ახალი ამბები
"შენიშვნები მაქვს ხარისხთან მიმართებაშიც" - ქუთაისში დევნილთა მშენებარე კორპუსს სამხარაულის ბიურო ამოწმებს
FaceBook
ქუთაისში, პარლამენტის გვერდით, დევნილებისთვის მშენებარე კორპუსს არსებული ხარვეზების გამო, სამხარაულის ეროვნული ბიურო ამოწმებს.

ობიექტზე ხარისხთან მიმართებაში არსებულ პორბლემებზე და სამუშაობის გრაფიკის დარღვევით მიმდინარეობის თაობაზე რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა, რომელმაც სამუშაოები ადგილზე მოინახულა.

,,მოგეხსენებათ, დევნილთათვის საცხოვრებლების მშენებლობის ფუნქცია ერთი თვის წინ გადმოეცა ჩვენს სამინისტროს, შესაბამისად გუნდთან ერთად ვათვალიერებ სამშენებლო პროცესს. სამწუხაროდ, მშენებლობა ქუთაისში, ამ კონკრეტულ ობიექტზე გრაფიკის დარღვევით მიმდინარეობს, შენიშვნები მაქვს ხარისხთან მიმართებაშიც. ამ ეტაპზე, სამხარაულის ეროვნული ბიურო ამოწმებს კორპუსს, როგორც ხარისხობრივად, ისე შესრულებული სამუშაოების მოცულობის თვალსაზრისით, რათა სწორად წარვმართოთ სამინისტროსთვის გადმოცემის პროცესი. ჩვენ ვიმუშავებთ კონრტრაქტორთან, რომ რაც შეიძლება მალე გამოსწორდეს ის ხარვეზები, რომლებიც აღმოვაჩინეთ. მთლიანობაში პროექტი ძალიან მნიშვნელოვანია და ქუთაისში, ეტაპობრივად იგეგმება 13 ათასი დევნილი ოჯახისთვის საცხოვრებლის მშენებლობა“-განაცხადა მაია ცქიტიშვილმა. 

ქუთაისში დაგეგმილია 1280 ოჯახზე გათვლილი 12 კორპუსის მშენებლობა. ამ ეტაპზე, დასრულებულია ერთი კორპუსის მშენებლობა. ბინები უკვე გადაეცა 160 დევნილ ოჯახს კერძო საკუთრებაში. ამჟამად მიმდინარეობს სამი 16-სართულიანი კორპუსის მშენებლობა.  

სამუშაოების დასრულების ვადა მას შემდეგ განისაზღვრება, რაც მოხდება შესაბამისი ოპტიმალური გადაწყვეტილების მიღება ხარვეზების გამოსწორების კუთხით. დარჩენილი სამშენებლო სამუშაოების ღირებულება დაახლოებით 85 000 000 ლარს შეადგენს.

ამავე პროგრამის ფარგლებში, წყალტუბოს მუნიციპალიტეტში, 70-ბინიანი რვა საცხოვრებელი კორპუსის მშენებლობაა დაგეგმილი. ამ ეტაპზე მიმდინარეობს ორი კორპუსის მშენებლობა და მშენებლობის დაბალი ტემპის გამო კონტრაქტორს დაეკისრა საჯარიმო სანქციები.

პროექტის მთლიანი ღირებულება 40 მილიონ ლარზე მეტია. პროექტის დასრულების შემდეგ 140 ოჯახი დაკმაყოფილდება საცხოვრებელი ფართით.


Print E-mail
FaceBook Twitter
მსგავსი სიახლეები
ქუთაისის მერია მოსწავლე -ახალგაზრდობის
პარკის რეკონსტრუქციას გეგმავს.
15:40 / 04.12.2021
ქუთაისის მერია მოსწავლე -ახალგაზრდობის პარკის რეკონსტრუქციას გეგმავს.
ქუთაისის ახალარჩეული საკრებულოს
წევრებმა წარმომადგენლობითი ორგანოს ლეგიტიმაცია უკვე
ცნეს.
14:08 / 04.12.2021
ქუთაისის ახალარჩეული საკრებულოს წევრებმა წარმომადგენლობითი ორგანოს ლეგიტიმაცია უკვე ცნეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.