ახალი ამბები
„საბინაო სამსახური უნდა გაუქმდეს“ – „ნაციონალური მოძრაობა“
FaceBook
ქუთაისის საკრებულოს ფრაქცია "ნაციონალური მოძრაობის" წევრი, ვალერი კლდიაშვილი საბინაო სამსახურს უფუნქციოს უწოდებს და მის გაუქმებას ითხოვს.
მისი თქმით, მიმდინარე წელს სამსახურმა დაკისრებული ფუნქციები ვერ შეასრულა, რაც განსაკუთრებით უარყოფითად აისახება მოსახლეობაზე. ვალერი კლდიაშვილი მიიჩნევს, რომ უმჯობესია, თუ სამსახური განყოფილებად გადაკეთდება.

"არის პროექტები, რომლებიც ვერ შესრულდა და მიზეზსაც ვერ ვიგებთ რატომ. მაგალითად, სოციალურად დაუცველი ადამიანებისთვის უნდა გადაეხურათ სახლი და ვერ გადახურეს. რატომ ვერ მოხდა ეს, ამაზე პასუხი არ არსებობს. საბინაო სამსახურზე არის დიდწილად დამოკიდებული მერიის მუშაობა, რასაც ეს სამსახური ვერ ახერხებს. ამიტომ, ვფიქრობ, უმჯობესი იქნება თუ განყოფილებად გადაკეთდება", – ამბობს "ნაციონალური მოძრაობის" დეპუტატი.

საბინაო სამსახურის გაუქმებას არ ეთანხმება საკრებულოში "ევროპული საქართველოს" წევრი, მერაბ მეშველიანი. მისი თქმით, ეს გაზრდის ბიუროკრატიას, რაც საბოლოოდ მოსახლეობაზე აისახება უარყოფითად.

"საბინაო სამსახურს აქვს უმნიშველოვანესი ფუნქცია, ეს არის იმ პრობლემების მოგვარება, რაც მრავალსათულიან კორპუსებში არსებობს. თუ ის ვერ აგვარებს მასზე დაკისრებულ მოვალეობას, უნდა განვიხილოთ არა სამსახურის გაუქმების, არამედ, მენეჯერის საკითხი, თუ რამდენად სწორად მართავს იგი ამ სამსახურს. ვფიქრობ, განყოფილებად გადაკეთება გაზრდის ბიუროკრატიას, გართულდება საქმისწარმეობა და კიდევ უფრო გაწყდება კონტაქტი მოსახლეობასთან",–ამბობს მერაბ მეშველიანი.

მერიაში მიმდინარე რეორგანიზაციის ფარგლებში, საბინაო სამსახურის შესაძლო გაუქმებაზე ინფორმაცია ქუთაისიპოსტმა გაავრცელა.

რეორგანიზაციის ფარგლებში ცვლილებები, ასევე, იგეგმება აუდიტის განყოფილებაში.

Print E-mail
FaceBook Twitter
მსგავსი სიახლეები
ქუთაისის მერია ორი წლის განმავლობაში უშედეგო  მცდელობის შემდეგ
დღეს დროშას აღმართავს.
10:32 / 12.08.2020
ქუთაისის მერია ორი წლის განმავლობაში უშედეგო  მცდელობის შემდეგ დღეს დროშას აღმართავს.
13:41 / 11.08.2020
"სტრატეგია აღმაშენებლის ლიდერმა, გიორგი ვაშაძემ ქუთაისში გამართულ ბრიფინგზე ტურიზმის სფეროს პრობლემებზე ისაუბრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.