ახალი ამბები
მერია, კომპანიას, რომელმაც თეთრ ხიდზე ქვები მიიტანა, სასამართლოში უჩივის
FaceBook
მიმდინარე წლის 5 დეკემბერს,  თეთრ ხიდზე მიტანილი ქვების გამო, ქუთაისის მერია სამუშაოების შემსრულებელ კომპანია "ალმა რუსს" სასამართლოში უჩივის.
მერიის ზედამხედველობის სამსახურის უფროსის, ზვიად ჯავახიას თქმით,  საქმეზე ადმინისტრაციული სამართალდარღვევის ოქმი შედგა. დაჯარიმდება თუ არა კომპანია, ამას  სასამართლო გადაწყვეტს. 

შესაძლო დაჯარიმების შესახებ უკვე იციან "ალმა რუსში".  

"ცხრა იანვარს არის პირველი მოსმენა სასამართლოში და ვფიქრობ, იმ დღესვე 
გამოცხადდება გადაწყვეტილება. დაველოდები  რას გამოაცხადებს მოსამართლე", - ამბობს კომპანია "ალმა რუსის" ხელმძღვანელი, ზურაბ ყურუა. 

13 ქვა  თეთრ ხიდზე სამი კვირის წინ  მიიტანეს. კომპანიაში აცხადებდნენ, რომ მათ ამით ხელშეკრულებით ნაკისრი ვალდებულება შეასრულეს, თუმცა, ქუთაისის მერიაში ამბობდნენ, რომ  "ალმა რუსისთვის" მსგავსი დავალება არ მიუციათ და კომპანიამ ქვები ხიდზე თვითნებურად მიიტანა.  მერიის შესაბამისმა სამსახურმა ხიდზე დაწყობილი 13 ქვა რამდენიმე საათში აიღო და მერიის  საწყობში გადაიტანა. 

თეთრი ხიდი, რომლის რეაბილიტაციის დასრულებასაც ადგილობრივები ხუთი თვე ელოდნენ, სამ ნოემბერს, საზეიმოდ გაიხსნა. სარეაბილიტაციო სამუშაოები ადგილობრივი ბიუჯეტიდან დაფინანსდა და მასში 445 000 ლარი დაიხარჯა. სამუშაოები ტენდერში გამარჯვებულ კომპანია "ალმა რუსმა" შეასრულა.


ფოტო: თორნიკე ბარათაშვილი

ამავე თემაზე:

როგორი უნდა ყოფილიყო და როგორია თეთრი ხიდი

განახლებული თეთრი ხიდი ღამით (ფოტო)

თეთრ ხიდზე თეთრი ქვები მიიტანეს

თეთრი ხიდიდან ქვები აიღეს

სად წაიღეს თეთრ ხიდზე მიტანილი 13 ქვა
Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.