ახალი ამბები
ვერ ვიცხოვრებთ თონეს თავზე - მოსახლეობის პროტესტი ქუთაისში
FaceBook
ქუთაისში ავტომშენებლის N38 კორპუსში მცხოვრები 23 მოსახლე თონეს აშენებას აპროტესტებს.
ადგილობრივების თქმით,  თონე საცხოვრებელი კორპუსის პირველ სართულზე შენდება, რასაც ისინი არ დაუშვებენ.

"ქუთაისიპოსტს" ადგილზე მისვლის დროს,სადაც თონე უნდა მოწყობილიყო ობიექტის კარი და ფანჯარა ქაღალდით შეფუთული დახვდა. თუმცა შენობაში შეხედვით გარკვევით ირჩევა, რომ ობიექტში უკვე მოწყობილია  ბეტონის მრგვალი  კონსტრუქცია. 

"დანამდვილებით ვიცით, რომ ბინის ქვეშ აწყობენ თონეს, რომელსაც დიდი სიმხურვალე ექნება და წარმოდგენა არ გვაქვს როგორ უნდა ვიცხოვროთ  ამ ზაფხულში? ჩვენ ვერ ვიცხოვრებთ თონეს თავზე, ამიტომ მოვუწოდებთ მერიას, არ გასცენ ამ ობიექტის მშენებლობაზე ნებართვა, თორემ პროტესტს არ შევწყვეტთ," - ამბობს ავტომშენებლის N38 - ში მცხოვრები ეთერ პაპუაშვილი.

ადგილობრივების თქმითვე, საცხოვრებელი ბინის ქვეშ თონეს არსებობა, გარდა სიცხისა, არ გამორიცხავს ხანძრის გაჩენის საფრთხესაც.

სწორედ ხსენებული მიზეზების გამო, თონეს აშენებაზე ნებართვის არ გაცემის მოთხოვნით მოსახლეობამ განცხადება ქუთაისის მერიაში მიმდინარე წლის 2 ივლისს შეიტანა.

ქუთაისის მერიის ზედამხედველობის სამსახურში აცხადებენ, რომ ზემოთაღნიშნულ კორპუსში თონეს გამართვაზე ნებართვა არ გაცემულა.

"სრული პასუხისმგებლობით ვამბობ, რომ ნებართვა თონეს მშენებლობაზე არც აწი გაიცემა," - ამბობს ქუთაისის მერიის ზედამხედველობის სამსახურის ხელმძღვანელი ზვიად ჯავახია.





Print E-mail
FaceBook Twitter
მსგავსი სიახლეები
ორთვიანი წყვეტის შემდეგ,  საქალაქო
ტრანსპორტმა მუშაობა განაახლა, თუმცა,
პირველივე დღეს
გაფუჭდა #28
მიკროავტობუსი.
10:31 / 29.05.2020
ორთვიანი წყვეტის შემდეგ,  საქალაქო ტრანსპორტმა მუშაობა განაახლა, თუმცა, პირველივე დღეს გაფუჭდა #28 მიკროავტობუსი.
29 მაისიდან ქუთაისში სრულად აღდგა საქალაქო
ტრანსპორტის მოძრაობა.
09:59 / 29.05.2020
29 მაისიდან ქუთაისში სრულად აღდგა საქალაქო ტრანსპორტის მოძრაობა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.