ქუთაისის ოპერის თეატრი, რომელსაც სულ მალე 50 წელი უსრულდება, სავალალო მდგომარეობაშია.
სრულადაა ამორტიზებული შესასვლელი და სალარო. სცენაზე წყალი
ჩამოდის. დაზიანებულია ჭერი და იატაკი. მძიმე
მდგომარეობაა შენობის პირველ სართულზე. ცენტრალურ შესასვლელში
ჩამოხეულია შპალერი და დაბზარულია კედლები.
ოპერის თეატრის სამხატვრო ხელმძღვანელი, ირინა ლომინაძე ამბობს, რომ
შენობის კაპიტალურ რემონტს ყველაზე მცირე 5 მილიონი ლარი
სჭირდება.
„სცენაზეც კი ჩამოდის წყალი. სახურავზე რომ ავედით, ვნახეთ, რომ ცელოფანი ყოფილა გადაჭიმული და ამ ცელოფანზე გროვდება წვიმის წყალი. ახლა იქ იმდენი წყალია დაგროვილი, თუ სახანძრო არ გამოვიძახეთ და არ ამოვტუმბეთ, რომ გასკდეს, მთლიანად გაანადგურებს შენობას. სავალალო მდგომარეობაშია სალარო, ნესტია პირველ სართულზე. ამ პრობლემების მოგვარებას 5 მილიონი მაინც სჭირდება“,-ამბობს ირინა ლომინაძე.
5 მილიონის ნაცვლად ოპერის თეატრს სარეაბილიტაციო სამუშაოებისთვის
მხოლოდ 50 000 ლარი აქვს, რომელიც ქუთაისის მერიამ ადგილობრივი
ბიუჯეტიდან გამოუყო, თუმცა, იმის გამო, რომ შენობა არც ერთი უწყების
ბალანსზე არ არის, თანხის ათვისება ვერ ხერხდება.
თეატრის სამხატვრო ხელმძღვანელი ამბობს, რომ ეკონომიკის
სამინისტროში შესაბამისი პროცედურები დაწყებულია და შენობა
ოპერის თეატრს უნდა გადაეცეს.
მისი თქმით, მერიის მიერ გამოყოფილი თანხა თეატრს პრობლემებს
დროებით მოუგვარებს.
„როცა ეს მოხდება, ამ თანხით ვაპირებთ სალაროს გარემონტებას.
რაც შეეხება შესასვლელს, მოვიფიქრეთ, რომ თეატრის საარქივო
მასალებიდან ამოვიღოთ ფოტოები, გავადიდოთ, გავუკეთოთ ერთნაირი
ჩარჩოები და დავკიდოთ კედლებზე, რომ დროებით მაინც დავფაროთ ეს
დაზიანებები, ვიდრე კაპიტალური რემონტი
გაკეთდება“,-ამბობს ირინა ლომინაძე.
კაპიტალური რემონტის მოლოდინი სამხატვრო ხელმძღვანელს წლის ბოლომდე არ
აქვს და იმედს გამოთქვამს, რომ მომავალი წლის ზაფხულზე კულტურის
სამინისტრო ფინანსების მობილიზებას შეძლებს.
თეატრს აქვს ინსტურუმენტების პრობლემაც. უხარისხოა სცენის განათებაც.
სამხატვრო ხელმძღვანელის თქმით, ინსტრუმენტების ნაწილს
ყიდულობენ, თუმცა, განათების ხარისხი კვლავ პრობლემად რჩება.
ქუთაისის ოპერის თეატრს მასშტაბური რეაბილიტაცია 2010
წელს ჩაუტარდა, რისთვისაც 4 800 000 ლარი დაიხარჯა, თუმცა, გახსნიდან
მალევე შენობაში წაყლი ჩამოვიდა.
თეატრში შედარებით მცირე სამუშაოები 2016 წელს განხორციელდა.
მოწესრიგდა ჰოლი და სველი წერტილები. მოგვიანებით კი გარემონტდა
საგრიმიორო ოთახები.
უკვე წლებია დაზიანებულია შენობის ფასადიც, რომლის მდგომარეობაც
წლიდან წლამდე უარესდება.
შენობაზე ამ დრომდე არ არის გაფორმებული მიღება-ჩაბარების აქტი, რის
გამოც ის არც ერთი უწყების ბალანსზე არ ირიცხება.
შახტის ყოფილი თანამშრომელი ხვიჩა გაბუნია ფეისბუქპოსტში წერს, რომ საწარმოში გახშირებული ავარიები მოშლილი სისტემის შედეგია და არსებული მდგომარეობის გაგრძელებამ შესაძლოა შახტის დახურვა და ასობით ადამიანის უმუშევრად დარჩენა გამოიწვიოს.
