ახალი ამბები
ტყიბულში მეშახტეები შახტს ტოვებენ
FaceBook
ტყიბულის მინდელის სახელობის შახტში დასაქმებული ათეულობით მუშა სამუშაოს ტოვებს. ამის შესახებ ქუთაისიპოსტს მეშახტეებმა განუცხადეს.

"ძალიან ბევრი წავიდა და კიდევ აპირებენ წასვლას. მე მესმის მათი, რადგან აქ მოპოვებითი სამუშაოები უკვე ცხრა თვეა გაჩერებულია, ხელფას კი გვიხდიან, მაგრამ მუშაობა არ არის. ასევე, არის იმის რისკი, რომ შეიძლება ეს ხელფასები ერთ დღესაც აღარ მოგვცენ, ამიტომაც სადაც პერსპექტივა გაუჩნდა ხალხს, იქ წავიდა", – ამბობს ერთ-ერთი მეშახტე, ხვიჩა გაბუნია. 

სამსახურიდან მეშახტების წასვლას ადასტურებენ საქნახშირი "ჯი-აი-ჯის" ადმინისტრაციაში. თუმცა, კონკრეტულად ვერ აზუსტებენ, თუ რამდენმა მუშამ თქვა უარი შახტში მუშაობაზე.

"საკუთარი განცხადების საფუძველზე წავიდა რამდენიმე ათეული მუშა. თუ რატომ წავიდნენ, ეს მათ უნდა კითხოთ, ჩვენ ამის არც ვალდებულება და არც უფლება გვაქვს", – განმარტავენ კომპანიაში.

შახტში საწარმოო პროცესი გასული წლის ივლისის აფეთქების შემდეგ შეწყდა,  რა დროსაც ადგილზე ოთხი მეშახტე დაიღუპა.  კომპანია "საქნახშირი", რომელიც ტყიბულის შახტებში ოპერირებს, ბაზრიდან შესაძლო გასვლაზეც ალაპარაკდა. კომპანიას 2018 წლის 16 ივლისს მომხდარი უბედური შემთხვევის შემდეგ, ნახშირის მოპოვებითი სამუშაოები აღარ უწარმოებია. თუმცა მეშახტეები ხელფასს კვალ იღებენ, რაც საშუალოდ 800–1000 ლარს შეადგენს. 

"საქნახშირში" განმარტავენ, რომ გადაწყვეტილებას შახტის გახსნასთან დაკავშირებით დასკვნის დადების შემდეგ მიიღებენ, რომელზეც სახელმწიფო უწყებების ჩართულობით, გერმანელი ექსპერტები მუშაობენ.

Print E-mail
FaceBook Twitter
მსგავსი სიახლეები
17 დღიანი უწყვეტი ძებნის შემდეგ
მაშველებმა ქუთაისში  დაკარგული ტურისტის ცხედარი იპოვეს.
22:04 / 27.03.2020
17 დღიანი უწყვეტი ძებნის შემდეგ მაშველებმა ქუთაისში  დაკარგული ტურისტის ცხედარი იპოვეს.
საქართველოში ჰაერის დაბინძურების
მაჩვენებელი შემცირებულია.
10:46 / 27.03.2020
საქართველოში ჰაერის დაბინძურების მაჩვენებელი შემცირებულია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.