ახალი ამბები
„წინასწარი შეთანხმება მიღწეულია“ –„ჰუალინგ ჯგუფი“ „ტორპედოში“ ინვესტიციას ჩადებს
FaceBook
"ჰუალინგ ჯგუფი" ქუთაისის "ტორპედოში" ინვესტიციას ჩადებს. კლუბსა და ბინზესჯგუფთან შეთანხმება უკვე მიღწეულია.
რა მოცულობის და რა პირობებით განახორციელებს  ინევსტიციას, დეტალებზე კლუბში არ საუბრობენ.

"წინასწარი შეთანხმება მიღწეულია, თუმცა, გასარკვევია რაღაცეები და ბოლომდე არ არის პროცესი მისული",- განაცხადა კლუბის აღმასრულებელმა დირექტორმა, მამუკა მოსიაშვილმა ქუთაისიპოსტთან საუბარში.

მისივე თქმით, ინვესტიციასთან დაკავშირებით უფრო ვრცლად ტირასპოლიდან დაბრუნების შემდეგ ისაუბრებენ, სადაც "ტორპედო" "შერიფთან" საპასუხო მატჩს ჩაატარებს.

"ჰუალინგ ჯგუფის" წარმომადგენლები 10 ივლისს გამართულ "ტორპედო" –"შერიფის" მატჩს ესწრებოდნენ.

ჩინური ინევსტიციის კლუბში შესაძლო განხორციელებაზე საუბარი ორი თვის წინ დაიწყო. კლუბში მაშინ ამბობდნენ, რომ მოლაპარაკებები მიმდინარეობდა, თუმცა, გადაწყვეტილი არაფერი იყო.

კლუბის პარალელურად მაშინ საუაბარი იყო ამავე ჯგუფის მიერ შპს "რამაზ შენგელიას სახელობის" ინვესტირებაზეც, თუმცა, მამუკა მოსიაშვილი ამბობს, რომ ჯერჯერობით შეთანხმება მხოლოდ კლუბს ეხება.

"ტორპედოს" სტადიონი, რომელსაც რეაბილიტაცია მისი ყოფილი ინვესტორის, "ვისოლის" შემდეგ არ ჩატარებია, ამორტიზებულია. მოედანზე მოშლილია ინფრასტრუქტურა, ინვენტარი კი გაახლებას საჭიროებს.

ამის გამო, 10 ივლისს ჩემპიონთა ლიგის საკვალიფიკაციო ეტაპზე, "ტორპედო" – მოლდოვური "შერიფის" მატჩის ჩატარებაც კი კითხვის ნიშნის ქვეშ დადგა, თუმცა, საბოლოოდ, უეფამ მატჩის ჩატარებაზე თანხმობა განაცხადა. ეს შეხვედრა "ტორპედომ" ანგარიშით 2:1 მოიგო.

2017 წელს, მას შემდეგ, რაც კლუბი ზაალ ჩაჩავამ აუქციონზე 300 000 ლარად შეიძინა, ქუთაისის მერიამ სტადიონი შპს-დ ჩამოაყალიბა და ყოველწლიურად 250 000 ლარით აფინანსებს, თუმცა, სტადიონის ადმინისტრაციაში ამბობენ, რომ ინფრასტრუქტურის შესაცვლელად ეს თანხა საკმარისი არ არის.

Print E-mail
FaceBook Twitter
მსგავსი სიახლეები
ქუთაისში, საერთაშორისო ფორუმი 
15:40 / 21.06.2024
ქუთაისში, საერთაშორისო ფორუმი  "ქალაქების შესაძლებლობების გაძლიერება“  მიმდინარეობს, რომელსაც ქალაქი უკვე მეოთხედ მასპინძლობს.
ბაღდათის მუნიციპალიტეტში, 20 ივნისის ღამით მოსული უხვი ნალექის
შედეგად, მდინარე ხანისწყალი ადიდდა.
11:51 / 21.06.2024
ბაღდათის მუნიციპალიტეტში, 20 ივნისის ღამით მოსული უხვი ნალექის შედეგად, მდინარე ხანისწყალი ადიდდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.