მისი განცხადებით, მძიმე მდგომარეობაა ნახშირის მომპოვებელ უბნებზეც, სადაც დასაქმებულებს მუშაობა მაღალი რისკის პირობებში უწევთ. გაბუნიას თქმით, არ ხდება ტექნიკის განახლება და მოძველებული მექანიზმების ახლით ჩანაცვლება, ხოლო საწარმოს მართვაში გამოცდილი კადრების როლი შემცირებულია.
შახტის ყოფილი თანამშრომელი არსებულ ვითარებას 2018 წლის პერიოდს ადარებს, როდესაც, მისი თქმით, საწარმოში ავარიები და ფატალური შემთხვევები გახშირებული იყო. ის იხსენებს მეშახტეების მაშინდელ პროტესტსაც, რომელშიც თავად მონაწილეობდა და რომლის მიზანი საწარმოში მდგომარეობის გაუმჯობესება იყო.
გაბუნია მეშახტეებს მოუწოდებს, სამუშაო პირობებთან დაკავშირებულ რისკებზე ხმა აიმაღლონ. მისი შეფასებით, პრობლემების მოუგვარებლობამ შესაძლოა შახტის დახურვა და ტყიბულში ასობით ადამიანის უმუშევრად დარჩენა გამოიწვიოს.
"ბოლო დროს, შახტში ხშირია მარცხი, რომელიც სავალალო შედეგებით მთავრდება, ნახშირმომპოვებელი უბნები, ერთმანეთის მოყოლებით ფეთქდება და იწვის. რისი თქმა მინდა მეგობრებო, ამ წარმოებაში, მოშლილა სისტემა.
ორმა არაპროფესიონალმა ადამიანმა, ერთპიროვნულად ჩაიგდო ხელთ, მართვის სტრუქტურა. გამოცდილ კადრებს, რომლებიც თითზე ჩამოსათვლელი დარჩა ამ წარმოებაში, ( ჩემი პატივისცემა მათ) აღარაფერს ეკითხებიან. წარმოების სადავეები რამოდენიმე ნარკომანს და სოცკისთან დაახლოებული, არაპროფესიონალ კადრებს უჭირავს, რაც იწვევს შახტში, მოხშირებულ მარცხებს. ყველა, მექანიზმი და სატრანსპორტო საშვალება, რომელიც ემსახურება, მშრომელების გადაადგილებას და ნახშირის ტრანსპორტირებას, შახტიდან ზედაპირამდე , თითქმის 100% -ით გამოსულია მწყობრიდან, რაც საფრთხეს უქმნის მეშახტეთა სიცოცხლეს.
ნახშირ მომპოვებელი უბნები, კატასტროფულ მდგომარეობაშია, იქ ადგილზე მომუშავე პერსონალი, ძალიან დიდი რისკის ქვეშაა. არანაირი გადაიარაღება და ახლით ჩანაცვლება არ ხდება, რაც წარმოებას საბოლოოდ მიიყვანს დაკეტვის პირას და 100 ობით ადამიანის უმუშევრად დარჩენას. რისი თქმა მინდა მეგობრებო? ეს წარმოება უბრუნდება, 2018 წლის ნიშნულს, მარცხისა და სიკვდილიანობის მხრივ, როდესაც მოცემულ წლებში, ყოველ სამ თვეში, ათობით ადამიანი, მარცხდებოდა და იღუპებოდა. მაშინ, პირადად მე, ყველა მეშახტემ, ვისთვისაც ღირებილი იყო ადმიანის სიცოცხლე, გული შესტკიოდა წარმოების მომავალზე ხმა ამოვიღეთ და მიზანსაც მივაღწიეთ.
უპირველეს ყოვლისა, წლების განმავლობაში, აღარ ხდებოდა შახტში მარცხი, წარმოებაც შევინახეთ და გადავარჩინეთ. მეამაყება, მაშინდელ წლებში პროტასტის, რომელსაც პირადად მე,100 ობით მეშახტესთან ერთად ვხემძღვანელობდით და შედეგიც დავდეთ, ეს ყველა მეშახტეს კარგად ახსოვს. ამიტომ იყო, რომ წლების შემდგომ, არ მაპატიეს, მეშახტეების გვერჩიდგომა, ყველა მათ არასწორ გადაწყვეტილებაზე ხმის ხმამაღლა ამოღება და სისტემამ, მომიშორა თავიდან. მინდა მივმართო ყველა მეშახტეს! ხმა ამოიღეთ მეგობრებო, ყველა იმ რისკებზე, რაც თქვენ ჯამთელობას და სიცოცხლეს უქმნის საფრთხეს, თორემ შემდგომ, ჯვარი დაგწეროთ ღმერთმა გვიანი იქნება", - წერს შახტის ყოფილი თანამშრომელი.
„ქუთაისიპოსტი“ შახტში არსებულ მდგომარეობასთან დაკავშირებით საწარმოს ადმინისტრაციის პოზიციის გარკვევას შეეცდება.
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
მასალის გამოყენების პირობები