ახალი ამბები
ვასილ კიკვიძე შესაძლოა ზვიად გამსახურდიას ძეგლით ჩაანაცვლონ
FaceBook
ქუთაისში, ე.წ.ზასტავას უბანში, ვასილ კიკვიძის ძეგლი, შესაძლოა, ზვიად გამსახურდიას ძეგლმა ჩაანაცვლოს.
ზვიად გამსახურდიას  გამზირზე მდებარე სკვერში, საქართველოს პირველი პრეზიდენტის ძეგლის განთავსების ინიციატივით, ერთ–ერთმა ადგილობრივმა, გიგა მელქაძემ ქუთაისის მერის მრჩეველთა საბჭოს უკვე მიმართა.

როგორც საბჭოს წევრები ამბობენ, გადაწყვეტილება მას შემდეგ უნდა იქნას მიღებული, რაც საფუძვლიანად მოხდება ადგილობრივთა პოზიციების გაცნობა, რადგან, შესაძლოა, ამ საკითხზე მოსახლეობას განსხვავებული შეხედულებები ჰქონდეს.

კიკვიძის ძეგლის აღებას ქუთაისში წლებია აქტიურად ითხოვს არასამთავრობო ორგანიზაცია "ევროპა ჩვენი სახლია". ორგანიზაციის წარმომადგენლები თვლიან, რომ ვასილ კიკვიძე საბჭოთა ჯალათი იყო და მისი ძეგლი ქალაქში არ უნდა იდგეს. მათივე თქმით, ადგილობრივმა ხელისუფლებამ უნდა შეასრულოს "თავისუფლების ქარტია", რომელიც საბჭოთა სიმბოლიკების აღებას ითვალისწინებს.

ვასილ კიკვიძის ბიუსტის აღების იდეა ქუთაისის წინა მოწვევის საკრებულოს დეპუტატსაც ჰქონდა. გია ქობალიანი საბჭოთა გმირად აღიარებული რევოლუციონერის ბიუსტის ადგილზე შოთა რუსთაველის ძეგლის დადგმას ითხოვდა.

ვასილ კიკვიძე ქუთაისში დაიბადა. იგი რევოლუციურ მოძრაობაში აქტიური მონაწილეობისთვის გიმნაზიიდან გარიცხეს. მონაწილეობდა I მსოფლიო ომში.  რევოლუციური მოღვაწეობისთვის მას დახვრეტა მიუსაჯეს, მაგრამ 1917 წლის თებერვლის რევოლუციის დროს განაჩენი გააუქმეს. მას 1918–1920 წლების სამოქალაქო ომის გმირის წოდება მიანიჭეს.

Print E-mail
FaceBook Twitter
მსგავსი სიახლეები
ცაგერის მუნიციპალიტეტში, სოფელ
ჩხუტელში სამძებრო-სამუშაოები მდინარე ცხენისწყალში გადავარდნილი
ავტომობილის მესამე მგზავრის ცხედარის მდინარიდან ამოყვანით
დასრულდა.
14:03 / 26.01.2020
ცაგერის მუნიციპალიტეტში, სოფელ ჩხუტელში სამძებრო-სამუშაოები მდინარე ცხენისწყალში გადავარდნილი ავტომობილის მესამე მგზავრის ცხედარის მდინარიდან ამოყვანით დასრულდა.
შპს
12:38 / 26.01.2020

შპს "ინვესტ ჯგუფმა" ანანოვების სასახლის რეკოსნტრუქციისათვის პროექტი წარადგინა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.