ახალი ამბები
„კარგი რუსეთი არ არსებობს“ - ქუთაისში რუსეთის ნაკრებთან გამართულ მატჩს აპროტესტებენ
FaceBook
"ევროპა ჩვენი სახლია" ქუთაისში, სარაგბო კლუბ "აია არენაზე" რუსეთის ნაკრებთან ამხანაგური მატჩების ჩატარებას აპროტესტებს.
არასამთავრობო ორგანიზაციის წარმომადგენელთა თქმით, რუსულმა კლუბმა მიმდინარე თვის დასაწყისში ქუთაისში ოთხი მატჩი გამართა და მარტში კიდევ ოთხი თამაში აქვს დაგეგმილი.





"ევროპა ჩვენი სახლია" რუსეთის სახელმწიფოსთან საომარ მდგომარებაში ყოფნის პირობებში, საქართველოში რუსული ნაკრების მასპინძლობას მიუღებლად მიიჩნევს.

"სწორედ მაშინ, როცა "აია არენაზე" რუსულ კლუბს ვეთამაშებოდით, მამა დავითი გაიტაცეს საოკუპაციო ხაზიდან. დღეს ხურვალეთში ხდება საგუშაგო კოშკის აგება. ამ ფონზე კი ჩვენ ვმასპინძლობთ რუსულ კლუბს ქუთაისში. მტერ სახელმწიფოსთან ამხანაგური მატჩების ჩატარება არის მიუღებელი. ეს არაფერს მოუტანს ჩვენს ქვეყანას. პირიქით, ხელს შეუწყობას იმ აზრის დამკვიდრებას, რომ თითქოს არსებობს კარგი და ცუდი რუსეთი. არავითარი კარგი რუსეთი არ იქნება, ვიდრე ჩვენ ვართ საომარ მდგომარეობაში ამ ქვეყანასთან და ტანკის ლულა აქვს მოშვერილი ჩვენზე",-ამბობს "ევროპა ჩვენი სახლიას" წარმომადგენელი, გია გოქაძე.

მისი თქმით, რუსეთის ნაკრებთან ამხანაგური მატჩების გამართვა ნათელი დადასტურებაა იმისა, რომ თავად სახელმწიფო ცდილობს ე.წ, რბილი ძალის პოლიტიკის გატარებას.

"ევროპა ჩვენი სახლია" რეაგირებისკენ მოუწოდებს ქუთაისის მერიას. განსაკუთრებით, პოზიციის დაფიქსირებას ითხოვს იმერეთის გუბერნატორის, შავლეგო ტაბატაძისგან, როგორც გენერლისგან და აგვისტოს ომის მონაწილისგან. .

საქართველოს რაგბის ფედერაციას კი მოუწოდებს მარტში დაგეგმილი მატჩები გააუქმოს.

Print E-mail
FaceBook Twitter
მსგავსი სიახლეები
ქუთაისის მერია მოსწავლე -ახალგაზრდობის
პარკის რეკონსტრუქციას გეგმავს.
15:40 / 04.12.2021
ქუთაისის მერია მოსწავლე -ახალგაზრდობის პარკის რეკონსტრუქციას გეგმავს.
ქუთაისის ახალარჩეული საკრებულოს
წევრებმა წარმომადგენლობითი ორგანოს ლეგიტიმაცია უკვე
ცნეს.
14:08 / 04.12.2021
ქუთაისის ახალარჩეული საკრებულოს წევრებმა წარმომადგენლობითი ორგანოს ლეგიტიმაცია უკვე ცნეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.