჩამოყვანა პრესკლუბ „მედიარუმში“ ერთი თვის წინ დაანონსა.


მაშინ დავით ოქიტაშვილმა განაცხადა, რომ შვეიცარული ჯგუფი ქუთაისს ორმაისობის დღესასწაულზე ეწვეოდა.


„ქუთაისი არენაზე“ კულტურის პალატის ორგანიზებით ორი  კონცერტი გაიმართა. 8 მარტს ავანგარდის ყოფილ ქარხანაში სტეფანე მღებრიშვილის კონცერტი ჩატარდა.  გასული წლის 20 ოქტომბერს კი ქუთაისმა ბელგიურ დუეტს  „კონობას“ უმასპინძლა.


შენობა, სადაც კონცერტები ჩატარდა,  ქუთაისის მერიამ "კულტურის პალატას"უსასყიდლოდ გადასცა.


ავანგარდის დასახლებაში  2000 კვ.მ შენობისა  და 6000 კვ.მ მიწის ნაკვეთის უსასყიდოდ დათმობა  ოპოზიციამ გააპროტესტა.

მაშინ დავით ოქიტაშვილმა განაცხადა, რომ შენობა და მისი მიმდებარე ტერიტორია  საპირფარეშოდ იყო ქცეული. კულტურის პალატა კი მის მოწესრიგებას და ქუთაისელებისთვის კულტურული სივრცის შექმნას  უზრუნველყოფდა.


შენობის გადაცემიდან თვენახევრის შემდეგაც  ტერიტორიაზე არაფერი შეცვლილა. ამორტიზებულია  შენობამდე მისასვლელი გზა, რომლის ორივე მხარეს  სამშენებლო ნარჩენები ისევ ყრია.

FaceBook Twitter
მსგავსი სიახლეები
ქუთაისის მერიამ ბოლო ორ წელიწადში  მის მიერ დაფუძნებული
იურიდიული პირების რაოდენობა და შესაბამისად, მათი შენახვის
 ხარჯები გაზარდა.
17:25 / 23.10.2019

ქუთაისის მერიამ ბოლო ორ წელიწადში  მის მიერ დაფუძნებული იურიდიული პირების რაოდენობა და შესაბამისად, მათი შენახვის  ხარჯები გაზარდა.

ქუთაისის მერია ქალაქში მოქმედი
მუზეუმებისთვის საერთო სივრცის მოწყობის იდეაზე მუშაობს.
15:09 / 23.10.2019

ქუთაისის მერია ქალაქში მოქმედი მუზეუმებისთვის საერთო სივრცის მოწყობის იდეაზე მუშაობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისის მერია ქალაქში მოქმედი მუზეუმებისთვის საერთო სივრცის მოწყობის იდეაზე მუშაობს.
ქუთაისიპოსტი, იმერეთის მუნიციპალიტეტებში აგრძელებს ვიდეობლოგების წარმოებას, სახელწოდებით “მოქალაქის ხმა”.
რატომ ვერ ვითარდება ტურიზმი ქუთაისსა და იმერეთში  მისი პოტენციალის შესაბამისად, რას არ ან ვერ აკეთებს ადგილობრივი ხელისუფლება და რა მექანიზმები არსებობს  ისტორიულ-კულტურული ღირსშესანიშნაობების უკეთ წარმოსაჩენად - ამ საკითხებზე ქუთაისში დისკუსია გაიმართა.
სოციალურ საცხოვრისში მცხოვრები ნემსწვერიძეების 8 სულიანი ოჯახის ერთადერთი შემოსავალი ფულადი შემწეობაა, რომელიც ყოველთვიურად 540 ლარს შეადგენს.
წყალტუბოს მუნიციპალიტეტში ოჯახები აკურთხეს. ამასთან დაკავშირებით სასულიერო პირებმა წყალტუბოს ქუჩებში მსვლელობა მოაწყვეს.
ქუთაისელი ახალგაზრდების დიდი ნაწილი ქალაქს განათლების მიღებისა თუ დასაქმების მიზნით ტოვებს და დედაქალაქს სტუმრობს.
მუნიციპალური განვითარების ფონდმა 175 ერთეული ავტობუსის შესაძენად ტენდერი გამოაცხადა.
ქუთაისში, სკოლა პროგრესის წინ, სიჩქარის შემზღუდველები  ნაწილობრივ მოშლილია.