ახალი ამბები
„წყალტუბოში ოთხი ბაღის ოთხი მენეჯერი უსაფუძვლოდ გაათავისუფლეს“
FaceBook
წყალტუბოს საკრებულოს ფრაქცია "ევროპული საქართველოს" ინფორმაციით, მუნიციპალიტეტის ააიპ ბაგა–ბაღების ოთხი მენეჯერი გაათავისუფლეს.
როგორც ფრაქციის  თავმჯდომარემ, სევერიან გორდულაძემ პრესკლუბ "მედია რუმში" განაცხადა, გამგეების გათავისუფლება არჩევნების შედეგებს უკავშირდება.

"ამ ბაღების გამგეები წინასაარჩევნო პროცესში იყვნენ ჩართული. ყველამ იცით როგორ კატასტროფულად დამარცხდა "ქართული ოცნება" პირველ ტურში და ეს მოხდა მათ დასასჯელად. გადაწყვეტილება ამის შესახებ ბაღების გაერთიანების ხელმძღვანელმა ერთპიროვნულად მიიღო. ამის შესახებ საკრებულო ინფორმირებული არ არის, რომლის წინაშეც ვალდებულია აღმასრულებელი. ეს აღარ არის არაპროფესიონალიზმი, ეს არის გათავხედებული ქმედება",–ამბობს სევერიან გორდულაძე.

მისივე თქმით, ბაღების გაერთიანება არ არის მზად სწავლის დასაწყებად და სასწავლო პროცესის განახლებამდე ორი დღით ადრე,  საკვები პროდუქტების შეძენაზე ტენდერიც კი არ აქვს გამოცხადებული.

ბრალდებებს უარყოფენ წყალტუბოს ააიპ ბაგა–ბაღების გაერთიანებაში. როგორც მისი ხელმძღვანელი, გიორგი იობიძე ქუთაისიპოსტთან საუბარში ამბობს, ბაღების გამგეების არათუ გათავისუფლება, არამედ, მათი როტაციის წესით გადანაცვლება მოხდა.

"მოხდა ქალაქის საბავშვო ბაღებში როტაცია და ადგილები შევუცვალეთ მენეჯერებს. ისინი ისევ ამ პოზიციებზე აგრძელებენ მუშაობას. ეს არის ჯანსაღი პროცესი, უფრო ეფექტური მენეჯმენტისთვის. არასერიოზულდ აღვიქვამ მე ამ ადამიანს და არც უნდა ვაკეთებდე მასზე კომენტარს",– ამბობს გიორგი იობიძე.

რაც შეეხება საკვებ პროდუქტებს, გაერთიანების ხელმძღვანელი ამბობს, რომ ტენდერი უკვე ჩატარდა და შვიდი კომპანიაა გამარჯვებული, რომლებიც ააიპს საკვებ პროდუქტებს მიაწვდიან.

"ევროპული საქართველო" მუნიციპალიტეტის მერისა და ააიპ ბაგა–ბაღების გაერთიანების ხელმძღვანელის, გიორგი იობიძის ფრაქციის სხდომაზე დაბარებას აპირებს.

Print E-mail
FaceBook Twitter
მსგავსი სიახლეები
ქუთაისის მერთან არსებული მრჩეველთა საბჭო
გიორგი ჭიღვარიასგან გადადგომის მიზეზებზე განმარტების გაკეთებას
ითხოვს.
19:38 / 09.04.2020

ქუთაისის მერთან არსებული მრჩეველთა საბჭო გიორგი ჭიღვარიასგან გადადგომის მიზეზებზე განმარტების გაკეთებას ითხოვს.


1989 წლის 9 აპრილის ტრაგედიიდან 31
წელი შესრულდა.
11:34 / 09.04.2020

1989 წლის 9 აპრილის ტრაგედიიდან 31 წელი შესრულდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.