ახალი ამბები
"არა ნაგავსაყრელს" - საპროტესო აქცია ჭოგნარში (ფოტო)
FaceBook
"არა ნაგავსაყრელს" - ამ მოთხოვნით თერჯოლის მუნიცუპალიტეტის სოფელ ჭოგნარის მოსახლეობა დასახლების მიმდებარე ტერიტორიაზე ნაგავსაყრელის მშენებლობას აპროტესტებს.

ადგილობრივები ცენტრალურ მაგისტრალთან შეიკრიბნენ და ამბობენ, რომ ნაგავსაყრელის მშენებლობა მათ სიცოცოცხლეს და ჯანმრთელობას საფრთხეს შეუქმნის. მათი თქმით, თუკი არ გადაწყვეტილება არ შეიცვლება, პერმანენტულ აქციებს გამართავენ, შიმშილობას დაიწყებენ, ტერიტორიაზე ტექნიკას არ შეუშვებენ და ცენტრალურ მაგისტრალს გადაკეტავენ.




ადგილზე უსაფრთხოების მიზნით პოლიციაა მობილიზებული და აქციის მონაწილეებს გზის გადაკეტვის უფლებას არ აძლევენ.

სოფლის მაცხოვრებლების თქმით, თუკი უსაფრთხო იყო ნაგავსაყრელი მაშინ რატომ გააუქმეს ნიკეაზე.

მყარი ნარჩენების მართვის კომპანიაში აცხადებენ, რომ მოსახლეობის შიში უსაფუძვლოა და პროტესტის მიუხედავად, ახალი ნაგავსაყრელი მაინც აშენდება. ახალ ნაგვასაყრელზე დაგემილია პოლიგონის, ავტომობილის ხიდური სასწორის და სადეზინფექციო აპარატების მოწყობა. სადაც, ნარჩენების კომპაქტირება და დაპრესვა მოხდება. ის ნაგავსაყრელი იმერეთის, რაჭა-ლეჩხუმისა და ქვემო სვანეთის 700 000 მოქალაქეს მოემსახურება. პროექტის სრული საინვესტიციო ღირებულება 26 მლნ ევროს შეადგენს. პროექტს "მყარი ნარჩენების მართვის კომპანია", გერმანულ მხარესთან თანამშრომლობით, ახორციელებს. ახალი ნაგავსაყრელი 700 000 მოქალაქეს მოემსახურება.

რეგიონული ნაგავსაყრელის მშენებლობა თერჯოლის მუნიციპალიტეტ სოფელ ჭოგნარში მიმდინარე წლის გაზაფხულზე დაიწყება.

მყარი ნარჩენების მართვის კომპანიის წარმომადგენლის, გიორგი შუხოშვილის თქმით 36 ჰა მიწის ფართობზე, ახალი ნაგავსაყრელის მშენებლობის დასრულება 2020 წლის გაზაფხულისთვის იგეგმება. კომპანიაში ირწმუნებიან, რომ ნაგავსაყრელი ევროსტანდარტების შესაბამისი იქნება.

"გასული წლების 60-იანი წლებიდან ფუნქციონირებს სამტრედიის მუნიციპალიტეტსა და ნიკეას უბანში არსებული ნაგავსაყრელები, მათ ამოწურეს თავიანთი ლიმიტი და ესენი აუცილებლად უნდა დაიხუროს. სამაგიეროდ, ვაშენებთ რეგიონულ ნაგავსაყრელს, სადაც ყველა ევროსტანდარტი იქნება დაცული", - ამბობს გიორგი შუხოშვილი.

Print E-mail
FaceBook Twitter
მსგავსი სიახლეები
ქუთაისის საფეხბურთო კლუბ  ,,ტორპედოში
15:19 / 26.10.2020
ქუთაისის საფეხბურთო კლუბ  ,,ტორპედოში" კორონავირუსის ხუთი შემთხვევა დაფიქსირდა.
14:14 / 26.10.2020
"ქართული ოცნების" ახალგაზრდული ფრთის თავმჯდომარე დიმიტრი გურგენიძე, რომელიც ამავდროულად თერჯოლაში ორ საგანმანათლებლო დაწესებულებაში მუშაობს, წარსულში რამდენჯერმეა ნასამართლევი," - ინფორმაციას ამის შესახებ "პროგრესული საქართველოს" მაჟორიტარი დეპუტატობის კანდიდატი, ზესტაფონის, თერჯოლის, ბაღდათისა და ტყიბულის ოლქში, ადვოკატი ნინო მეფარიშვილი ავრცელებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.