ახალი ამბები
საბერძნეთში ხანძრის შედეგად დაღუპულთა რიცხვი 74-მდე გაიზარდა
FaceBook
საბერძნეთში გაჩენილ ხანძარს, ბოლო ინფორმაციით, 74 ადამიანის სიცოცხლე შეეწირა. დაშავებულითა რიცხვი 156 ადამიანამდე გაიზარდა.
დაღუპულებს შორის ორი პოლონელი ტურისტია.

ბიბისის ცნობით, ხანძრისგან დაზარალებულების დასახმარებლად  საბერძნეთის ხელისუფლება სახელმწიფო საინვესტიციო პროგრამიდან 20 მილიონ ევროს გამოყოფს.

როგორც საბერძნეთის მთავრობის ოფიციალურმა წარმომადგენელმა დიმიტრის ტზანაკოპულოსმა განაცხადა, აღნიშნული ზომები შეეხება სტიქიის ადგილას მცხოვრები მოქალაქეების საგადასახადო ვალდებულებებს, ასევე გაიხსნება სპეციალური საბანკო ანგარიში, რომელზეც სახელმწიფო და ნებისმიერი მსურველი ფულს გადარიცხავს ხანძრის შედეგების ლიკვიდაციისთვის.

საბერძნეთის მთავრობის ინფორმაციითვე, სტიქიის შედეგები სრულად ჯერ არ არის  შეფასებული. აღსანიშნავია, რომ საბერძნეთის პროკურატურამ ხანძრის გაჩენის მიზეზების გამოძიება დაიწყო.

საბერძნეთში ათენის გარეუბანში ხანძარი 23 ივლისს გაჩნდა. დაიწვა საცხოვრებელი სახლები და მანქანები.





საბერძნეთის ხელისუფლებას ხანძრის ლოკალიზებაში დახმარება ევროპის სხვა ქვეყნებმა შესთავაზეს.

დაღუპულებს შორის უცხოელებიც არიან. აღნიშნულთან დაკავშირებით ქვეყანაში სამდღიანი გლოვაა გამოცხადებული.

ბოლო ორი დღის განმავლობაში საბერძნეთში ტყის ხანძრების 47 კერა დაფიქსირდა.

ამავე თემაზე:

ქუთაისელი ემიგრანტი საბერძნეთიდან - 26 ადამიანი ნახეს დამწვარი, შვილებთან ჩახუტებული
Print E-mail
FaceBook Twitter
მსგავსი სიახლეები
ქუთაისის საკრებულოს დეპუტატებმა
14:57 / 26.01.2022
ქუთაისის საკრებულოს დეპუტატებმა "ნაციონალური მოძრაობიდან", სხდომაზე ახალი ფრაქციის შექმნა მოითხოვეს.
ქუთაისის საკრებულოს სხდომა
უკრაინის მხარდამჭერი განცხადებებით დაიწყო.
14:25 / 26.01.2022
ქუთაისის საკრებულოს სხდომა უკრაინის მხარდამჭერი განცხადებებით დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.