ახალი ამბები
ორთვიანი კომის შემდეგ 28 წლის ინგა ბალანჩივაძე სიარულს შეძლებს
FaceBook
ორთვიანი კომისა და 6 თვიანი უმოძრაობის შემდეგ ინგა ბალანჩივაძე სიარულს შეძლებს.

გოგონას სრულად გამოჯანმრთელების იმედს ის ოპერაცია იძლევა, რომელიც რამდენიმე დღის წინ თურქეთში ჩაუტარდა.

ექიმების თქმით ტვინის დაზიანება უჟანგბადობამ გამოიწვია. უძრავ მდგომარეობაში ყოფნამ კი ინგას მენჯების და მუხლის სახსრები ჩაუკეტა.

პაციენტს არ შეეძლო ფეხის მოხრა ან მათი ახლოს მიტანა. უმძიმესი ოპერაცია ვერ ტარდებოდა საქართველოში, თუმცა როგორც ინგას ოჯახის წევრები ყვებიან პაციენტს დამაიმედებელი პასუხი ვერც ანკარაში უთხრეს.

"ხუთ დღიანი კვლევების შემდეგ მათაც უარი თქვეს ოპერაციის გაკეთებაზე. თუმცა შემდეგ კომპანია "მედიცენტრს" დავუკავშირდით და ინგას მიღება ვთხოვეთ.
შემდეგ ინგა ანკარიდან მალათიაში ჩავიყვანეთ. სამ დღიანი წინასაოპერაციო კვლევების შემდეგ დაიგეგმა ურთულესი ოპერაცია, რომელიც 7 საათს გაგრძელდა, გაკეთდა მენჯების და მყესების დამოკლება-დაგრძელება," - ამბობენ ინგას ოჯახის წევრები.

მათივე ინფორმაციიით, ინგას ქირურგის ჯ.ჯ თურანის თქმით, ეს იყო მის პრაქტიკაში ერთ-ერთი ურთულესი და ყველაზე საპასუხისმგებლო ოპერაცია, რომელიც ბევრ რისკ-ფაქტორს ითვალისწინებდა, თუმცა საბედნიეროდ წარმატებით ჩატარდა.

დღეს ინგა თავს კარგად გრძნობს და თაბაშირის ნახვევის მოხსნის შემდეგ გოგონა რეაბილიტაციის პროცესს გაივლის.

ქუთაისელი ინგა ბალანჩივაძემ, რომელიც ოპერაციის შემდგომ კომატოზურ მდგომარეობაში იმყოფებოდა, კომატოზურ ძილს თავი დააღწია და მის სიცოცხლეს საფრთხე აღარ ემუქრებოდა, ამჯერად კი გოგონა სიარულსაც შეძლებს.

28 ინგა ბალანჩივაძის ჯანმრთელობის მდგომარეობა მას შემდეგ გართულდა, რაც 2018 წლის 11 მაისს, ქუთაისში, ხონელიძის კლინიკაში გარე ორსულობის შეწყვეტის მიზნით ოპერაცია გაიკეთა.

კლინიკაში ოჯახის წევრებს უთხრეს, რომ ოპერაციამ წარმტებით ჩაიარა, თუმცა ამ დრომდე დაუდგენელი მიზეზების გამო, პაციენტი 3 თვის განმავლობაში უგონო მდგომარეობაში იმყოფებოდა.

14 მაისს ინგა ქუთაისიდან, რეანომობილით, თბილისის ცენტრალურ საავადმყოფოში წაიყვანეს. სამედიცინო დაწესებულებაში ის 44 დღის განმავლობაში მართვით სუნთქვაზე იმყოფებოდა. იმავდროულად, მიმდინარეობდა პაციენტის მდგომარეობის კვლევა.

ინგა ბალანჩივაძის ჯანმრთელობის მდგომარეობის შესახებ თბილისში გაცემულ დასკვნაში ნათქვამია, რომ: თავის ტვინის ინფარქტი, პაციენტს ცერებრალური ვენების თრომბოზის გამო განუვითარდა. სუნთქვის მწვავე უკმარისობით (ენდობრონქიტი).

ოჯახის წევრებსაც ყველაზე მეტი კითხვა სწორედ სუნთქვის მწვავე უკმარისობასთან აქვთ. მათი ვარაუდით, ოპერაციის დროს პაციენტს საკმარისი ჟანგბადი არ მიეწოდებოდა.

რა მოხდა ხონელიძის კლინიკაში ოპერაციის დროს და რამ გამოიწვია პაციენტის ჯანმრთელობის მდგომარეობის გაუარესება, ამაზე კლინიკის თანამშრომლები არ საუბრობენ.

იკვეთება თუ არა ინგა ბალანჩივაძის ჯანმრთელობის გაუარესებაში ხონელიძის კლინიკის სამედიცინო პერსონალის პასუხისმგებლობის საკითხი, ეს სამედიცინო საქმიანობის რეგულირების სააგენტომ უნდა დაადგინოს.

ბალანჩივაძეები იმედოვნებენ, რომ ჯანდაცვის სამინისტროს დაქვემდებარებული ორგანო საქმეზე ობიექტურ დასკვნას დადებს.

სამედიცინო საქმიანობის რეგულირების სააგენტოს ბალანჩივაძეების ოჯახმა საჩივრით 21 ივნისს მიმართა. თუმცა მომხდარზე სააგენტოს პასუხები ამ დრომდე არ გაუცია.

ამავე თემაზე:

ძილში დარჩენილი პაციენტი - ოჯახი სამედიცინო პერსონალს უჩივის



Print E-mail
FaceBook Twitter
მსგავსი სიახლეები
დღეს, გელათის მონასტერში კულტურული
მემკვიდროების სააგენტოს დირექტორი ნიკოლოზ ანთიძე, მუნიციპალური
განვითარების ფონდის ხემძღვანელთან გიორგი შენგელიასთან ერთად
იმყოფებოდა და ღვთისმშობლის სახელობის ტაძარი
დაათვალიერა.
15:14 / 25.09.2020
დღეს, გელათის მონასტერში კულტურული მემკვიდროების სააგენტოს დირექტორი ნიკოლოზ ანთიძე, მუნიციპალური განვითარების ფონდის ხემძღვანელთან გიორგი შენგელიასთან ერთად იმყოფებოდა და ღვთისმშობლის სახელობის ტაძარი დაათვალიერა.
13:33 / 25.09.2020
"ნაციონალური მოძრაობის"  ქუთაისის  მერობის კანდიდატის გიგა შუაშანიას განცხადებით, გელათის სამონასტრო კომპლექსი საფრთხეშია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.